Red News Agency

Tag: နွေဦးတော်လှန်ရေး

  • လေကြောင်းကာကွယ်ရေးလက်နက် ဖြန့်ကျက်တပ်ဆင်ဖို့ ကန့်အသတ်ရှိဟု ကာကွယ်ရေးဝန်ကြီး ဦးရည်မွန်ပြော 

    လေကြောင်းကာကွယ်ရေးလက်နက် ဖြန့်ကျက်တပ်ဆင်ဖို့ ကန့်အသတ်ရှိဟု ကာကွယ်ရေးဝန်ကြီး ဦးရည်မွန်ပြော 

    RNA_အောက်တိုဘာ(၂၇)၊၂၀၂၂ခုနှစ်။

    လေကြောင်းကာကွယ်ရေးလက်နက် (MANPADS) အလုံ အလောက်ဖြန့်ကျက်တပ်ဆင်နိုင်ရန် အကန့်အသတ်ရှိကြောင်း အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန ဝန်ကြီး ဦးရည်မွန်က ပြောသည်။

    PDF ရဲဘော်များသို့ ပြောကြားသည့် ရေဒီယို NUG အသံလွှင့်အစီအစဉ်တွင် ဦးရည်မွန်က ပြောကြားထားခြင်းဖြစ်သည်။

    ” လေကြောင်းကာကွယ်ရေးလက်နက် (MANPADS) အသုံးပြုတယ်ဆိုတာ နည်းလမ်းတစ်ခုပဲ ဖြစ်တယ်။ ဒီလက်နက်က တစ်ကမ္ဘာလုံးအတိုင်းအတာနဲ့ကြပ်မတ်ထားတာ ဖြစ်တဲ့အတွက် ပစ္စည်းရဖို့ အချိန်ယူကြိုးစားရသလို အလုံအလောက်ဖြန့်ကျက်တပ်ဆင်နိုင်ဖို့ ဆိုတာလည်း အကန့်အသတ်ရှိတယ်။ ဒါကြောင့် ငါတို့ ဥာဏ်သုံးပြီး ရန်သူ့လေကြောင်းဟန့်တားနိုင်မယ့်နည်းလမ်းသစ်တွေ ရှာရလိမ့်မယ်။နည်းဗျုဟာပိုင်းဆိုင်ရာ လိုအပ်တဲ့အပြောင်းအလဲနဲ့အသင့်အနေအထား ပြင်ဆင်မှုတွေ ဆောင်ရွက်ကြဖို့ လိုအပ်မှာ ဖြစ်တယ်” ဟု ဦးရည်မွန်က ပြောသည်။

    (more…)

  • “ရွာလေးတော့ ပြာကျသွားပြီ”

    “ရွာလေးတော့ ပြာကျသွားပြီ”

    စစ်ကောင်စီတပ်တွေက PDF တွေမနိုင်လို့ ကျေးရွာတွေကို လူမဆန်စွာ မီးရှို့ဖျက်ဆီးနေ

    RNA_အောက်တိုဘာ(၂၃)၊၂၀၂၂ခုနှစ်။

    မကွေးတိုင်း၊ ဆိပ်ဖြူမြို့နယ်အတွင်း ဒေသခံ ပြည်သူ့ကာကွယ်ရေးတပ်ဖွဲ့များ၏ တိုက်ခိုက်မှုကြောင့် စစ်ကောင်စီတပ်သားများ သေဆုံးပြီးနောက် လူမဆန်စွာ ကျေးရွာများကို မီးရှို့ဖျက်ဆီးမှု ပြုလုပ်နေသည်။

    [embedyt] https://www.youtube.com/watch?v=X6xedNWneFo[/embedyt]

    ပခုက္ကူခရိုင်၊ ဆိပ်ဖြူမြို့နယ်၊ အမှတ်‌ (၄) တပ်ရင်း၊ တပ်ခွဲ (၂) ဘာမထီ ပြည်သူ့ကာကွယ်ရေးတပ်ဖွဲ့မှ ရဲဘော်တဦးက မြေပြင်အနေအထားများနှင့်ပတ်သက်ပြီး Red News Agency ကိုပြောပြထားသည်။

    Red News Agency

  • ကော့ကရိတ်တိုက်ပွဲတွင် ပြည်သူ့ကာကွယ်ရေးရဲဘော် စောအချီ ကျဆုံး

    ကော့ကရိတ်တိုက်ပွဲတွင် ပြည်သူ့ကာကွယ်ရေးရဲဘော် စောအချီ ကျဆုံး

    RNA_အောက်တိုဘာ(၂၂)၊၂၀၂၂ ခုနှစ်။
     
    တိုက်ပွဲပြင်းထန်ခဲ့သည့် ယမန်နေ့က ကော့ကရိတ် တိုက်ပွဲတွင် ကျားဖြူစစ်ကြောင်းမှ ရဲဘော် စောအချီ ကျဆုံးခဲ့ရသည်။
     
    ဖက်ဒရယ်ပြည်ထောင်စုတည်ဆောက်ရေးအတွက် စစ်အာဏာရှင်ကို လက်နက်ကိုင်တိုက်ခိုက်ရင်း ဩဂုတ်လ ၂၁ ရက်နေ့ ကော့ကရိတ်မြို့တိုက်ပွဲ နွားခြံအနီးတွင် စစ်ကောင်စီတပ် ပစ်ခတ်သည့် လက်နက်ကြီးကျည်ထိမှန်ပြီး ဆေးကုသမှုနောက်ကျသည့်အတွက် ကျဆုံးခဲ့ရခြင်းဖြစ်ကြောင်း သိရသည်။
    ကော့ကရိတ်တိုက်ပွဲအတွင်း ကျဆုံးခဲ့ရသည့် ရဲဘော် စောအချီ
     
    “ ကျနော်နဲ့အတူ တိုက်ပွဲတွေ စစ်ဆင်ရေးတွေထွက်တာ အများကြီးပါ အမှတ်တရတွေက၊ တော်တော်စိတ်မကောင်းဖြစ်ရတယ်၊ ဝမ်းနည်းရတယ်ဗျာ၊ မနေ့ကလည်း ကော့ကရိတ်တိုက်ပွဲမှာ အတူတူ တိုက်ခဲ့ကျတာပါ၊ ကျနော်က နည်းနည်းပဲ ထိတာပါ၊ သူငယ်ချင်းက ကျသွားတယ်၊ သူဆို အေးဆေးနေလို့ရတယ် ဒါကိုမနေနဲ့ တိုင်းပြည်နဲ့ လူမျိုးအတွက် တိုက်ပွဲဝင်တယ်ဗျာ မြို့ပေါ်မှာစားသောက် ပျော်ပါးနေတာတွေမြင်ရတာ စိတ်မကောင်းဖြစ်ရတယ်၊ ပိုဝမ်းနည်းရတယ်ဗျာ သူ့ကလေးက အခုမှ ၈ လပဲ ရှိသေးတာ” ဟု ကော့ကရိတ်တိုက်ပွဲတွင် ပါဝင်ခဲ့သည့် ပြည်သူ့ကာကွယ် ရေးရဲဘော် ကိုသစ်နောင်နောင်က Red News Agency ကို ပြောသည်။

    (more…)

  • မုံရွာ စသုံးလုံးရုံး ပစ်ခတ်ခဲ့သည့် ရုပ်သံ 

    မုံရွာ စသုံးလုံးရုံး ပစ်ခတ်ခဲ့သည့် ရုပ်သံ 

    RNA_အောက်တိုဘာ(၁၈)၊၂၀၂၂ခုနှစ်။

    စစ်ကိုင်းတိုင်း၊ မုံရွာမြို့ စစ်ကောင်စီလက်အောက်ခံ အထူးစုံစမ်းစစ်ဆေးရေး (စသုံးလုံး) ရုံး ဂိတ်ပေါက်မှာ စောင့်နေသောစစ်ကောင်စီတပ်သားများနှင့် ရုံးတလျှောက်ကို ယနေ့ ( အောက်တိုဘာ ၁၈ ရက်) နံနက် ၁၁ နာရီ ၄၄ မိနစ်ဝန်းကျင်က မုံရွာနတ်ဆိုးအဖွဲ့က ပစ်ခတ်တိုက်ခိုက်ခဲ့ကြောင်း ရုပ်သံနှင့်တကွ မုံရွာနတ်ဆိုးအဖွဲ့က ထုတ်ပြန်ထားသည်။

    [embedyt] https://www.youtube.com/watch?v=xMoRGGpebOk[/embedyt]

    Red News Agency

  • ရဲစခန်းအား တိုက်ခိုက်ခြေမှုန်းအပြန် တိုက်ပွဲဖြစ်ပြီး MSRO တာဝန်ခံ ရဲဘော် သီဟနေစိုး ကျဆုံး 

    ရဲစခန်းအား တိုက်ခိုက်ခြေမှုန်းအပြန် တိုက်ပွဲဖြစ်ပြီး MSRO တာဝန်ခံ ရဲဘော် သီဟနေစိုး ကျဆုံး 

    RNA_အောက်တိုဘာ(၁၈)၊၂၀၂၂ခုနှစ်။

    မွန်ပြည်နယ်၊ ရေးမြို့အနောက်ဘက် (၇) မိုင်ခန့် အကွာရှိ အစင်ကျေးရွာအုပ်စု၊ဇီးဖြူသောင်ကျေးရွာ နယ်မြေရဲစခန်းအား အောက်တိုဘာလ (၁၇) ရက်နေ့က သွား ရောက်တိုက်ခိုက် ခြေမှုန်းပြီးအပြန် တိုက်ပွဲဖြစ်ကာ မွန်ပြည်နယ်အခြေပြုတော်လှန်ရေးအဖွဲ့စည်း (MSRO) မှ တာဝန်ခံရဲဘော် ကိုသီဟနေစိုး (ခ) တိုဘီ (ခ) ကိုအဂ္ဂ သည် မြင့်မြတ်စွာကျဆုံးခဲ့ပါကြောင်း ယနေ့ ထုတ်ပြန်ထားသည်။

    (more…)

  • စစ်ရေးမဟာမိတ်တပ်ပေါင်းစု တည်ဆောက်ရာမှာ အမြော်အမြင်ရှိရှိ ကြည့်မြင်ဖို့လိုကြောင်း NUG ယာယီသမ္မတပြော 

    စစ်ရေးမဟာမိတ်တပ်ပေါင်းစု တည်ဆောက်ရာမှာ အမြော်အမြင်ရှိရှိ ကြည့်မြင်ဖို့လိုကြောင်း NUG ယာယီသမ္မတပြော 

    RNA_အောက်တိုဘာ (၁၈)၊၂၀၂၂ ခုနှစ်။

    မြန်မာ့ နွေဦးတော်လှန်ရေးအတွင်း စစ်ရေးမဟာမိတ်တပ်ပေါင်းစု တည်ဆောက်သည့်နေရာမှာ မဟာမိတ်ဆက်ဆံရေးအမြင်ကို တတ်နိုင်သမျှ အမြင်ကျယ်ကျယ်၊ သဘော ထားကြီးကြီးနှင့် အမြော်အမြင်ရှိရှိ ကြည့်မြင်ဖို့လိုအပ်ကြောင်း ယနေ့ နံနက် (၁၀) နာရီက ပြုလုပ်သည့် ( ၇၂) ကြိမ်မြောက် NUG အစိုးရအဖွဲ့ အစည်းအဝေးတွင် အမျိုးသားညီညွတ်ရေးအစိုးရ (NUG) ယာယီသမ္မတ ဒူဝါလရှီးလက ပြောသည်။

    “အားလုံးပါဝင်ရေးမူကို ဆွဲကိုင်ပြီးတော့ နွေဦးတော်လှန် ရေးရဲ့ စစ်ရေးတပ်ပေါင်းစု မဟာမိတ် ဆက်ထုံးကို ခိုင်မြဲအောင် စုစုစည်းစည်း ညီညီညွတ်ညွတ် လုပ်ကြရမယ်လို့ ယူဆပါတယ်။ တစ်ဖက်မှာလည်း စစ်ရေးပူး ပေါင်းမဟာမိတ်လှုပ်ရှားမှုတွေကို လက်တွေ့ကျကျလုပ်ကြရမယ်လို့တိုက်တွန်းချင်ပါတယ်။  ကျွန်တော့်အနေနဲ့ အထူးဂရုပြုပြီး ထပ်မံပြောကြားလိုတာကတော့ မဟာမိတ်ဆက်ဆံရေးအပေါ်ဘယ်လို ချည်းကပ်သင့်သလဲဆိုတဲ့ အချက်ဖြစ်ပါတယ်။ မြန်မာ့ နွေဦးတော်လှန်ရေးအတွင်းက စစ်ရေးမဟာမိတ်တပ်ပေါင်းစုကို တည်ဆောက်တဲ့နေရာမှာ မဟာမိတ်ဆက်ဆံရေးအမြင်ကို တတ်နိုင်သမျှ အမြင်ကျယ်ကျယ်၊ သဘောထားကြီးကြီးနဲ့ အမြော် အမြင်ရှိရှိ ကြည့်မြင်ဖို့လိုပါတယ်။ မဟာမိတ်ဆက်ဆံရေးကို တည်ဆောက်တဲ့ နေရာမှာ သဘောထားအမြင် ကျဉ်းမြောင်းစွာ ချည်းကပ်လုပ်ဆောင်ဖို့ မသင့်ပါဘူး။ ကျွန်တော်တို့ရဲ့ တော်လှန်ရေး စိတ်ဆန္ဒတွေဟာ ဂိုဏ်းဂဏဝါဒကို ရှောင်ပြီးတော့ ပုဂ္ဂိုလ်ရေးအစွဲတွေကို ကျော်နိုင်ဖို့လိုပါလိမ့်မယ်။ မဟာ မိတ်ဆက်ဆံရေးမှာ ရေတိုအကျိုးစီးပွားတွေကိုပဲ ကြည့်ပြီး လုပ်ဆောင်တာမျိုးကိုလည်း ရှောင်ကြဉ်ဖို့ လိုတယ်လို့ ယူဆပါတယ်” ဟု ယာယီသမ္မတ ဒူဝါလရှီးလက ပြောသည်။

    (more…)

  • ကျေးလက်တွေကို PDF တွေ ပိုင်ပြီလား၊ မြေပြင်အနေအထားမှာ ဒလန်တွေကို ဘာလုပ်သင့်လဲ

    ကျေးလက်တွေကို PDF တွေ ပိုင်ပြီလား၊ မြေပြင်အနေအထားမှာ ဒလန်တွေကို ဘာလုပ်သင့်လဲ

    ကျေးလက်တွေကို PDF တွေ ပိုင်ပြီလား၊ မြေပြင်အနေအထားမှာ ဒလန်တွေကို ဘာလုပ်သင့်လဲ
     
    RNA_အောက်တိုဘာ(၁၈)၊၂၀၂၂ ခုနှစ်။
    [embedyt] https://www.youtube.com/watch?v=zMPruVFb51U[/embedyt]
     
    မကွေးတိုင်း၊ ရေစကြိုမြို့နယ်က မြေပြင်အနေအထားနှင့် ဒလန်နဲ့ပျူစောထီးတွေကို ဘယ်လိုလုပ်သင်လဲ ဆိုသည့်အကြောင်းအရာတွေကို ရေစကြိုပြည်သူ့ကာကွယ်ရေးတပ်ဖွဲ့ တပ်ရင်းမှူး ဗိုလ်မှိုင်းတေဇကို Red News Agency က မေးမြန်းထားခြင်း ဖြစ်သည်။
     
    #RedNewsAgency

  • စီးပွားရေးကျဆင်းမှုနှင့် အကြမ်းဖက်မှုတွေကို ပြည်သူနှင့်အတူ ကျော်လွှားနိုင်ခဲ့ပြီဟု မင်းအောင်လှိုင်ပြောပြန်

    စီးပွားရေးကျဆင်းမှုနှင့် အကြမ်းဖက်မှုတွေကို ပြည်သူနှင့်အတူ ကျော်လွှားနိုင်ခဲ့ပြီဟု မင်းအောင်လှိုင်ပြောပြန်

    RNA_အောက်တိုဘာ ၅ရက်၊ ၂၀၂၂ခုနှစ် ။

    ကိုဗစ်ကပ်ရောဂါ၊ စီးပွားရေးကျဆင်းမှုနှင့် အကြမ်း ဖက်မှုများကို ပြည်သူနှင့်စစ်တပ်  တက်ညီလက်ညီ ပူးပေါင်းဆောင်ရွက်ခဲ့မှုများကြောင့် ကျော်လွှားနိုင်ခဲ့ပြီဟု အကြမ်းဖက် အာဏာသိမ်း စစ်ကောင်စီခေါင်းဆောင် မင်းအောင်လှိုင်က ပြောပြန်ပါသည်။

    အောက်တိုဘာ ၄ ရက်နေ့က ပဲခူးတိုင်း ပြည်မြို့မှာ မင်းအောင်လှိုင်ရောက်ရှိနေပြီး၊ SME လုပ်ငန်းရှင်တွေနှင့် တွေ့ဆုံစဥ်မှာ ပြောကြားခဲ့ခြင်းဖြစ်သည်။

    (more…)

  • သတင်းထောက် ကိုနောင်ရိုး ယနေ့လွတ်မြောက်၊ ဖမ်းဆီးခံရတာ နောင်တမရ သတင်းထောက်ဆက်လုပ်မည် 

    သတင်းထောက် ကိုနောင်ရိုး ယနေ့လွတ်မြောက်၊ ဖမ်းဆီးခံရတာ နောင်တမရ သတင်းထောက်ဆက်လုပ်မည် 

    ဖားကန့်၊ အောက်တိုဘာ (၃)၊၂၀၂၂ခုနှစ်။

    ကချင်ပြည်နယ်၊ ဖားကန့်မှ ပုဒ်မ ၅၀၅(က)ဖြင့် ဖမ်းဆီးထိန်းသိမ်းခံခဲ့ရသည့် Voice of Milikha သတင်းဌာန၏ သတင်းထောက် ကိုနောင်ရိုးသည် ယနေ့ နံနက် (၈)နာရီက ဖားကန့် (မဇွပ်ယန်) အချုပ်ထောင်မှ လွတ်‌မြောက်လာသည်။

    “ကျွန်တော် စကတည်းက သတင်းထောက်လုပ်တယ်၊ ဖမ်းဆီးခံရပြီး ထောင်ကျတယ်၊ ခုလည်းသတင်း ထောက်အလုပ်ပဲ ဆက်လုပ်သွားမယ်၊ ဖမ်းဆီးခံရလို့လည်း နောင်တမရဘူး၊ ကျွန်တော် မှန်တဲ့အလုပ်ကို လုပ်နေတာခြင်းသာဖြစ်တယ်” ဟု ယနေ့ လွတ်မြောက်လာသည့် သတင်းထောက် ကိုနောင်ရိုးက ပြောသည်။

    (more…)

  • စုပေါင်း ဦးဆောင်မှုဖြင့် PDF (၂၅) ဖွဲ့ ပူးပေါင်းကာ ဘုံရန်သူအား တော်လှန်မည်

    စုပေါင်း ဦးဆောင်မှုဖြင့် PDF (၂၅) ဖွဲ့ ပူးပေါင်းကာ ဘုံရန်သူအား တော်လှန်မည်

    RNA_အောက်တိုဘာ(၃)၊၂၀၂၂ ခုနှစ်။
    KNU သထုံခရိုင် တပ်မဟာ(၁) မိတ်ဖက်ရေးရာကြီးကြပ်ကွပ်ကဲမှုကော်မတီ မှ စည်းရုံးဦးဆောင်၍ နယ်မြေအတွင်း ပြန့်ကျဲနေသော PDF (၂၅) ဖွဲ့ပူးပေါင်း၍ “KNU သထုံခရိုင် တပ်မဟာ(၁) မိတ်ဖက်တော်လှန်ရေးတပ်ပေါင်းစု” အဖြစ် စုစည်းကာ ဘုံရန်သူအား တော်လှန်သွားမည်ဖြစ်ကြောင်း သိရသည်။
    ” မှတ်ပုံတင်ခွင့်တောင်းခံထားသော အဖွဲ့အစည်းများအနက် စည်းမျဉ်းစည်းကမ်းများအတိုင်း လိုက်နာမည်ဖြစ်ကြောင်း ကတိကဝတ်ပြုသည့် အဖွဲ့အစည်း(၂၅)ဖွဲ့အား အသိအမှတ်ပြုမှတ်ပုံတင်ကဒ်ပြား ထုတ်ဝေပေးခဲ့ပြီး အဖွဲ့အစည်းခေါင်းဆောင်များအားလုံးမှ“တပ်ပေါင်းစုအသွင်”ဖြင့် ဘုံရန်သူအား စုပေါင်းတော်လှန်သွားရန် တညီတညီတညွတ်တည်း ဆုံးဖြတ်ခဲ့၍ ၎င်းအဖွဲ့အစည်း(၂၅)ဖွဲ့စုပေါင်း၍“KNU သထုံခရိုင် တပ်မဟာ(၁) မိတ်ဖက်တော်လှန်ရေးတပ်ပေါင်းစု” အဖြစ် အောင်မြင်စွာဖွဲ့စည်းပြီး ဖြစ်ကြောင်း” မိတ်ဖက်ရေးရာကြီးကြပ်ကွပ်ကဲမှုကော်မတီ၊ KNU သထုံခရိုင် တပ်မဟာ (၁)က ယနေ့ ထုတ်ပြန်ထားသည်။
    Red News Agency