RNA_ဇန်နဝါရီ ၁၂ ရက်၊ ၂၀၂၂ ခုနှစ်။
ပြည်တွင်း ပြည်ပ ပြည်သူများ ခန့်မှန်းထားသည့် နွေဦးတော်လှန်ရေးမှာ ပထမဆုံး လွတ်မြောက်နယ်မြေဖြစ်လာနိုင်သည့် စစ်ကိုင်းတိုင်းနှင့် မကွေးတိုင်သည် ပထမဆုံး ဖွတ်ဖွတ်ညတ်ညတ်ကြေသည့် နေရာ ဖြစ်လာနိုင်ကြောင်း လက်တလော အခြေအနေများကို အင်အား ( ၃) ထောင်ကျော်နှင့် စစ်ကောင်စီတပ်ကို တော်လှန်နေသည့် ပြည်သူ့တော်လှန်ရေးတပ်မတော် ( People Revolution Army – PRA)မှ ဗိုလ်ဂျပန်က ပြောပြထားသည်။
[embedyt] https://www.youtube.com/watch?v=gDbcshxuPaA[/embedyt]
Red News Agency
RNA_ဇန်နဝါရီ ၁၂ ရက်၊ ၂၀၂၂ ခုနှစ်။
ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်)၊ ဗမာနိုင်ငံလုံးဆိုင်ရာလူငယ်ကဗျာဆရာများသမဂ္ဂ (ဗလကသ)၊ လူထုအခြေပြုအထွေထွေသပိတ်ကော်မတီ၊ အဖိနှိပ်ခံလူထုကိုယ်စားပြု မြောက်ဒဂုံသပိတ်ကော်မတီ (NDOPSC) တို့ ပူးပေါင်း၍ “အောင်ပွဲဆိုတာဟာ တိုက်ရဲသူတွေအတွက်ဖြစ်တယ်” စာသားပါဘန်နာဖြင့် ယနေ့ (ဇန်နဝါရီလ ၁၂ ရက်) နံနက်ပိုင်းက ရန်ကုန်တွင် စစ်အာဏာရှင်စနစ် တိုက်ဖျက်ရေးအတွက် ဆန္ဒပြခဲ့ကြကြောင်း သိရသည်။
Photo: ABFSU
Red News Agency
RNA_ဇန်နဝါရီ ၁၁ ရက်၊ ၂၀၂၂ ခုနှစ်။
ကရင်နီပြည်၊ လွိုင်ကော်မြို့၊ ရွာတန်းရှည်နှင့်မိုင်းလုံးရပ်ကွက်တွင် ယနေ့ နံနက် ၈ နာရီမှစပြီး တိုက်ပွဲပြင်းထန် ခဲ့ရာ စစ်ကောင်စီတပ်က (၂၀) သေဆုံးကာ အထိနာပြီး တိုက်လေယာဉ် ၂ စင်းနှင့် (၉) ကြိမ်လာရောက်ပစ်ခတ်ကြောင်း၊ KNDF ရဲဘော် တဦး ကျဆုံးခဲ့ကြောင်း သိရသည်။
[embedyt] https://www.youtube.com/watch?v=kJIOS_2dpI0[/embedyt]
” တိုက်ပွဲအတွင်း အကြမ်ဖက်စစ်ကောင်စီတပ်ဘက်မှ (၂၀) ဦးသေဆုံး ခဲ့ပြီး KNDF မှ လက်နက်ငယ် ၃လက်၊လက်နက်ကြီး တလက်အပြင် လက်နက် ကြီး/ငယ်ကျည်များ ကိုသိမ်းဆည်းရမိခဲ့ပါသည်။ အကြမ်းဖက်စစ်ကောင်စီတပ်များသည် ညနေပိုင်းတွင် မိုင်းလုံးရပ်ကွက် ရှိနေအိမ်များကို မီးရှို့ဖျက်စီးခဲ့ပါသည်။ တိုက်ပွဲအတွင်း အကြမ်းဖက်စစ်ကောင်စီတပ်များကို ခုခံတိုက်ခိုက်ရင်း KNDF မှ ရဲဘော်တစ် ဦးကျဆုံးခဲ့ပါသည်” ဟု KNDF က ထုတ်ပြန်ထားသည်။
ယနေ့ နံနက်ပိုင်းက တပ်မ (၆၆)၊ တပ်ရင်း (၁၀၈) မှ ထွက်ပြေးလာသော အကြမ်းဖက်စစ်ကောင်စီတပ်သား၃ ဦးကို လက်ပစ်ဗုံးတလုံးနှင့်အတူ ဖမ်းဆီးရမိခဲ့ပြီး ကရင်နီပြည်ရဲဌာန (KSP) သို့ လွဲပြောင်းပေးအပ်ခဲ့ကြောင်း၊ စစ်ကောင်စီတပ်ကို ကရင်နီတပ်မတော် (KA)၊ KNDF နှင့် PDF ပူးပေါင်းမဟာမိတ်တပ်များမှ တိုက်ခိုက်ခြေမှုန်းနေကြောင်း၊ မြို့တွင်းတိုက်ပွဲအတွင်း အရပ်သူပြည်သူများကို ပစ်မှတ်ထားတိုက်ခိုက်ခြင်း၊ ပြည်သူ့အိုးအိမ်များကို ဗုံးကျဲတိုက်ခိုက်ခြင်းနှင့် မီးရှို့ဖျက်ဆီးခြင်း စသောစစ်ရာဇဝတ်မှုများကို စစ်ကောင်စီတပ် ကျူးလွန်နေကြောင်း KNDF ထုတ်ပြန်ချက်တွင် ဖော်ပြထားသည်။
Red News Agency
RNA_ဇန်နဝါရီ ၁၁ ရက်၊ ၂၀၂၂ ခုနှစ်။
ကရင်နီပြည် ( ကယား)၊ လွိုင်ကော်မြို့တွင် ယနေ့ နံနက်ပိုင်းမှ ည (၇) နာရီဝန်းကျင်အထိ စစ်ကောင်စီတပ်နှင့်ဒေသခံပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ရာ စစ်ကောင်စီတပ်က (၅) ဦးဝန်းကျင်သေဆုံးနိုင်ပြီး အရှင် (၃) ဦး ဖမ်းဆီးခံခဲ့ရကြောင်း သိရသည်။
လွိုင်ကော်မြို့၊ ဒေါဥခူရပ်ကွက် အကျဥ်းထောင်ဘေးပတ်လည်တွင် ကင်းပုန်းဝပ်ချထားသော စစ်ကောင်စီတပ်ဖွဲ့ကို ပြည်သူ့ကာကွယ်ရေးတပ်-ဒီးမော့ဆို (DMO-PDF)၊ KDF၊ KGZ တပ်ဖွဲ့များ ပူးပေါင်းကာ ယနေ့ နေ့လည် ၁၂ နာရီမှ ညနေ ၄ နာရီ ၃၀ မိနစ်အထိ တိုက်ပွဲတွင် စစ်ကောင်စီတပ်က (၅) ဦးဝန်းကျင်သေဆုံးနိုင်ကြောင်း၊ မိုင်းလုံးရပ်ကွက်တွင်လည်း စစ်ကောင်စီတပ်ကို DMO-PDF၊ လွိုင်ကော်(PDF)၊ KNDF၊ KA နှင့် အခြားသောတော်လှန်ရေးတပ်ဖွဲ့များ ပူးပေါင်းကာ နံနက် ၈ နာရီမှ ည ၇ နာရီဝန်းကျင်အထိ တိုက်ပွဲတွင် စစ်ကောင်စီတပ်သား (၃) ဦးအရှင်ဖမ်းမိကာ လက်နက်ခဲယမ်းများ သိမ်းဆည်းရမိကြောင်း DMO-PDF ကထုတ်ပြန်ထားသည်။
ယနေ့ လွိုင်ကော်တွင် စစ်ကောင်စီတပ်စခန်းခန်းချထားသော နေရာတွင် ပြည်သူပိုင်အိုးအိမ်(၂)လုံး မီးလောင်ပျက်စီးခဲ့ပြီး၊ စစ်ကောင်စီတပ် အသေအဆုံး များနိုင်ကြောင်း၊ စစ်ကောင်စီတပ်အထိနာသည့်အတွက် ညနေ ၆ နာရီဝန်းကျင်က တိုက်လေယာဥ်(၁)စီးဖြင့် ဗုံးကြဲတိုက်ခိုက်ခဲ့ကြောင်း၊ ၂ ရက်အတွင်း တိုက်ပွဲတွင် ပြည်သူ့ကာကွယ်ရေးတပ်-ဒီးမော့ဆို(DMO-PDF)က ရဲဘော်(၃) ဦး ထိခိုက်ဒဏ်ရာရရှိခဲ့ကြောင်း သိရသည်။
Red News Agency
RNA_ဇန်နဝါရီ ၁၁ ရက်၊ ၂၀၂၂ ခုနှစ်။
စစ်ကိုင်းတိုင်း၊ ကနီမြို့နယ်တွင် အာဏာသိမ်း စစ်ကောင်စီတပ်ကို ခုခံတိုက်ခိုက်နေသည့် တပ်ဖွဲ့များတွင် ချင်းတွင်း ပြည်သူ့ကာကွယ်ရေးတပ် Chindwin People’s Defence Force (CDDF) ပါဝင်နေပြီး၊ ၂၀၂၁ ခုနှစ် ဇူလိုင်လကတည်းက ဖွဲ့စည်းထားခြင်းဖြစ်ကြောင်း ကနီ PDF က ဓာတ်ပုံများနှင့်တကွ လှုပ်ရှားမှုများကို အသိပေးလာသည်။
RNA_ဇန်နဝါရီ ၁၀ ရက်၊ ၂၀၂၂ ခုနှစ်။
အမျိုးသားဒီမိုကရေစီအဖွဲ့ချုပ် ( NLD ) ပါတီ၊ နိုင်ငံတော်အတိုင်ပင်ခံ ဒေါ်အောင်ဆန်းစုကြည်ကို အာဏာသိမ်း စစ်ကောင်စီလက်အောက်ခံ တရားရုံးက ယနေ့ နံနက်ပိုင်းက ထောင်ဒဏ် ၄ နှစ်ထပ်မံ ချမှတ်လိုက်ကြောင်း သိရသည်။
ဒေါ်အောင်ဆန်းစုကြည်ကို နေပြည်တော်တွင် အာဏာသိမ်း စစ်ကောင်စီအဖွဲ့ နေအိမ်တွင် ဖမ်းဆီးထားပြီး ပို့ကုန်သွင်းကုန်ဥပဒေနှင့် စွဲဆိုထားမှုအတွက် ထောင်ဒဏ် ၂ နှစ်၊ ဆက်သွယ်ရေးဥပဒေနှင့် စွဲဆိုထားမှုအတွက် ထောင်ဒဏ် ၁ နှစ်တို့ကို တပေါင်းတည်း ကျခံရမည်ဖြစ်သည့်အတွက် ထောင်ဒဏ် ၂ နှစ် သတ်မှတ်ခံရပြီး၊ သဘာဝဘေးအန္တရာယ် ပုဒ်မနှင့် စွဲခံထားရမှုအတွက် ထောင်ဒဏ် ၂နှစ် ချမှတ်သည့်အတွက် ယနေ့ စုစုပေါင်း ထောင်ဒဏ် ၄ နှစ် နေပြည်တော် အထူးတရားရုံးက ချမှတ်ခံလိုက်ရခြင်းဖြစ်ကြောင်း သိရသည်။
စစ်တပ်အာဏာသိမ်းမှုနှင့်အတူ ဖမ်းဆီးခံထားရသည့် ဒေါ်အောင်ဆန်းစုကြည်ကို ယနေ့ ထောင်ဒဏ် ၄ နှစ်၊ ၂၀၂၁ ခုနှစ် ဒီဇင်ဘာလ ၆ ရက်နေ့က ပုဒ်မ ၅၀၅(ခ)အတွက် ထောင်ဒဏ် (၂)နှစ်၊ သဘာဝဘေးအန္တရာယ်ဆိုင်ရာ စီမံခန့်ခွဲမှု ဥပဒေပုဒ်မ ၂၅အတွက် ထောင်ဒဏ် (၂)နှစ် ချမှတ်ထားရာ ၂ နှစ်လျော့ပေးထားသည့်အတွက် ၂ နှစ်သာ ကျခံရမည်ဖြစ်ကြောင်း၊ စုစုပေါင်း ထောင်ဒဏ် ၆ နှစ်ကျခံရမည်ဖြစ်ကြောင်း သိရသည်။
Red News Agency
RNA_ဇန်နဝါရီ ၉ ရက်၊ ၂၀၂၂ ခုနှစ်။
ကရင်နီပြည်၊ ဒီးမော့ဆိုမြို့နယ်၊ ဒေါဆိုရှေ့ကျေးရွာ အနီးတွင် စစ်ကြောင်းထိုးလာသော အကြမ်းဖက်စစ်ကောင်စီတပ်များကို ကရင်နီတပ်မတော်(KA) နှင့် KNDF တို့ ယနေ့တိုက်ပွဲတွင် စစ်ကောင်စီတပ်က (၈) ဦးသေပြီး၊ ကရင်နီတပ်မတော်က သူရဲကောင်း ရဲဘော်တဦး ကျဆုံးခဲ့ကြောင်း သိရသည်။
RNA_ဇန်နဝါရီ ၈ ရက်၊ ၂၀၂၂ ခုနှစ်။
ကရင်နီပြည် (ကယား)၊ လွိုင်ကော်မြို့နှင့်ဒီးမော့ဆိုမြို့နယ်အတွင်း ယနေ့တိုက်ပွဲပြင်းထန်ခဲ့ရာ စစ်ကောင်စီတပ်မှ ဗိုလ်အဆင့်တဦးပါအဝင် တပ်သား (၃၀) သေဆုံးခဲ့ပြီး၊ လာရောက်ပစ်ခတ်သည့်ရဟတ်ယာဉ်တစီးပစ်ချခံရကာ မီးလောင်ပျက်စီးသွားကြောင်း သိရသည်။
ဒီးမော့ဆိုမြို့နယ်၊(၅) မိုင်၊(၆) မိုင်၊ ဒေါပိုးစီမှ၊ လွိုင်ကော်မြို့နယ်၊ မိုင်းလုံးနှင့် ပန်ကန်းရပ်ကွက်အထိ ယနေ့တိုက်ပွဲများပြင်းထန်ခဲ့ကြောင်း၊ စစ်ကောင်စီတပ်မှ လက်နက် (၁၁) လက်နှင့်လက်နက်ကြီးကျည်၊ လက်နက်ငယ် ကျည်အချို့ကိုကို တိုက်ပွဲအတွင်း KNDF ကသိမ်းဆည်းရမိကြောင်း၊ စစ်ကောင်စီများဖက်မှ အထိနာသဖြင့် ရဟတ်ယာဥ်၊ တိုက်လေယာဥ် နှစ်စင်းတို့ဖြင့် ဗုံးကျဲ၊ ပစ်ခတ်တိုက်ခိုက်ခဲ့ကြောင်း KNDF က ထုတ်ပြန်ထားသည်။
“အကြမ်းဖက်စစ်ကောင်စီ၏ ရဟတ်ယာဥ်တစ်စင်းလာရောက်ပစ်ခတ်စဥ် ပစ်ချခံရပြီး လွိုင်ကော်မြို့၊ဒေါမူကလား ကျေးရွာအနီးတွင် ပျက်ကျမီးလောင်ပျက်စီးခဲ့ပါသည်” ဟု ယနေ့ညတွင် KNDF ၏ ထုတ်ပြန်ချက်တွင် ဖော်ပြထားသည်။
RNA_ဇန်နဝါရီ ၈ ရက်၊ ၂၀၂၂ ခုနှစ်။
ကရင်နီပြည်၊ လွိုင်ကော်မြို့အနီးတွင် စစ်ကောင်စီတပ်က ယနေ့ နေ့လည် ၃ နာရီဝန်းကျင်က လေကြောင်းအသုံးပြု ပစ်ခတ်ခဲ့ကြောင်း ဒေသခံများထံက သိရသည်။
” လေကြောင်းကနေ ပစ်တာဟုတ်ပါတယ်၊ ၂ နာရီနောက်ပိုင်းကတည်းကပါ၊ လာပစ်လိုက်ပြန်သွားလိုက်ပဲ၊ ဗုံလဲကျဲပါတယ်” လို့ လွိုင်ကော်မြို့ ဒေသခံ အရပ်သားတဦးကအတည်ပြု ပြောကြားသည်။
လွိုင်ကော်မြို့ရှိ မိုင်းလုံးရပ်ကွက်၊ ပန်ကန်းရပ်ကွက်၊ ရွာတန်းရှည်ရပ်ကွက် နှင့် ဆက်စပ် ရပ်ကွက်ကျေးရွာများတွင် ပြည်သူ့ကာကွယ်ရေး ပူးပေါင်းတပ်များနှင့် အကြမ်း ဖက်စစ်ကောင်စီတို့ ရင်ဆိုင်တိုက်ပွဲများ ဇန်နဝါရီလ (၇) ရက်နေ့က ပြင်းပြင်းထန်ထန်ဖြစ်ပွားခဲ့ပြီး စစ်ကောင်စီတပ်က အသေအဆုံးများခဲ့ကြောင်း သိရသည်။
ဇန်နဝါရီ (၇) ရက်နေ့က စစ်ကောင်စီတပ်၏ ရပ်ကွက်များအတွင်း လက်နက်ကြီး ပစ်ခတ်မှုကြောင့် ပြည်သူ ၆ ဦး သေဆုံးခဲ့ရကာ ထောင်ချီပြီး ထွက်ပြေးခဲ့ကြရကောင်း၊ ပိတ်မိနေသည့် ပြည်သူများကို ကယ်ထုတ်ရင်း CDM ကျောင်းဆရာ KNDF ရဲဘော် ကိုနိုင်လင်း ကျဆုံးခဲ့ရသည်။
ယနေ့ တိုက်ပွဲအခြေအနေများကို ပြည်သူ့ကာကွယ် ရေးတပ်ဖွဲ့များထံက ထုတ်ပြန်ခြင်း မရှိသေးကြောင်း၊ ပြည်သူ့ကာကွယ်ရေးတပ်ဖွဲ့မှ ရဲဘော်တချို့နှင့် ဒေသခံပြည်သူတို့၏ ပြောပြချက်အရ လေကြောင်းကနေပစ်ခတ်မှုဖြစ်ပွားခဲ့ကြောင်း ၊ စစ်ကောင်စီတပ်ကို ကရင်နီပြည်သူ့ကာကွယ်ရေး တပ်ဖွဲ့များဖြစ်သည့် Karenni Army၊ KNDF ၊ ဒီးမော့ဆို PDF ၊ KGZ၊ KPDF စသည့်မဟာမိတ်တပ်ဖွဲ့များက ခုခံပစ်ခတ်ကြကြောင်း သိရသည်။
Red News Agency
RNA_ဇန်နဝါရီ ၈ ရက်၊ ၂၀၂၂ ခုနှစ်။
၂၀၂၁ ခုနှစ်၊ ဖေဖော်ဝါရီလ ၁ ရက်နေ့မှ ဒီဇင်ဘာလ ၃၁ရက်နေ့အထိ၊ ၁၁ လအတွင်း စစ်ကောင်စီ စစ်တပ်မှ အာဏာသိမ်းပြီးနောက် ချင်းတိုင်းရင်းသား ၁၆၀ ကျော် သေဆုံးရကြောင်း ချင်းရေးရာအဖွဲ့ချုပ်(ICA)က ဇန်နဝါရီ ၆ ရက်နေ့က သတင်းထုတ်ပြန်ထားသည်။
သေဆုံးသူများတွင် အမျိုးသမီး (၁၃) ဦး အပါအဝင် အရပ်သားပြည်သူ (၈၇) ဦးနှင့် ချင်းတော်လှန်ရေးတပ်ဖွဲ့များမှ (၇၆) ဦး အထိ ရှိပြီး၊ ထိုအထဲတွင် စစ်ကောင်စီ၏ မီးရှို့သတ်ဖြတ်မှုကြောင့် သေဆုံးသူ (၇) ဦး၊ အလောင်းပြန် မရသည့် အရပ်သား (၈) ဦး နှင့် မိုင်းထိ၍ သေဆုံးသူ အရပ်သား (၃) ဦးထိ ပါဝင်ပါသည်။