Red News Agency

Author: Editor

  • တော်လှန်ရေးမှာ ရုန်းကန်ရင်းနှင့် တော်လှန်ရေးဟာ ဘဝ၊ တော်လှန်ရေးဟာအသက် ဖြစ်နေဟု သရုပ်ဆောင် အဆိုတော်် ချစ်သူဝေပြော

    တော်လှန်ရေးမှာ ရုန်းကန်ရင်းနှင့် တော်လှန်ရေးဟာ ဘဝ၊ တော်လှန်ရေးဟာအသက် ဖြစ်နေဟု သရုပ်ဆောင် အဆိုတော်် ချစ်သူဝေပြော

    RNA_ဇွန် ၃၀၊၂၀၂၂ ခုနှစ်။

    ကျောင်းသား၊မိဘ၊ဆရာ အားလုံးစုပေါင်းထားသော “Ayeyarwaddy Federal School ” ဖွင့်ပွဲအခမ်းအနား ယနေ့ နံနက်ပိုင်းက Zoom ဖြင့် ကျင်းပခဲ့ရာမှာ သရုပ်ဆောင်နှင့် အဆိုတော် ချစ်သူဝေ တက်ရောက်ခဲ့ပြီး တော်လှန်ရေးမှာ ရုန်းကန်ရင်းနှင့် တော်လှန်ရေးဟာဘဝ၊ တော်လှန်ရေးဟာ အသက် စသဖြင့် ဆရာ ဆရာမများနှင့် ကျောင်းသားကျောင်းသူများ၊ မိဘများအတွက် အားပေးစကားများ ပြောကြားခဲ့သည်။

    “ဒီတော်လှန်ရေးမှာ ရုန်းကန်ရင်းနဲ့ ဒီတော်လှန်ရေးဟာ ဘဝ၊ တော်လှန်ရေးဟာ အသက်၊ တော်လှန်ရေး အသိသတိနဲ့နိုးထ၊ တော်လှန်ရေး အသိသတိနဲ့ အိပ်စက် ရှင်သန်နေကြရတာပေါ့။ အဲဒီအတွက် ကိုယ်ပိုင်ဘဝတွေ ပျောက်ဆုံးနေတယ်” ဟု ချစ်သူဝေက ပြောကြားခဲ့သည်။

    [embedyt] https://www.youtube.com/watch?v=UNuBUIfAxtY[/embedyt]

    “Ayeyarwaddy Federal School” တွင် ပညာသင်ယူနေသည့် ကျောင်းသား ကျောင်းသူ ၃၀၀၀ ကျော်ရှိပြီး ဆရာ ဆရာမ ၁၅၀ ကျော်ဖြင့် ဖက်ဒရယ်ပညာရေးကို သင်ယူသင်ကြားလျှက်ရှိကြောင်း သိရသည်။

    Red News Agency

  • မြေပြင် တိုက်ခိုက်ရေး သမားများပူးပေါင်းပြီး လူငယ်သူရဲကောင်းတပ် ဖွဲ့စည်း

    မြေပြင် တိုက်ခိုက်ရေး သမားများပူးပေါင်းပြီး လူငယ်သူရဲကောင်းတပ် ဖွဲ့စည်း

    RNA_ဇွန် ၃၀၊၂၀၂၂ခုနှစ်။

    စစ်ကိုင်းတိုင်း၊ ပုလဲမြို့နယ်၊ ယင်းမာပင်မြို့နယ်၊ ကနီမြို့နယ်၊ မင်းကင်းမြို့နယ်၊ ဆားလင်းကြီးမြို့နယ်နှင့် မကွေးတိုင်း မြိုင်မြို့နယ်တို့တွင် တိုက်ပွဲများစွာ ဖော်ဆောင်ခဲ့သော တိုက်ခိုက်ရေးလှုပ်ရှားသူများက NUG ကာကွယ်ရေးဝန်ကြီးဌာန ( MOD) နှင့် လက်တွဲဆောင်ရွက်နိုင်ရေး လူငယ်သူရဲကောင်းတပ် ( YOUNG RANGERS FORCE-YRF ) ဖွဲ့စည်းကာ တိုက်ပွဲဝင်နေပြီဖြစ်ကြောင်း သိရသည်။

    ဇွန်လ ၂၉ ရက်နေ့က လူငယ်သူရဲကောင်းတပ်ဖွဲ့ကို မြို့နယ်အတွင်းရှိ ပကဖ၊ ပအဖ တို့နှင့် တွေ့ဆုံစဉ်

    အညာမြေထူးပျောက်ကြားတပ်ဖွဲ့၊ ကျားသစ်နက်၊ Future Generation၊ PRA ခွဲ ၃၁ ၊မြိုင်PDF၊ နောက်မြောက်တိုင်း PDF တပ်ဖွဲ့ များနှင့်အတူ လူငယ်သူရဲကောင်းတပ် ( YOUNG RANGERS FORCE -YRF ) တို့က ဇွန်လ ၁၅ ရက်နေ့က မြိုင်မြို့နယ် ကန်နီကျေးရွာမှ စစ်ကောင်စီတပ်နှင့် ပျူစောထီးများကို တိုက်ခိုက်ခဲ့ကြသည်။

    (more…)

  • “အာဏာရူး မကျမချင်း တိုက်ပွဲဝင်နေမယ် ” ဟု ဥကရစ်ထစခန်းတိုက်ပွဲ ရှေ့တန်းစစ်မျက်နှာက ရဲဘော်ကြွေးကြော် 

    “အာဏာရူး မကျမချင်း တိုက်ပွဲဝင်နေမယ် ” ဟု ဥကရစ်ထစခန်းတိုက်ပွဲ ရှေ့တန်းစစ်မျက်နှာက ရဲဘော်ကြွေးကြော် 

    RNA_ဇွန်၃၀၊၂၀၂၂ခုနှစ်။

    KNDO ဗိုလ်စလုံးနှင့်အဖွဲ့ ဥကရစ်ထစခန်းတိုက်ပွဲ ရှေ့တန်းစစ်မျက်နှာမှ နောက်တန်းရဲဘော်များထံ ရုပ်သံ ပေးပို့ရာတွင် “အာဏာရူး မကျမချင်း တိုက်ပွဲဝင်နေမယ် “ဟု ရဲဘော်တဦးက ကြွေးကြော်ထားသည်။

    အများပြည်သူ သိရှိစေရန် ဗိုလ်စလုံးအဖွဲ့ဝင် ရဲဘော်တဦး ရိုက်ကူးပြီး လူမှုကွန်ယက်တွင် ယနေ့နံနက်ပိုင်းက ဖြန့်ချိထားခြင်း ဖြစ်သည်။

    [embedyt] https://www.youtube.com/watch?v=FIRRJxoS_fs[/embedyt]

    ” စခတွေက ဥကရစ်ထစခန်းကို အသေခံကွာကွယ်မှာ မင်းအောင်လှိုင်က သူသေတာမှမဟုတ်တာ၊ အောက်ခြေကကောင်တွေ သေခိုင်းတာလေ၊ သူတို့က ဒီစခန်းကျလို့မရဘူးလို သတ်မှတ်ထားပုံပဲ၊ ကျသွားရင် ကရင်ပြည်နယ်မှာ အခိုင်အမာစခန်းတခု ကျသွားရင် ကျန်တဲ့စခန်းတွေက လွယ်သွားပြီ အခုအသေအလဲ အသေခံ တိုက်ခိုင်းတယ်၊ လေယာဉ်တွေနဲ့ အင်တိုက်အားတိုက်သုံးချနေတယ်လို့ ယူဆပါတယ်” ဟု PDF ရဲဘော်တဦးက ပြောသည်။

    ကရင်ပြည်နယ် ဝေါလေဒေသရှိ စစ်ကောင်စီတပ်၏ ဥကရစ်ထစခန်းကို KNLA၊KNDO၊PDF ပူးပေါင်းတပ်ဖွဲ့များ တိုက်ခိုက်နေသည်မှာ ယနေ့အပါအဝင် (၅) ရက်ရှိပြီဖြစ်ကြောင်း၊ နှစ်ဖက် ထိခိုက်ကျဆုံးမှုများရှိကြောင်း၊ စစ်ကောင်စီတပ်သည် စခန်းမကျရေးအတွက် လေယာဉ်ပစ်ကူ အလွန်အကျွံအသုံးပြုကာ တိုက်ခိုက်နေရကြောင်း၊ စစ်ကောင်စီတပ်ဘက်က အကျအဆုံး ပိုများနေကြောင်း သိရသည်။

    ဝေါလေဒေသ ဥကရစ်ထ စစ်ကောင်စီ စစ်ဆင်ရေးခြေကုတ်စခန်းသည် မြဝတီ ၊ သေ့ဘောဘိုး၊ ဝေါလေမြို့သစ်အဝင် မုလအိ၊ စုကလိလမ်းပိုင်း ထိပ်လမ်းဆုံနေရာတွင် တည်ရှိကြောင်း သိရသည်။

    Red News Agency

  • ညောင်ဦးမြို့နယ်၊ NLD အမျိုးသမီးလုပ်ငန်းကော်မတီဝင်တစ်ဦး အကျဉ်းထောင်တွင်း ကွယ်လွန် 

    ညောင်ဦးမြို့နယ်၊ NLD အမျိုးသမီးလုပ်ငန်းကော်မတီဝင်တစ်ဦး အကျဉ်းထောင်တွင်း ကွယ်လွန် 

    RNA_ဇွန်လ ၃၀၊ ၂၀၂၂ခုနှစ်။

    မန္တလေးတိုင်း ညောင်ဦးမြို့နယ်၊တိုက်ကုန်းရပ်အမျိုးသားဒီမိုက​​ရေစီအဖွဲ့ချုပ် အမျိုးသမီးလုပ်ငန်းကော်မတီ(ရပ်ကျေး အတွင်းရေးမူး) ဒေါ်ခင်ညို သည် စစ်ကောင်စီ၏ ဖမ်းဆီးခြင်း ခံရပြီးနောက် ရက် ၃၀ တွင်ထောင်တွင်းကျန်းမာရေးဆိုးဝါးပြီး ကွယ်လွန် သွားကြောင်း သိရသည်။

    NLD အမျိုးသမီးလုပ်ငန်းကော်မတီ(ရပ်ကျေး အတွင်းရေးမူး) ဒေါ်ခင်ညိုသည် မေ၃၀ရက်နေ့က စစ်ကောင်စီ၏ ဖမ်းဆီးခံခဲ့ရပြီး ဇွန်၂၈ရက်နေ့ နံနက်၅နာရီခွဲခန့်က ထောင်တွင်းကျန်းမာရေးဆိုးဝါးပြီး ကွယ်လွန်သွားခဲ့ခြင်းဖြစ်ကြောင်း သိရပြီး ၎င်းကွယ်လွန်ချိန်တွင် အသက် ၆၈ နှစ် ရှိပြီ ဖြစ်ကြောင်း သိရသည်။

    Red News Agency

  • မြို့သိမ်းတိုက်ပွဲတွေအတွက် ဘာတွေလိုအပ်နေသလဲ

    မြို့သိမ်းတိုက်ပွဲတွေအတွက် ဘာတွေလိုအပ်နေသလဲ

    မကွေးတိုင်းမှာ မြို့သိမ်းတိုက်ပွဲ စခန်းသိမ်းတိုက်ပွဲတွေ လုပ်နိုင်ပေမဲ့ ဘာတွေလုပ်ဖို့လိုအပ်နေသလဲ၊ NUG ကာကွယ်ရေးဝန်ကြီးဌာနက ဘာတွေလုပ်ပေးဖို့လိုအပ်နေသလဲဆိုတဲ့ အခြေအနေတွေကို Red News Agency သတင်းဌာနက ရေစကြို PDF က တပ်ရင်းမှူး ဗိုလ်မှိုင်းတေဇကို ဆက်သွယ်မေးမြန်းထားသည်။

    [embedyt] https://www.youtube.com/watch?v=Gb8ZrpoHSX8[/embedyt]

    Red News Agency

  • မြန်မာနိုင်ငံလေကြောင်းနှင့်အာကာသပညာတက္ကသိုလ်ကျောင်းသားများသမဂ္ဂ ရုံးခန်းနှင့် စာကြည့်တိုက် ဖယ်ရှား ရှင်းလင်းခံရ 

    မြန်မာနိုင်ငံလေကြောင်းနှင့်အာကာသပညာတက္ကသိုလ်ကျောင်းသားများသမဂ္ဂ ရုံးခန်းနှင့် စာကြည့်တိုက် ဖယ်ရှား ရှင်းလင်းခံရ 

    RNA_ဇွန် ၂၇၊၂၀၂၂ခုနှစ်။

    မြန်မာနိုင်ငံလေကြောင်းနှင့်အာကာသပညာတက္ကသိုလ်ကျောင်းသားများသမဂ္ဂ ( MAEUSU) ၏ သမဂ္ဂရုံးခန်းရှိ ကျောင်းသားများသမဂ္ဂနှင့်သက်ဆိုင်သည့်အဆောင်အ‌ယောင်အမှတ်တံဆိပ်အလံများအသုံးအဆောင်ပစ္စည်းများအားလုံးနှင့် စာကြည့်တိုက်ကို စစ်ကောင်စီလက်အောက်ခံ MAEU ပါမောက္ခချုပ် အောင်မျိုးသူနှင့်အဖွဲ့က ရှင်းလင်းဖယ်ရှားခဲ့ကြောင်း သိရသည်။

    Photo: MAEUSU / ၂၀၂၀ ခုနှစ် ဖေဖော်ဝါရီလအတွင်းက တွေ့ရသည့် သမဂ္ဂရုံးခန်းနှင့် စာကြည်တိုက်။ 

    လေကြောင်းတက္ကသိုလ်ကျောင်းသူကျောင်းသားများ၏ကိုယ်ထူကိုယ်ထစာကြည့်တိုက်ဖြစ်သည့် ” MAEU Students’ Union Library “ရှိ စာအုပ်နှစ်ထောင်ကျော်ခန့်ရှိကြောင်း၊ ဖယ်ရှားရှင်းလင်းလိုက်သည့်ရက်ကို MAEUSU မှ အတိအကျသိရှိရန် စုံစမ်းနေကြောင်း၊ စစ်ကောင်စီလက်အောက်ခံ MAEU ပါမောက္ခချုပ် အောင်မျိုးသူသည် မိတ္ထီလာ နည်းပညာတက္ကသိုလ်မှ MAEU သို့ စစ်ကောင်စီကပြောင်းရွှေ့ခန့်အပ်ခဲ့သည်။

    (more…)

  • ကျည်ကုန်သည်အထိ အသက်သေခံ ပြန်ပစ်ခဲ့သူ ဆရာစွမ်း (ခ) ကိုထက်ရှိုင်းဇော်ကို ဘဏ်ဓားပြဟု စစ်ကောင်စီစွပ်စွဲ 

    ကျည်ကုန်သည်အထိ အသက်သေခံ ပြန်ပစ်ခဲ့သူ ဆရာစွမ်း (ခ) ကိုထက်ရှိုင်းဇော်ကို ဘဏ်ဓားပြဟု စစ်ကောင်စီစွပ်စွဲ 

    RNA_ဇွန် ၂၆၊၂၀၂၂ခုနှစ်။

    မန္တလေးမြို့၊ မဟာအောင်မြေမြို့နယ်မှာ စစ်ကောင်စီတပ်သားများက ဖမ်းဆီးစဉ် ကျည်ကုန်သည်အထိ အသက်အသေခံ ပစ်ခတ်ခဲ့သူ ရတနာပုံ တော်လှန်ရေးတပ်ဖွဲ့က ဆရာစွမ်း (ခ) ကိုထက်ရှိုင်းဇော်ကို ဘဏ်ဓားပြဟု စွပ်စွဲကာ စစ်ကောင်စီက ယနေ့ ထုတ်ပြန်ခဲ့သည်။

    ရတနာပုံ တော်လှန်ရေးတပ်ဖွဲ့က ဆရာစွမ်းအပါအဝင် ရဲဘော်များနှင့် ဆက်စပ်သူ (၇) ဦးသည် မန္တလေးတိုင်း၊ ချမ်းအေးသာစံမြို့နယ်၊ပြည်ကြီးမျက်မှန်ရပ်ကွက်၊ ၂၆ လမ်း၊ ၆၂ လမ်းနှင့် ၆၃ လမ်းကြားရှိ KBZ ဘဏ်ခွဲ(၉)မှ ငွေကျပ် ၄၄၉ သိန်းအား ဓားပြတိုက်ယူဆောင်သွားခဲ့သူများဖြစ်ကြောင်း စစ်ကောင်စီက ယနေ့ထုတ်ပြန်ထားပြီး၊ (၆) ဦးကို အရှင်ဖမ်းမိပြီး ဆရာစွမ်းကို လမ်းမပေါ်တွင် စစ်ကောင်စီတပ်ကို ခုခံရင်း ကျဆုံးခဲ့ရကြောင်း သိရသည်။

    (more…)

  • ရပ်ကွက်က ဝိုင်းဖမ်းစဉ် ” ကျနော်ကို သတ်လိုက်ကြပါတော့ဗျာ” ဟု ပြောဆို‌ခဲ့ 

    ရပ်ကွက်က ဝိုင်းဖမ်းစဉ် ” ကျနော်ကို သတ်လိုက်ကြပါတော့ဗျာ” ဟု ပြောဆို‌ခဲ့ 

    RNA_ဇွန် ၂၆၊၂၀၂၂ခုနှစ်။

    ရန်ကုန်မြို့၊ ဒဂုံဆိပ်ကမ်းမြို့နယ်၊ ၉၄ရပ်ကွက်-ယုဇနဥယျာဉ်မြို့တော်၊ ၁၀လမ်း(A)ဘလောက် တိုက် (၁၆) ရှိ အခန်းမှာ ပေါက်ကွဲမှုဖြစ်အပြီး တယောက်ပြေးဆင်းလာရာ ရပ်ကွက်လမ်းထိပ်က လူများဝိုင်းဖမ်းစဉ် ” ကျနော်ကို သတ်လိုက်ကြပါတော့ဗျာ” ဖမ်းဆီးခံရသည့် လူငယ်က အော်ဟစ်ပြောဆိုခဲ့ကြောင်း ရပ်ကွက်အတွင်းမှ ပြည်သူတဦးက အသိပေးလာသည်။

    (more…)

  • ကရင်ပြည်နယ် ဥကရစ်ထ စခန်းအနီးတိုက်ပွဲတွင် CDM တပ်ကြပ်ဝေလင်းအောင် ကျဆုံး

    ကရင်ပြည်နယ် ဥကရစ်ထ စခန်းအနီးတိုက်ပွဲတွင် CDM တပ်ကြပ်ဝေလင်းအောင် ကျဆုံး

    RNA_ဇွန် ၂၆၊၂၀၂၂ခုနှစ်။

    ကရင်ပြည်နယ်၊ ဝေါလေဒေသရှိ စစ်ကောင်စီစစ်ဆင်ရေးခြေကုတ်စခန်းတစ်ခုဖြစ်သည့် ဥကရစ်ထစခန်းအနီးတွင် ယနေ့ ညနေ(၅)နာရီအထိ တိုက်ပွဲပြင်းထန်နေပြီး တိုက်ပွဲအတွင်းမှာ BGFမှ CDM ပြုလုပ်လာပြီး မဟာမိတ်တပ်ဖွဲ့များနှင့်အတူ တိုက်ပွဲဝင်နေသည့် တပ်ကြပ် ဝေလင်းအောင် ကျဆုံးသွားကြောင်း သိရသည်။

    “CDM စစ်သားဖြစ်သူ တပ်ကြပ် ဝေလင်းအောင်ဥကရစ်ထမှာ ကျဆုံး အလေးပြုပါတယ်။ ပေးဆပ်မှုက CDM ဝင်တဲ့အချိန်မှာတောင် တာဝန်ကျေနေပြီမို့ တိုင်းပြည်အတွက်ပါ အသက်ပေးသွားတဲ့အတွက်ပြောစရာ စကားတောင်မရှိပါဘူး ” ဟု စသည်ဖြင့် CDM ရေတပ်သားတဦးက လူမှုကွန်ယက်တွင် ရေးသားထားသည်။

    ယနေ့ နှင့် ပြီးခဲ့သည့် ညပိုင်းကတည်းက KNLA ၊ KNDO စသည့် ပူးပေါင်းတပ်များက ဥကရစ်ထစခန်းအနီးတွင် စစ်ကောင်စီတပ်ကို ပြင်းပြင်းထန်ထန် တိုက်ခိုပ်နေကြောင်း၊ ယနေ့ တိုက်ပွဲပြင်းထန်နေချိန် စစ်ကောင်စီတပ်က လေယာဉ် အသုံးပြု ပစ်ခတ်နေကြောင်း သိရသည်။

    RedNewsAgency

  • ဈေးတခုအတွင်း ဆန္ဒပြလူငယ်တွေကို ပြည်သူတွေ လက်ခုပ်တီးအားပေး

    ဈေးတခုအတွင်း ဆန္ဒပြလူငယ်တွေကို ပြည်သူတွေ လက်ခုပ်တီးအားပေး

    RNA_ဇွန် ၂၆၊၂၀၂၂ခုနှစ်။

    “ဒီမှာမင်းအောင်လှိုင် ငါတို့ လူထုတရပ်လုံး မင်းတို့ စစ်ဖိနပ်အောက် ဘယ်တော့မှ ဒူးမထောက်ဘူး ဟေ့” ဆိုသည့် ကြွေးကြော်သံများနှင့် ရန်ကုန်မြို့ ဈေးတခုအတွင်း လူငယ်များဆန္ဒပြခဲ့ကြရာ ပြည်သူများက လပ်ခုပ်တီး အားပေးခဲ့ကြသည်။

    ရန်ကုန်မြို့၏ လူစည်ကားရာနေရာတခုမှာ ချင်းကျောင်းသားခေါင်းဆောင် ဆလိုင်းတင်မောင်ဦး ကျဆုံးခြင်း(၄၆)နှစ်ပြည့် အထိမ်းအမှတ်အဖြစ် သူရဲကောင်း ဆလိုင်းတင်မောင်ဦးက ကြိုးစင်ထက်က ဟစ်ကြွေးသံဖြစ်သည့် ” ‘မင်းတို့ စစ်ဖိနပ်အောက် ငါတို့ ဘယ်တော့မှ ဒူးမထောက်ဘူး” ဆိုသည့် ကြွေးကြေည်သံများနှင့် ယနေ့ လှုပ်ရှားမှုကို စစ်အာဏာရှင်ဆန့်ကျင်ရေးရန်ကုန်အင်အားစု-AJAY မှ ပြုလုပ်ခဲ့ကြောင်း သိရသည်။

    (more…)