RNA၊ ဇွန် ၇ ရက်။
ရခိုင်ပြည်နယ်အတွင်း ရိုဟင်ဂျာကိစ္စနှင့်ပတ်သက်သည့် အမျိုးသားညီညွတ်ရေးအစိုးရအဖွဲ့ (NUG) ၏ မူဝါဒ သဘောထားကို ရခိုင်တစ်မျိုးသားလုံးညီညွတ်ရေးကော်် မတီက လက်မခံနိုင်ကြောင်း ဇွန်လ၆ရက်နေ့က ကြေညာ ချက်ထုတ်သည်။
NUG၏ ပြီးခဲ့သည့်ရက်ပိုင်းက ထုတ်ပြန်ခဲ့သည့် ရိုဟင်ဂျာများနှင့်ပတ်သတ်သည့် မူဝါဒသည် ရခိုင်ပြည် အကျပ် အတည်းကို ပိုမိုရှုပ်ထွေးစေပြီး၊ တည်ငြိမ်မှုကို ပျက်ပြားစေသည့် လုပ်ရပ်ဖြစ်နေကြောင်း၊ NUGက ရိုဟင်ဂျာအရေး ပြောဆိုလာခြင်းသည် နိုင်ငံတကာ အကူအညီရယူလိုသည့် အတွက် ဖြစ်သည်ဟု ထုတ်ပြန်ချက်တွင် ဖော်ပြထားသည်။
အမျိုးသားညီညွတ်ရေးအစိုးရအဖွဲ့ (NUG) အနေဖြင့် ရခိုင့်ပြည်သူတွေကို ကိုယ်စားပြုမှု မရှိသည့်အတွက် ရခိုင် ပြည်နယ်နှင့်ပတ်သက်သည့် ဆုံးဖြတ်ချက်၊ ကြေညာချက်မှန်သမျှ အသိအမှတ်မပြုနိုင်ကြောင်း၊ ရိုဟင်ဂျာအရေး NUG ၏ မူဝါဒနှင့် ပတ်သက်ပြီး လူမျိုးရေး၊ ဘာသာရေး စသည့် မကျေနပ်မှုများ နှင့်ပတ်သက်သည့် ပဋိပက္ခများ ကြုံတွေ့လာရပါက NUG မှာ တာဝန်ရှိသည်ဟု ရခိုင်တမျိုးသားလုံးညီညွတ် ရေးကော်မတီ၏ ထုတ်ပြန်ချက်တွင် ဖော်ပြထားသည်။
Red News Agency
Leave a Reply