မြန်မာနိုင်ငံတွင် လုံခြုံရေးနှင့် လူသားချင်းစာနာမှုဆိုင်ရာ အခြေအနေများနှင့် စပ်လျဉ်းပြီး စိုးရိပ်လျက်ရှိကြောင်း ကုလထုတ်ပြန်

ရန်ကုန်၊ ဇွန် ၈ ရက်။

မြန်မာနိုင်ငံ ကယားပြည်နယ်နှင့် အခြားဒေသများတွင် လျင်မြန်စွာဆိုးရွားလာသည့် လုံခြုံရေးနှင့် လူသားချင်းစာနာမှုဆိုင်ရာ အခြေ အနေများနှင့် စပ်လျဉ်း၍ မြန်မာနိုင်ငံရှိ ကုလသမဂ္ဂအဖွဲ့ကြီးကစိုးရိမ်လျက်ရှိပါကြောင်း ယနေ့ ( ဇွန်လ ၈ ရက်‌) ထုတ်ပြန်ထားသည်။

” ပဋိပက္ခတွင် ပါဝင်ပတ်သက်သူအားလုံးအနေ ဖြင့် အရပ်သားများနှင့် အရပ်သားများနှင့်သက် ဆိုင်သော အခြေခံအဆောက်အဦများ၊ အထူး သဖြင့် ဆေးကုသရာနေရာများနှင့် ဆေးဝန်ထမ်းများ အစရှိသည့် အကာအကွယ်ပေးရမည့်အရာများကို အကာအကွယ်ပေးရန်အတွက် လိုအပ်သော အစီအမံနှင့် ကြိုတင်ကာကွယ်မှုများကို အရေးတကြီး လုပ်ဆောင်ရန်နှင့် တိုက်ခိုက်သူနှင့်အရပ်သားများအကြား ပစ်မှတ်ခွဲခြားခြင်း၊ လိုအပ်မှသာ ပစ်ခတ်ခြင်း၊ အင်အားအလွန်အကျွံအသုံးမပြုခြင်းနှင့် အရပ်သားများကို ကာကွယ်စောင့်ရှောက်ခြင်း အစရှိသည့် အခြေခံမူများကို လိုက်နာရန် ကုလသမဂ္ဂက ထပ်လောင်းတောင်းဆို တိုက်တွန်းအပ်ပါသည်” ဟု ထုတ်ပြန်ချက်တွင် ဖော်ပြထားသည်။

ကယားပြည်နယ်တွင် အိုးအိမ်စွန့်ခွါ၍ ထွက်ပြေးတိမ်းရှောင်နေစသူ တစ်သောင်း ဝန်းကျင်ရှိကြောင်း၊ ကရင်ပြည်နယ်၊ ချင်းပြည်နယ်၊ မကွေးတိုင်း၊ စစ်ကိုင်းတိုင်းတွင်လည်း ထွက်ပြေးတိမ်းရှောင်နေရသူအများအပြားရှိကြောင်း သိရသည်။

Red News Agency