ဖားကန့်၊ ဩဂုတ် ၁၉ ရက်။
ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာ၊ ရပ်ကွက်(၁) ဈေးကုန်း၌ စစ်ကောင်စီလက်အောက်ခံ ရဲတပ်ဖွဲ့မှ ရဲသားတစ်ဦး ယနေ့ ( ဩဂုတ်လ ၁၉ ရက်) ညနေပိုင်းက သေနတ်ပစ်ခံရပြီး သေဆုံးခဲ့ကြောင်း သိရသည်။
အရပ်ဝတ်ဖြင့်လာရာမှ သေနတ်ပစ်ခံရပြီး သေဆုံးသည့်ရဲသည် မူးယစ်ဆေး သုံးစွဲ ရောင်းချထံ စပ်ကြေးလာကောက်သူ ဖြစ်နိုင်ကြောင်း၊ မည်သည့်အဖွဲ့မှ ပြုလုပ်ခဲ့ကြောင်း အတိအကျမသိရသေးသော်လည်း အခင်းဖြစ်ပွားရာ ဈေးကုန်းနှင့် ယာယီကားလေးကွင်းအနီးတို့၌ မူးယစ်ဆေးဝါး သုံးစွဲသူ ရောင်းချသူများ ကျင်လည်လေ့ရှိကြောင်း ဒေသခံများထံမှ သိရသည်။
မူးယစ်ဆေး ရောင်းဝယ်သူများထံမှ အပတ်စဉ်ကြေး လစဉ်ကြေးများကောက်ယူရန် လာသောရဲသည် AD ဘင်ဖြင့် လာရောက်ခဲ့ပြီး၊ သေဆုံးသူမှာ ရဲတပ်ကြပ် ဝင်းမြင့်ဖြစ်ကြောင်း၊ အလောင်းအား ဖားကန့် ရင်ခွဲရုံသို့ ပို့ဆောင်ထားကြောင်း ဒေသခံများထံမှ သိရသည်။
#RedNewsAgency
Leave a Reply