RNA ၊ ဇူလိုင် ၂ ရက်။
တရုတ်ပြည်သူများသည် အခြားနိုင်ငံပြည်သူများကို တစ်ကြိမ်မျှ အနိုင်ကျင့်ခြင်း၊ ဖိနှိပ်ခြင်း၊ လက်အောက်ခံပြုခြင်း မရှိကြောင်း ယခင်ကမရှိခဲ့သလိုယခုလည်းမရှိ၊ နောင်တွင်လည်းရှိမည်မဟုတ်ကြောင်း တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူးချုပ်၊ သမ္မတ၊ ဗဟိုစစ်ကော်မရှင် ဥက္ကဌ သမ္မတ ရှီကျင့်ဖျင်(Mr. Xi Jinping ) က ပြောသည်။
ပေကျင်း ပြည်သူ့ခန်းမဆောင်ကြီး၌ ဇွန်လ ၂၉ ရက်နေ့က ကျင်းပခဲ့သည့် တရုတ်ကွန်မြူနစ်ပါတီ ထူထောင်ခြင်း နှစ် (၁၀၀) ပြည့်အထိမ်းအမှတ် “ဇူလိုင်လ ၁ ရက်နေ့ ဆုတံ ဆိပ်” ချီးမြှင့်ခြင်းအခမ်းအနားတွင် သမ္မတ ရှီကျင့်ဖျင်က ပြောကြားခဲ့ခြင်း ဖြစ်ကြောင်း ရန်ကုန်မြို့ရှိ တရုတ်သံရုံးက ယနေ့ သတင်းထုတ်ပြန်ခဲ့သည်။
တရုတ်ကွန်မြူနစ်ပါတီနှင့် တရုတ်ပြည်သူများသည် မိမိရွေးချယ်ထားသည့် လမ်းကြောင်းပေါ်တွင် ဝင့်ကြွားစွာ ဦးမော့ရင်ကော့၍ ချီတက်သွားမှာဖြစ်ပြီးတရုတ်နိုင်ငံဖွံ့ဖြိုးတိုးတက်မှု၏ကံကြမ္မာအား မိမိ၏လက်ထဲတွင် အမိအရကိုင်ဆုပ်ထားမည်ဖြစ်ကြောင်း သမ္မတ ရှီကျင့်ဖျင်က ပြောကြားခဲ့သည်။
ထို့အပြင် တရုတ်နိုင်ငံသည် ကမ္ဘာ့ငြိမ်းချမ်းရေး တည် ဆောက်သူ တစ်ကမ္ဘာလုံး ဖွံ့ဖြိုးတိုးတက်ရေးအတွက် အကျိုးထမ်းရွက်သူနှင့် နိုင်ငံတကာအခင်းအကျင်းကို ကာကွယ်စောင့်ထိန်းသူ အမြဲတစေ ဖြစ်သည်ဟုလည်း သမ္မတ ရှီကျင့်ဖျင်၏မိန့်ခွန်းတွင် ဖော်ပြထားသည်။
Red News Agency