ချင်းပြည်နယ်၊ ဇူလိုင် ၅ ရက်။
လက်ရှိအခြေအနေအရ ပြည်သူတို့၏ စားဝတ်နေရေး ကျန်းမာရေးစသည့် အခြေခံလိုအပ်ချက်များ အခက်အခဲ ဖြစ်နေသည့်အတွက် ပြည်သူအချင်းချင်း လက်ဝါး ကြီးအုပ် ဈေးအဆမတန် မြှင့်မရောင်းကြဖို့ ယနေ့ ( ဇူလိုင်လ ၅ ရက်) တွင်း မင်းတပ်ပြည်သူ့အုပ်ချုပ်ရေးအဖွဲ့က သတိပေးစာ ထုတ်ပြန်ထားသည်။
မင်းတပ်မြို့နယ်တွင် ပြည်သူအချင်းချင်းလက်ဝါးကြီး အုပ်ပြီး အခြေခံစားသောက်ကုန် တန်ဆာခ၊ တန်ဘိုးတွေကို အဆမတန် ဈေးတင်ရောင်းချနေသည့် ကုန်သည်များ ရှိနေကြောင်း၊ သင့်တင့်သည့် နှုန်းထားဖြင့် ပြန်လည်ဆောင်ရွက်ပေးရန် တောင်းဆိုထားသည်။
ဟု ဆိုသည်။
မင်းတပ်မြို့နယ်တွင် အခြေခံစားသောက်ကုန်များကို အဆမတန် ဈေးတင်ရောင်းချနေသူများ လိုက်နာမှု မရှိပါက ထိရောက်သည့် အရေးယူမှုများ ပြုလုပ်သွားမည်ဖြစ်ကြောင်း၊ မင်းတပ်မြို့တွင် အပစ်ရပ်ကာလအတွင်း စစ်ကောင်စီဘက်ကအင်အားတိုးထားသလို အပစ်ရပ် သတ်မှတ်ရက်လည်း ပြည့်ပြီဖြစ်သည့်အတွက် တိုက်ပွဲပြန်ဖြစ်လာနိုင်ကြောင်း ထုတ်ပြန်ချက်တွင် ပါရှိသည်။