Independent Journalism for Justice and Human Rights.
RNA_ဖေဖော်ဝါရီ(၁၄)၊၂၀၂၃ ခုနှစ်။
အမျိုးသားညီညွတ်ရေးအစိုးရ -NUG အပြည်ပြည်ဆိုင်ရာပူးပေါင်းဆောင်ရွက်ရေး ပြည်ထောင်စုဝန်ကြီး ဒေါက်တာဆာဆာက အကြမ်းဖက်စစ်ခေါင်းဆောင်များ နေဝင်ချိန်နီးနေပြီဟု တော်လှန်ရေးအင်အားစုများကို ပြောကြားထားသည်။
၇၆ နှစ်မြောက် ပြည်ထောင်စုနေ့ ( ဖေဖော်ဝါရီ ၁၂ ရက်) က အမေရိကန်နိုင်ငံ မယ်ဝါးခီး (Milwaukee USA) တော်လှန်ရေးမိသားစုနှင့် ဒေါက်တာဆာဆာတို့ အွန်လိုင်းအစည်းအဝေးတွေ့ဆုံပွဲတွင် ပြောကြားခဲ့ခြင်းဖြစ်သည်။
[embedyt] https://www.youtube.com/watch?v=ETBWMInxeLc[/embedyt]
#RedNewsAgency
RNA_ဖေဖော်ဝါရီ(၁၄)၊၂၀၂၃ ခုနှစ်။
မကွေးတိုင်း၊ ပခုက္ကူမြို့နယ်၊ ပန်းတိုင်းခြုံကျေးရွာ စာသင်ကျောင်းတွင် တပ်စွဲထားသည့် စစ်ကောင်စီတပ်ကို ဒေသခံပြည်သူ့ကာကွယ်ရေးတပ်ဖွဲ့များက စီးနင်းတိုက်ခိုက်ခဲ့ကြသည်။
စခန်းသိမ်းတိုက်ပွဲအဖြစ် ပန်းတိုင်ခြုံကျေးရွာ စာသင် ကျောင်းတပ်စွဲထားသည့် စစ်ကောင်စီတပ်ကို ဖေဖော် ဝါရီလ (၁၃) ရက်နေ့က ပြည်သူ့ကာကွယ်ရေးတပ်ဖွဲ့များက ရည်ရွယ်တိုက်ခိုက်ခဲ့သော်လည်း (၁၅) မိနစ်ဝန်းကျင်သာ တိုက်ပွဲဖြစ်ပွားခဲ့ကြောင်း၊ တိုက်ခိုက်မှုအတွင်း စစ်ကောင်စီဘက် ထိခိုက်သေဆုံးမှုကို အတည်မပြုနိုင်သေးကြောင်း Young Force (UG)က ထုတ်ပြန်ထားသည်။
RNA_ဖေဖော်ဝါရီ(၁၃)၊၂၀၂၃ ခုနှစ်။
စစ်ကိုင်းတိုင်း၊ ဆားလင်းကြီးမြို့နယ်၊ ချင်းတွင်းမြစ်ကမ်းဘေး ကျေးရွာများသပိတ်စစ်ကြောင်းမှ ယနေ့ ကျရောက်သည့် ဗိုလ်ချုပ်အောင်ဆန်း၏ (၁၀၈) နှစ်မြောက်မွေးနေ့ အထိမ်းအမှတ် အခမ်းအနားပြုလုပ်ခဲ့ကြောင်း သိရသည်။
RNA_ဖေဖော်ဝါရီ(၁၃)၊၂၀၂၃ ခုနှစ်။
နွေဦးတော်လှန်ရေးတွင် ပြည်သူများအတွက် အသက်ပေးခဲ့သည့် အာဇာနည်သူရဲကောင်း ၈၈ မျိုးဆက် ကျောင်းသားခေါင်းဆောင် ကိုဂျင်မီ၏ ယနေ့ (ဖေဖော်ဝါရီ ၁၃ ရက်) ကျရောက်သည့်မွေးနေ့တွင် PDF တပ်ဖွဲ့များကို အလှူငွေများနှင့် အစားအသောက်များ လှူဒါန်းခဲ့သည်။
တောင်ပိုင်းတိုင်းစစ်ဒေသအတွင်းရှိ PDF တပ်ဖွဲ့များ၊ အညာဒေသရှိ 96 Soldiers -PDF (အညာဒေသတပ်ခွဲ) ရဲဘော်များအပါအဝင် တော်လှန်ရေးလြပ်နေသည့် လက်နက်ကိုင်ပြည်သူ့ကာကွယ်ရေး တပ်ဖွဲ့တချို့ကို ကိုဂျင်မီ၏ မိသားစုနှင့် ချစ်ခင်လေးစားရသည့် ရဲဘော်များက အလှူငွေနှင့် အစားအသောက်များ လှူဒါန်းခဲ့ကြသည်။
#RedNewsAgency
RNA_ဖေဖော်ဝါရီ(၁၃)၊၂၀၂၃ ခုနှစ်။
မြန်မာဒုက္ခသည်အရေး ဖြေရှင်းပေးရန်အတွက် ထိုင်းနိုင်ငံ၊ ဘန်ကောက်မြို့နှင့်မဲဆောက်မြို့ရှိ ကုလသမဂ္ဂ ဒုက္ခသည်များဆိုင်ရာမဟာမင်းကြီးရုံး – UNHCR ရုံးတို့ကို ယနေ့ နံနက်ပိုင်းက Maesot Refugee Voice အဖွဲ့ဝင်တချို့က ဆန္ဒပြခဲ့ကြောင်း သိရသည်။
“UNHCR က အခု ထိုင်းမှာ ဒုက္ခသည်အရေး မလုပ်ဘူးလို့တော့ ပြောမရဘူး လုပ်နေပါတယ် ဒါပေမဲ့ နာမည်ကြီးမှ ဆယ်လီဖြစ်မှ အရေးပေါ်ဖြစ်မှဆိုတာမျိုးကို ခွဲခြားလုပ်နေတာပါ။ CDM တွေ ပုံနေတာပဲ အခြား စစ်ဘေးရှောင်တွေလည်း အများကြီး၊ သွားရမယ်ဆိုပြီး ဟိုတယ်မှာ နေတဲ့သူတွေလည်း ရှိကြတယ်ရှင့်။ အဓိက လုပ်တာနှေးနေတာရယ် လူတွေကို တကယ်ဟုတ်မဟုတ် ရွေးတယ်ဆိုတာထက် နာမကြီးမှ အဖွဲ့အစည်းတချို့က ထောက်ခံမှ ဆိုတာမျိုးတွေက UNHCR အနေနဲ့ မလုပ်သင့်ပါဘူး” ဟု မဲဆောက်ရောက် CDM စစ်ဘေးရှောင်တဦးက ပြောသည်။
RNA_ဖေဖော်ဝါရီ(၁၃)၊၂၀၂၃ ခုနှစ်။
ပဲခူးတိုင်း အခြေစိုက် စစ်ကောင်စီတပ် အမှတ်(၃၀၇) ခြေမြန်တပ်ရင်း၌ အခြေခံ စစ်ပညာသင်ခဲ့သည့် ကျောက်တံခါးမြို့နယ်၊ ကညင်ကျိုးကျေးရွာမှ ပျူစောထီးခေါင်းဆောင် ကျော်ဦး ယမန်နေ့က ရှင်းလင်းခံလိုက်ရကြောင်း သိရသည်။
“ကညင်ကျိုးရွာမှ ပျူစောထီးခေါင်းဆောင်ဖြစ်သည့်အပြင် အကြမ်းဖက်စစ်ကောင်စီထံ တော်လှန်ရေးတပ်ဖွဲ့များ၏ လှုပ်ရှားသွားလာမှုများကို သတင်းပေးပို့ခြင်း၊ ကျေးရွာအတွင်း တော်လှန်သောပြည်သူများကို စစ်ကောင်စီမှ ဖမ်းဆီးရန် စေခိုင်းခြင်း၊ စစ်ကောင်စီကကျင်းပမည့် တရားမဝင်ရွေးကောက်ပွဲ ကျင်းပနိုင်ရေးအတွက် တက်ကြွစွာပါဝင်ခြင်းများကို ဆောင်ရွက်လျက်ရှိသူဖြစ်သည်” ဟု ပဲခူး PDF ကထုတ်ပြန်ထားသည်။
RNA_ဖေဖော်ဝါရီ(၁၂)၊၂၀၂၃ ခုနှစ်။
“ခွင့်တူညီမျှသည့် ပြည်ထောင်စုဆီသို့” ခေါင်းစဥ်ဖြင့် ပြုလုပ်သည့် စစ်ကိုင်းတိုင်း၊ ဝက်လက်မြို့နယ်အတွင်း ယနေ့ ကျရောက်သည့် (၇၆) နှစ်မြောက် ပြည်ထောင်စုနေ့တွင် ပြုလုပ်သည့် ဖက်ဒရယ်ပြည်ထောင်စုတည်ဆောက်ရေး၊ စစ်အာဏာရှင်ဆန့်ကျင်ရေး ဆန္ဒပြပွဲတွင် ပြည်သူများနှင့်အတူ 96 Soldiers -PDF (အညာဒေသတပ်ခွဲ) ရဲဘော်များ ပူးပေါင်းခဲ့ကြောင်း သိရသည်။
#RedNewsAgency
RNA_ဖေဖော်ဝါရီ( ၁၂)၊၂၀၂၃ ခုနှစ်။
ပြည်သူ့ကာကွယ်ရေးတပ်မတော် (မန္တလေး)၏ တပ်ရင်းတပ်ဖွဲ့များကို စစ်ကောင်စီတပ်မှ မြေပြင် ဝေဟင် ညှပ်တိုက်သည့်တိုက်ပွဲတွင် စစ်ကောင်စီတပ်သား (၂၅) ဦးသေဆုံးပြီး ပြည်သူ့ကာကွယ်ရေး ရဲဘော်(၂) ဦးကျဆုံးခဲ့ကြောင်း သိရသည်။
မြေပြင်တိုက်ပွဲများ ပြင်းထန်သည့်အပြင် Mi 35 တိုက် ခိုက်ရေးရဟတ်ယာဉ်ကို အသုံးပြု၍ ပြည်သူ့ကာကွယ် ရေးတပ်မတော် (မန္တလေး)မှ စစ်သည်များကို ဖေဖော်ဝါရီ (၁၀) ရက်နေ့ နံနက် (၆) နာရီဝန်းကျင်က စစ်ကောင်စီတပ်မှ ပြင်းပြင်းထန်ထန် ထိုးစစ်ဆင်လာခဲ့ကြောင်း၊ ပြည်သူ့ကာကွယ်ရေးတပ်မတော် (မန္တလေး) မှ ကိုယ်ပိုင်အမှတ် (P1- 1202-085) ရဲဘော်စစ်နိုင် နှင့် ကိုယ်ပိုင်အမှတ် (P1- 1202-159) ရဲဘော် ဖိုးဝတို့ တိုက်ပွဲအတွင်း ကျဆုံးခဲ့ရကြောင်း သိရသည်။
RNA_ဖေဖော်ဝါရီ(၁၁)၊၂၀၂၃ ခုနှစ်။
မကွေးတိုင်း၊ ပခုက္ကူမြို့နယ်၊ မြစ်ခြေမြို့အခြေစိုက် စစ်ကောင်စီ မွေးမြူရေးတပ်ကို ပြည်သူ့ကာကွယ်ရေးတပ်ဖွဲ့များက ယနေ့နံနက်က ဝင်ရောက်စီးနင်းတိုက်ခိုက်ခဲ့သည့်အတွက် စစ်ကောင်စီတပ် အရာရှိ (၂) ဦးအပါအဝင် (၇) ဦးသေဆုံးခဲ့သည်ဟု မြိုင်ပကဖ Telegram တွင် အသိပေးထားသည်။
တိုက်ပွဲအတွင်း စစ်ကောင်စီတပ်ဘက်မှ အရာရှိ (၂) ဦးအပါအဝင် (၇) ဦးသေဆုံးပြီး (၃) ဦးအရှင်ဖမ်းခံခဲ့ရကြောင်း၊ တပ်စခန်း ဝင်ရောက်စီးနင်းတိုက်ခိုက်မှုကို မြိုင်မြို့နယ် ပြည်သူ့ကာကွယ်ရေးတပ်ဖွဲ့၊ တပ်ရင်း (၂)၊ တပ်ခွဲ (၁)၊ တပ်ခွဲ၂၊ တပ်ခွဲ (၃)၊ မြစ်ခြေပြည်သူ့ကာကွယ်ရေးတပ်ဖွဲ့ – MCKCစသည့် မဟာမိတ်များ ပူးပေါင်းတိုက် ခိုက်ခဲ့ကြောင်း၊ လက်နက်ခဲယမ်းများပါ သိမ်းဆည်းရမိခဲ့ကြောင်း သိရသည်။
(သေဆုံးနေသည့် စစ်ကောင်စီတပ်သားများပုံ ကြည့်လိုပါက https://t.me/rednewsagency/1520 နှိပ်ပါ)
#RedNewsAgency
RNA_ဖေဖော်ဝါရီ(၁၁)၊၂၀၂၃ ခုနှစ်။
ကရင်ပြည်နယ်၊ကော့ကရိတ်မြို့၊ တံတားဦး၊ ညောင်ပင်အောက် စစ်ကောင်စီတပ် ဂိတ်စခန်းကို ကျားဖြူစစ်ကြောင်းနှင့် မဟာမိတ်ရဲဘော်များ ယနေ့ နံနက် (၅) နာရီ (၃၀) မိနစ်ဝန်းကျင်က တိုက်ခိုက်ရာ စစ်ကောင်စီတပ်မှ အနည်းဆုံး (၆) ဦးသေဆုံးကြောင်း သိရသည်။
” ရန်သူ့ဘက်မှ စစ်ကောင်စီ တပ်ဖွဲ့ဝင် ၆ဦး ထက်မနည်း သေဆုံးပြီး ထိခိုက် သေဆုံးမှုကို ထပ်မံ အတည် မပြုနိုင်သေးပါ။ စစ်ကောင်စီဘက်မှ အတို (၁) လက်၊ MA3 (၂) လက်၊ ကျည်ဘောက် (၄) ခု၊ RPG 7 အသီး (၁) လုံး ကို သိမ်ဆည်း ရရှိခဲ့ပါသည်” ဟု ကျားဖြူစစ်ကြောင်း – Albino Tiger Columnက ထုတ်ပြန်ထားသည်။