ကယားပြည်နယ်တွင် ယနေ့ စစ်ကောင်စီလက်နက်ကိုင် ၂၀ ဝန်းကျင်သေဆုံး

ကရင်နီပြည်၊ ဇွန် ၅ ရက်။

ကယားပြည် (ကရင်နီပြည်နယ်) နယ် မိုးဗြဲတွင် ယနေ့ ( ဇွန်လ ၅ ရက်) ဖြစ်ပွားခဲ့သည့် ကရင်နီပြည်သူ့ကာကွယ် ရေးအဖွဲ့နှင့် အာဏာသိမ်း စစ်ကောင်စီ လက်နက်ကိုင်တို့ တိုက်ပွဲအတွင်း စစ်ကောင်စီလက်နက်ကိုင် ၂၀ ဝန်းကျင်သေဆုံးပြီး၊ လက်နက်များပါ ရရှိလိုက်သည်ဟု KNDF က
ထုတ်ပြန်ထားသည်။

မိုးဗြဲမြို့ ဒုန်းဒူထန်နှင့် ပွဲကုန်း ၃ ကြား ရထားလမ်းမှာ ယနေ့ နံနက်ပိုင်းက တစ်ကြိမ်၊ ညနေပိုင်းမှာ တစ်ကြိမ် တိုက်ပွဲတွေ ဖြစ်ခဲ့ကြောင်း၊ ဒီမော့ဆိုမြို့၊ ဒေါငံခါးရပ်ကွက် လမ်းခွအနီးတွင် လက် နက်ကြီး ပစ်ခတ်မှုကြောင့် KNDF တပ်ဖွဲ့ဝင်တစ်ဦး ဒဏ်ရာ ရခဲ့ကြောင်း သိရသည်။

ကရင်နီပြည်နယ်အတွင်း ပြည်သူ့ကာကွယ်ရေးအဖွဲ့များနှင့် စစ်ကောင်စီလက်နက်ကိုင်တို့ နေ့စဉ်နီးပါး ပစ်ခတ်မှုများ ဖြစ်ပွားနေကြောင်း၊ စစ်ကောင်စီဘက်က သေဆုံးမှုများ ပြားနေပြီး လက်နက်ကြီး၊ လေယာဉ်ပစ်ကူများ အသုံးပြုနေသည့်အတွက် ဒေသခံအများအပြား ထွက်ပြေးတိမ်းရှောင်နေကြရကြောင်း သိရသည်။

Red News Agency