မကွေး၊ ဇူလိုင် ၂၄ ရက်။
နွေဦးတော်လှန်ရေးက ပေါက်ဖွားလာသည့် မြို့နယ်အလိုက် ပြည်သူ့ကာကွယ်ရေးအဖွဲ့များစုပေါင်းပြီး မကွေးတိုင်း တပ်မတော်ကို ယနေ့ (ဇူလိုင်လ ၂၄ ရက်) တွင် ဖွဲ့စည်းလိုက်ကြောင်း သိရသည်။
မကွေးတိုင်း တပ်မတော်တွင် မကွေးမြို့ပြည်သူ့ကာကွယ်ရေးတပ်ဖွဲ့၊ မင်းဘူး-စကုမြို့ပြည်သူ့ကာကွယ်ရေးတပ်ဖွဲ့၊ ရေနံချောင်းမြို့ပြည်သူ့ကာကွယ်ရေးတပ်ဖွဲ့၊ နတ်မောက်မြို့ပြည်သူ့ကာကွယ်ရေးတပ်ဖွဲ့၊ တောင်တွင်းကြီးမြို့ပြည်သူ့ကာကွယ်ရေးတပ်ဖွဲ့၊ မြို့သစ်မြို့ပြည်သူ့ကာကွယ်ရေးတပ်ဖွဲ့၊ ချောက်မြို့ပြည်သူ့ကာကွယ်ရေးတပ်ဖွဲ့၊ ဆင်ပေါင်ဝဲမြို့ပြည်သူ့ကာကွယ်ရေးတပ်ဖွဲ့၊ မင်းလှမြို့ပြည်သူ့ကာကွယ်ရေးတပ်ဖွဲ့၊ စလင်းမြို့ပြည်သူ့ကာကွယ်ရေးတပ်ဖွဲ့၊ ငဖဲမြို့ပြည်သူ့ကာကွယ်ရေးတပ်ဖွဲ့၊ ပွင့်ဖြူမြို့ပြည်သူ့ကာကွယ်ရေးတပ်ဖွဲ့ တို့ပါဝင်ကြောင်း သိရသည်။
အာဏာသိမ်း စစ်တပ်က ငြိမ်းချမ်းစွာဆန္ဒပြတောင်းဆိုသည့် ဒီမိုကရေစီရေးလိုလားသူ ပြည်သူများကို မတရားညှင်းပမ်း သတ်ဖြတ် ဖမ်းဆီးခြင်းပြုလုပ်ခဲ့သည့်အတွက် လက်နက်ကိုင်လမ်းစဉ်ဖြင့် တောင်းဆို တိုက်ပွဲဝင်မည့်ဟုဆိုကာ မြို့နယ်အဆင့် ပြည်သူ့ကာကွယ်ရေးအဖွဲ့များ၊ တိုင်းအဆင့် ပြည်သူ့ကာကွယ်ရေးအဖွဲ့များ ဖွဲ့ပြီး စစ်ကောင်စီကို တိုက်ခိုက်ကြမည်ဟု သိရသည်။
Red News Agency