ကလေး၊ ဇူလိုင် ၁၅ ရက်။
ကလေးမြို့ပြည်သူ့ရာကွယ်ရေးတပ်ဖွဲ့ ( People’s Defence Force – Kalay) နှင့် စစ်ကောင်စီလက်နက်ကိုင်တို့ ယနေ့ ( ဇူလိုင်လ ၁၅ ရက်) တနေ့လုံးနီးပါး တိုက်ပွဲတွင် စစ်ကောင်စီလက်နက်ကိုင် ၁၇ ဦး သေဆုံးကြောင်း PDF- Kalay က ထုတ်ပြန်ထားသည်။
PDF (Kalay) တပ်ဖွဲ့ဝင်များက စစ်ကောင်စီလက်နက်ကိုင်များကို မိုင်းဆွဲတိုက်ခိုက်ခြင်း၊ ရင်ဆိုင်တိုက်ပွဲဆင်နွှဲခြင်းများဖြင့် တုံ့ပြန်ခဲ့ရာ ညနေ ၇ နာရီခွဲအချိန်ခန့်ထိ တိုက်ပွဲများပြင်းထန်ခဲ့ပြီး၊ PDF (Kalay) မှရဲဘော် ၂ ဦး အသက်ပေးဆပ်ခဲ့ရကြောင်း ထုတ်ပြန်ချက်တွင် ပါရှိသည်။
ယနေ့နံနက် ၁၀ နာရီ ဝန်းကျင်အချိန်ခန့်မှ စတင်၍ အကြမ်းဖက်စစ်ကောင်စီ တပ်ဖွဲ့များသည် ကလေးမြို့နယ်တောင်ပိုင်းမှ တင်သား၊ ကျောက်ဖူး၊ ဒိုးနွယ် နှင့် အရှေ့စည်းရွာများသို့ ဝင်ရောက်အကြမ်းဖက်စီးနင်းရန် ဆက်တိုက်ကြိုးပမ်းခဲ့ရာ အဆိုပါရွာများအနီးဝန်းကျင်နယ်မြေတဝိုက်တွင် PDF (Kalay) တပ်ဖွဲ့များဖြင့်ထိတွေ့မှုတောက်လျှောက် ဖြစ်ခဲ့ကြောင်း၊ စစ်ကောင်စီ၏ ဆင်ခြင်မဲ့ ပစ်ခတ်မှုကြောင့် အပြစ်မဲ့ ပြည်သူ ၂ ဦး ကျဆုံးခဲ့ကြောင်း သိရသည်။
ယနေ့ ညပိုင်းအထိ စစ်ကောင်စီလက်နက်ကိုင်များက
ကျောက်ဖူးနှင့် အရှေ့စည်းရွာများတွင် တပ်စွဲထားသည့်အတွက် ဒေသခံပြည်သူများ လုံခြုံရေးအသိ၊ သတိရှိစွာဖြင့် သွားလာနေထိုင်ကြပါရန် PDF (Kalay) က မေတ္တာရပ်ခံထားသည်။
Red News Agency