RNA – စက်တင်ဘာ ၈ ရက်။
ကရင်နီပြည် ( ကယား) နယ် ဖယ်ခုံမြို့နယ် ၊ ပူချယ်ရွာအဝင်တွင် စစ်ကြောင်းချီလာသည့် စစ်ကောင်စီလက်နက်ကိုင်အဖွဲ့နှင့် ဖယ်ခုံအခြေစိုက် KNDF နှင့် PDF တို့ ယနေ့ ( စက်တင်ဘာလ ၈ ရက်) နံနက် ၉ နာရီ ဝန်းကျင် တိုက်ပွဲတွင် စစ်ကောင်စီလက်နက်ကိုင် ၅ ဦးသေဆုံးခဲ့ကြောင်း KNDF က ယနေ့ ထုတ်ပြန်ထားသည်။
ဖယ်ခုံ အခြေစိုက် KNDF နှင့် PDF တို့က မိုင်းဆွဲတိုက်ခိုက်ပြီး ပစ်ခတ်မှု မိနစ် ၂၀ ကျော်အတွင်း ရပ်နားခဲ့ကြောင်း၊ တိုက်ပွဲဖြစ်အပြီး ဆိုင်ကယ်စီးလာသည့် အရပ်သား ၂ ဦးကို စစ်ကောင်စီလက်နက်ကိုင်များက ပစ်ခတ်သည့်အတွက် ကျဆုံးခဲ့ကြောင်း ထုတ်ပြန်ချက်အရ သိရသည်။
စက်တင်ဘာလ ၇ ရက်နေ့ ညနေ ၆ နာရီဝန်းကျင်က ကရင်နီတပ်မတော်နှင့် မဟာမိတ်များက ဒီမော့ဆိုမြို့နယ် ရဲစခန်းကို ၂ နာရီကြာ ဝင်ရောက် ပစ်ခတ်တိုက်ခိုက်ရာ ရဲစခန်းအတွင်း သေဆုံးသူများရှိနိုင်ကြောင်း၊ တိုက်ခိုက်မှုအတွင်း စစ်ကောင်စီလက်နက်ကိုင်များက လက်နက်ကြီးများဖြင့် ပစ်ခတ်ခဲ့သည့်အတွက် ဒီမော့ဆိုမြို့ပေါ်နေအိမ်အချို့ ပျက်စီးဆုံးရှုံးခဲ့ကြောင်း၊ ဒီမော့ဆိုမြို့နယ် စံပြ (၆) ကျေးရွာ နေအိမ်များကိုလည်း စစ်ကောင်စီလက်နက်ကိုင်များက မီးရှို့ဖျက်ဆီးခဲ့ကြောင်း ထုတ်ပြန်ချက်တွင် ပါရှိသည်။
Red News Agency