RNA_ဇူလိုင် ၆၊၂၀၂၂ခုနှစ်။
စစ်အာဏာရှင်ကို လက်နက်ကိုင် ခုခံနေသည့် လူငယ်တော်လှန်ရေးတပ်ဦး-YRF ၏ အခြေခံစစ်ပညာသင်တန်း အပတ်စဥ် (၂) သင်တန်းဆင်းပွဲနှင့် ကျမ်းသစ္စာကျိန်ဆိုခြင်း အခမ်းအနားကို ယနေ့အောင်မြင်စွာ ကျင်းပပြီးစီးခဲ့သည်ဟု ထုတ်ပြန်ထားသည်။
RedNewsAgency
RNA_ဇူလိုင်၅၊၂၀၂၂ခုနှစ်။
KNDO အထူးကွန်မန်ဒိုတပ်ရင်း ဆင်ဖြူစစ်ကြောင်း ဒုတိယဗိုလ်မှူးကြီးစောစလုံး(တပ်ရင်းမှူး)က စစ်ကောင်စီတပ် ဥကရစ်ထ စခန်းတိုက်ပွဲနှင့် ပတ်သက်ပြီး ပြည်သူသို့ အသိပေးချက် ယနေ့ ထုတ်ပြန်လိုပ်သည်။
ထုတ်ပြန်ချက် အပြည့်အစုံမှာ အောက်ပါအတိုင်းဖြစ်သည်။
မြဝတီတောင်ဘက်၊ ထိုင်း-မြန်မာနယ်စပ်ရှိ ဥကရစ်ထစစ်ကောင်စီခြေကုတ်စခန်းအား တိုက်ခိုက်သိမ်းပိုက်နိုင်ရန်ကြိုးပမ်းလျှက်ရှိသော ဆင်ဖြူစစ်ကြောင်းနှင့် ပတ်သက်၍ ပြည်သူသို့ အောက်ပါအတိုင်း တင်ပြအပ်ပါသည် –
ကရင်ပြည်နယ်၊ KNU တပ်မဟာ (၆) ထိန်းချုပ်နယ်မြေ၊ မြဝတီခရိုင်၊ ဝေါလေမြိုင်မြို့နယ်၊ ဥကရစ်ထကျေးရွာ၌တည်ရှိသော ဥကရစ်ထစစ်ကောင်စီခြေကုတ်စခန်းအား ပြည်သူ့ကာကွယ်ရေးတပ်မတော်၊ တောင်ပိုင်းတိုင်းစစ်ဌာနချုပ်လက်အောက်ရှိ မိမိတို့ ဆင်ဖြူစစ်ကြောင်းမှ (၂၆.၆.၂၀၂၂)ရက်နေ့၊ နံနက်အစောပိုင်းတွင် စတင်တိုက်ခိုက်ခဲ့ပါသည်။
KNU တပ်မဟာ (၆) ထိန်းချုပ်နယ်မြေတွင် အကြမ်းဖက်စစ်ကောင်စီတပ်များနှင့် တိုက်ပွဲများ ဆက်တိုက် ဖြစ်ပွားလျှက်ရှိရာတွင် မိမိတို့ ဆင်ဖြူစစ်ကြောင်းအနေဖြင့် လေးကေ့ကော်တိုက်ပွဲတွင် စစ်ကူအနေဖြင့် ပါဝင်တိုက်ခိုက်ခဲ့ခြင်းမှအစပြု၍ ဖလူးတိုက်ပွဲ၌ ဦးဆောင် တိုက်ပွဲဝင်ခဲ့ကာ အကြမ်းဖက်စစ်ကောင်စီစခန်းများဖြစ်သော မော်ခီးစခန်း၊ ဝေါလေ ရဲစခန်းတို့အား တိုက်ခိုက်သိမ်းပိုက်ပြီးနောက် ဥကရစ်ထစစ်ကောင်စီ ခြေကုတ်စခန်းအား ဆက်လက်တိုက်ခိုက်ခဲ့ခြင်း ဖြစ်ပါသည်။
KNDO အထူးကွန်မန်ဒိုတပ်ရင်း၊ စစ်ကြောင်းမှူး ဗိုလ်မှူးစောဝင်းမြင့် ဦးဆောင်သော ဆင်ဖြူစစ်ကြောင်းနှင့်Venom စစ်ကြောင်းတို့သည် (၂၂.၆.၂ဝ၂၂)ရက်နေ့၊ ည (၁ဝးဝဝ)နာရီအချိန်မှစ၍ မိမိတို့စခန်းမှ ဥကရစ်ထစစ်ကောင်စီခြေကုတ်စခန်းအား တိုက်ခိုက်ရန် ထွက်ခွာခဲ့ပြီး (၂၆.၆.၂ဝ၂၂)ရက်နေ့၊ နံနက် (၄းဝဝ) နာရီအချိန်တွင် ဥကရစ်ထစစ်ကောင်စီခြေကုတ်စခန်း အနားသို့ ရောက်ရှိကာ နံနက် (၅းဝဝ)နာရီအချိန်၌ တိုက်ပွဲစတင်ဖြစ်ပွားခဲ့ပါသည်။ ထွက်ခွာချိန်အချိန် (၃)ရက်ကြာမြင့်ခဲ့ပြီး မိမိတို့ရဲဘော်များသည် လမ်းခရီး၌ သတ်မှတ်နေရာများတွင် နားခို၍ သိုသိပ်စွာဖြင့် ခရီးဆက်ကာ စစ်ကောင်စီစခန်းအနီးသို့ ချဉ်းကပ်တိုက်ခိုက်ခဲ့ခြင်း ဖြစ်ပါသည်။
KNDO အထူးကွန်မန်ဒိုတပ်ရင်း၊ စစ်ကြောင်းမှူး ဗိုလ်မှူးစောဝင်းမြင့် ဦးဆောင်သော ဆင်ဖြူစစ်ကြောင်းနှင့်Venom စစ်ကြောင်းတို့သည် (၂၂.၆.၂၀၂၂)ရက်နေ့၊ ည (၁ဝးဝဝ)နာရီအချိန်မှစ၍ မိမိတို့စခန်းမှ ဥကရစ်ထစစ်ကောင်စီ ခြေကုတ်စခန်းအား တိုက်ခိုက်ရန် ထွက်ခွာခဲ့ပြီး (၂၆.၆.၂ဝ၂၂)ရက်နေ့၊ နံနက် (၄းဝဝ) နာရီအချိန်တွင် ဥကရစ်ထ စစ်ကောင်စီခြေကုတ်စခန်း အနားသို့ ရောက်ရှိကာ နံနက် (၅းဝဝ)နာရီအချိန်၌ တိုက်ပွဲစတင်ဖြစ်ပွားခဲ့ပါသည်။
ထွက်ခွာချိန်အချိန် (၃)ရက်ကြာမြင့်ခဲ့ပြီး မိမိတို့ရဲဘော်များသည် လမ်းခရီး၌ သတ်မှတ်နေရာများတွင်နားခို၍ သိုသိပ်စွာဖြင့် ခရီးဆက်ကာစစ်ကောင်စီစခန်းအနီးသို့ ချဉ်းကပ်တိုက်ခိုက်ခဲ့ခြင်း ဖြစ်ပါသည်။
စစ်ကောင်စီဘက်မှ စက်လက်များ၊ 40 mm များဖြင့် ပစ်ခက်ခဲ့ပြီး နှစ်ဖက်အပြန်အလှန်ပစ်ခက်တိုက်ခိုက်နေ့လည် (၁း၃၀)နာရီအချိန်တွင် မိမိတို့ဘက်မှ ထိခိုက်ကျဆုံးမှုရှိလာပြီး ကျည်နည်းပါးလာသည့်အတွက် မိမိ (ဆင်ဖြူစစ်ကြောင်း၊ KNDO အထူး ကွန်မန်ဒိုတပ်ရင်း၊တပ်ရင်းမှူး ဒုတိယဗိုလ်မှူးကြီးစောစလုံး) ထံသို့ တင်ပြရာတွင် နေ့လည်(၂းဝဝ)နာရီအချိန်တွင် KNDO မှ ဗိုလ်အယ်စေးဝါးတို့အဖွဲ့ စစ်ကူရောက်ရှိလာခဲ့ပါသည်။
ဆက်လက်ပြီး တိုက်ပွဲမှာပြင်းထန်လာခဲ့ပြီး ဥကရစ်ထစစ်ကောင်စီခြေကုတ်စခန်းမှနေ၍ ခုခံမှုကောင်းများ ရှိနေသည့်အတွက် ညသန်းခေါင်းအချိန်တွင် ဗိုလ်ဒါဘော ဦးဆောင်သည့် Cobra စစ်ကြောင်းမှ စစ်ကူထပ်မံရောက်ရှိကာ တိုက်ခိုက်ခဲ့ပါသည်။
ထိုသို့ စခန်းတစ်ခုလုံးအား သိမ်းပိုက်နိုင်ရန် ကြိုးပမ်းခဲ့ကြသော်လည်း ရန်သူ့ဘက်မှ စစ်ကူများ ထပ်မံရောက်ရှိလာခြင်း၊ ရဟတ်ယာဉ်များဖြင့် လက်နက်ကျည်ဆံများ လာရောက်ပို့ဆောင်ခြင်းများကြောင့် တိုက်ပွဲမှာဆက်လက်ပြင်းထန်နေခဲ့ပြီး မိမိတို့ဘက်မှ ထိခိုက်ကျ ဆုံးမှုများ၊ ဒဏ်ရာရသူများ တိုးလာပြီး ကျည်ဆံမလုံလောက်မှုများရှိလာပါသည်။
စစ်ကူလာရောက်သော Cobra စစ်ကြောင်း၌လည်း ကျဆုံးရဲဘော်များ ရှိလာပါသည်။ မိမိတို့ဘက်မှ ထိခိုက် ကျဆုံးမှုများရှိလာနေသော်လည်း ဆက်လက်တိုက်ခိုက်ခဲ့ပါသည်။ လိုအပ်မှုများအား ဖြည့်ဆည်းနိုင်ရန်အတွက် နောက်တန်းတွင်ကျန်ခဲ့သည့် ထောက်ပို့တပ်ဖွဲ့ဝင်များက ကြိုးစားခဲ့ကြပါသည်။
စစ်ကောင်စီခြေကုတ်စခန်းဘက်မှ အကျအဆုံးများပြားလွန်းလှသဖြင့် ရဟတ်ယာဉ်များ၊ တိုက်လေယာဉ်များဖြင့်အကြိမ်ရေများစွာ လာရောက်ပစ်ခက်ခြင်း၊ ဗုံးကြဲခြင်းများ ပြုလုပ်ခဲ့ရာတွင် ယနေ့အထိဆိုပါက (၁၂၅) ကြိမ်တိုင် ရှိခဲ့ပြီ ဖြစ်ပါသည်။ (၂၈.၆.၂ဝ၂၂)ရက်နေ့ကလည်း လူတစ်ရပ်ခန့်မြင့်မားသော ဗုံးများ ကြဲချခဲ့ပါသည်။ တိုက်ပွဲစချိန်ကတည်းက(၃)မိုင်ခန့်သာ ဝေးကွာသည့် ဝေါလေဗျူဟာကုန်းမှ 120 mm ဖြင့် ပစ်ကူပေးခြင်း၊ ရဟတ်ယာဉ်၊ တိုက်လေယာဉ်များဖြင့်လာရောက်ပစ်ခက်ဗုံးကြဲခြင်းများကြောင့် ထပ်မံ၍ ကျဆုံးမှုများ ရှိလာခဲ့ပါသည်။ ထို့အတူ စစ်ကောင်စီဘက်မှ စစ်ကူလာ
ရောက်သော တပ်မ (၄၄) စစ်ကြောင်းအား KNDO မှ ဗိုလ်အယ်စေးဝါးတို့အဖွဲ့နှင့် ပူးပေါင်းကာ အပြီးသတ် တိုက်ခိုက်ချေမှုန်းနိုင်ခဲ့ပါသည်။ သို့ရာတွင် တိုက်ပွဲရက် ကြာမြင့်လာသည်နှင့်အမျှ လက်နက်ခဲယမ်းလိုအပ်ချက်များလည်း ရှိလာခဲ့ပါသည်။
ဤအခြေအနေကို ကာကွယ်ရေးဝန်ကြီးဌာနသို့လည်း အစီရင်ခံတင်ပြထားရှိပြီး ဖြစ်ပါသည်။ တိုက်ပွဲကာလအတွင်းပြည်သူတို့၏ ပူးပေါင်းပါဝင်လှူဒါန်းမှုများကိုလည်း လက်ခံရရှိကာ လိုအပ်သော ကျည်များကို ဝယ်ယူအသုံးပြုခဲ့ပါသည်။ကူညီထောက်ပံ့လှူဒါန်းကြသော အလှူရှင်များအားလည်း ဂုဏ်ပြုမှတ်တမ်းလွှာများကို မိမိအနေဖြင့်လည်းကောင်း၊Unity PDF စခန်း တာဝန်ခံများအနေဖြင့်လည်းကောင်း ထုတ်ပေးလျှက်ရှိပါသည်။
လိုအပ်ချက်များအား ဝိုင်းဝန်းကူညီပံ့ပိုးမှသာလျှင် တော်လှန်ရေးခရီး အောင်မြင်မည်ဖြစ်ပြီး ယခုလက်ရှိ ဥကရစ်ထစစ်ကောင်စီခြေကုတ်စခန်းအားလည်းအမြန်ဆုံးတိုက်ခိုက်သိမ်းပိုက်နိုင်မည် ဖြစ်ပါသည်။
လက်ရှိအခြေအနေတွင်လည်း မြဝတီ-ဝေါလေလမ်းတလျှောက် စစ်ကောင်စီတပ်များ၏ အင်အားတိုးမြှင့်လှုပ်ရှားမှုများ ရှိနေပြီး တိုက်ပွဲကြီးများ ဆက်လက်ဖြစ်ပေါ်လာနိုင်ပါသည်။ ဆင်ဖြူစစ်ကြောင်းအနေဖြင့်လည်း KNU,KNLA, KNDO တို့ အပါအဝင် ရဲရင့်ပြောင်မြောက်စွာ တိုက်ပွဲဝင်လျှက်ရှိသော Cobra စစ်ကြောင်း၊ Venom စစ်ကြောင်းတို့နှင့် အခြားသော PDF တပ်ခွဲများနှင့်အတူ အကြမ်းဖက်စစ်ကောင်စီတပ်စခန်းများကို ဆက်လက်တိုက်ခိုက်သိမ်းပိုက်သွားမည် ဖြစ်ပါကြောင်းပြည်သူတရပ်လုံးအား အသိပေးတင်ပြအပ်ပါသည်။
သို့ဖြစ်ပါ၍ မိမိတို့ ဆင်ဖြူစစ်ကြောင်းအနေဖြင့် ဆက်လက်တိုက်ပွဲဝင်ရာတွင် … အမျိုးသားညီညွတ်ရေးအစိုးရနှင့်အတူ ပြည်သူတရပ်လုံး၏ ထိရောက်စွာ ပံ့ပိုးကူညီထောက်ပံ့မှုများက အဓိကကျလှပါသည်။ တိုက်ပွဲတစ်ခုဖော်ဆောင်ရာတွင် လိုအပ်ချက်များစွာရှိပြီး ၎င်းလိုအပ်ချက် များအတွက် မိမိတို့ ဆင်ဖြူစစ်ကြောင်း၊ KNDO အထူးကွန်မန်ဒိုတပ်ရင်းသို့ တိုက်ရိုက်ပံ့ပိုးကူညီလှူဒါန်းမည်ဆိုပါက မိမိထံသို့ လည်းကောင်း၊ Unity PDF စခန်း တာဝန်ခံများထံသို့ လည်းကောင်းဆက်သွယ်လှူဒါန်းနိုင်ပါကြောင်း အသိပေး တင်ပြအပ်ပါသည်။
ဒုတိယဗိုလ်မှူးကြီးစောစလုံး(တပ်ရင်းမှူး)
KNDOအထူးကွန်မန်ဒိုတပ်ရင်းဆင်ဖြူစစ်ကြောင်း၊ တောင်ပိုင်းတိုင်းစစ်ဌာနချုပ်
Red News Agency
RNA_ဇူလိုင် ၃၊၂၀၂၂ခုနှစ်။
စစ်ကိုင်းတိုင်း၊ ဝက်လက်မြို့နယ် မင်းရွာကို မီးရှို့ဖျက်ဆီးခဲ့သည့် စစ်ကောင်စီတပ်နှင့် အပါအပေါင်းအပါ အင်အား ၁၃၀ ကျော်ကို ဇူလိုင်လ ၃ ရက်နေ့က တိုက်ခိုက်ရာ ပြည်သူ့ကာကွယ်ရေးတပ်ဖွဲ့များက သူရဲကောင်း ၁၁ ဦး ကျဆုံးခဲ့ကြောင်း သိရသည်။
” အင်းအား ၁၃၀ ကျော် ခွေးစစ်ကြောင်းကို ကျွန်တော်တို့တောကြီးမြွေပွေးတပ်ဖွဲ့ အပါဝင်ပြည်သူ့ကာကွယ်ရေးတပ်ဖွဲ့တပ်ရင်းများ ပြောက်ကျား တပ်ဖွဲ့များ၊ ပ. က .ဖ များ တော်လှန်ရေးညီနောင်များနှင့် ပူးပေါင်းတိုက်ခိုက်ခဲ့ရာ သူရဲကောင်းရဲဘော် ( ၁၁ )ဦး ကျဆုံးခဲ့ပြီး ထိခိုက်မှုများပြား။ စစ်ခွေး (၂) ကောင်သေ” ဟု တောကြီးမြွေပွေးတပ်ဖွဲ့ က ထုတ်ပြန်ထားသည်။
ဒေသခံ ပြည်သူ့ကာကွယ်ရေး တပ်ဖွဲ့များ အနေဖြင့် စစ်ကောင်စီတပ်ကို တိုက်ခိုပ်လိုစိတ်၊ တော်လှန်လိုစိတ် အပြည့်ရှိသော်လည်း လက်နက်အင်အား မမျှသည့်အတွက် ရဲဘော်များ၏ တော်လှန်ရေးသွေးတွေ မြေခ အသက်ပေးနေရကြောင်း ထုတ်ပြန်ချက်တွင် ဖော်ပြထားသည်။
Red News Agency
RNA_ဇွန် ၃၀၊၂၀၂၂ ခုနှစ်။
ကျောင်းသား၊မိဘ၊ဆရာ အားလုံးစုပေါင်းထားသော “Ayeyarwaddy Federal School ” ဖွင့်ပွဲအခမ်းအနား ယနေ့ နံနက်ပိုင်းက Zoom ဖြင့် ကျင်းပခဲ့ရာမှာ သရုပ်ဆောင်နှင့် အဆိုတော် ချစ်သူဝေ တက်ရောက်ခဲ့ပြီး တော်လှန်ရေးမှာ ရုန်းကန်ရင်းနှင့် တော်လှန်ရေးဟာဘဝ၊ တော်လှန်ရေးဟာ အသက် စသဖြင့် ဆရာ ဆရာမများနှင့် ကျောင်းသားကျောင်းသူများ၊ မိဘများအတွက် အားပေးစကားများ ပြောကြားခဲ့သည်။
“ဒီတော်လှန်ရေးမှာ ရုန်းကန်ရင်းနဲ့ ဒီတော်လှန်ရေးဟာ ဘဝ၊ တော်လှန်ရေးဟာ အသက်၊ တော်လှန်ရေး အသိသတိနဲ့နိုးထ၊ တော်လှန်ရေး အသိသတိနဲ့ အိပ်စက် ရှင်သန်နေကြရတာပေါ့။ အဲဒီအတွက် ကိုယ်ပိုင်ဘဝတွေ ပျောက်ဆုံးနေတယ်” ဟု ချစ်သူဝေက ပြောကြားခဲ့သည်။
[embedyt] https://www.youtube.com/watch?v=UNuBUIfAxtY[/embedyt]
“Ayeyarwaddy Federal School” တွင် ပညာသင်ယူနေသည့် ကျောင်းသား ကျောင်းသူ ၃၀၀၀ ကျော်ရှိပြီး ဆရာ ဆရာမ ၁၅၀ ကျော်ဖြင့် ဖက်ဒရယ်ပညာရေးကို သင်ယူသင်ကြားလျှက်ရှိကြောင်း သိရသည်။
Red News Agency
RNA_ဇွန် ၃၀၊၂၀၂၂ခုနှစ်။
စစ်ကိုင်းတိုင်း၊ ပုလဲမြို့နယ်၊ ယင်းမာပင်မြို့နယ်၊ ကနီမြို့နယ်၊ မင်းကင်းမြို့နယ်၊ ဆားလင်းကြီးမြို့နယ်နှင့် မကွေးတိုင်း မြိုင်မြို့နယ်တို့တွင် တိုက်ပွဲများစွာ ဖော်ဆောင်ခဲ့သော တိုက်ခိုက်ရေးလှုပ်ရှားသူများက NUG ကာကွယ်ရေးဝန်ကြီးဌာန ( MOD) နှင့် လက်တွဲဆောင်ရွက်နိုင်ရေး လူငယ်သူရဲကောင်းတပ် ( YOUNG RANGERS FORCE-YRF ) ဖွဲ့စည်းကာ တိုက်ပွဲဝင်နေပြီဖြစ်ကြောင်း သိရသည်။
အညာမြေထူးပျောက်ကြားတပ်ဖွဲ့၊ ကျားသစ်နက်၊ Future Generation၊ PRA ခွဲ ၃၁ ၊မြိုင်PDF၊ နောက်မြောက်တိုင်း PDF တပ်ဖွဲ့ များနှင့်အတူ လူငယ်သူရဲကောင်းတပ် ( YOUNG RANGERS FORCE -YRF ) တို့က ဇွန်လ ၁၅ ရက်နေ့က မြိုင်မြို့နယ် ကန်နီကျေးရွာမှ စစ်ကောင်စီတပ်နှင့် ပျူစောထီးများကို တိုက်ခိုက်ခဲ့ကြသည်။
မကွေးတိုင်းမှာ မြို့သိမ်းတိုက်ပွဲ စခန်းသိမ်းတိုက်ပွဲတွေ လုပ်နိုင်ပေမဲ့ ဘာတွေလုပ်ဖို့လိုအပ်နေသလဲ၊ NUG ကာကွယ်ရေးဝန်ကြီးဌာနက ဘာတွေလုပ်ပေးဖို့လိုအပ်နေသလဲဆိုတဲ့ အခြေအနေတွေကို Red News Agency သတင်းဌာနက ရေစကြို PDF က တပ်ရင်းမှူး ဗိုလ်မှိုင်းတေဇကို ဆက်သွယ်မေးမြန်းထားသည်။
[embedyt] https://www.youtube.com/watch?v=Gb8ZrpoHSX8[/embedyt]
Red News Agency
အာဏာသိမ်းစစ်ကောင်စီက ဖမ်းဆီးထားပြီး သေဒဏ်အတည်ပြုထားသည့် ကိုဂျင်မီနှင့်ကိုဖြိုးဇေယျာ်သော်ပါအဝင် ၄ ဦးကို သေဒဏ်ကနေ လွတ်ငြိမ်းချမ်းသာခွင့်ပြုရမည်ဖြစ်သော်လည်း တကယ်စီရင်လိုက်ပါက မ မျှော်မှန်းနိုင်သည့် နစ်နာဆုံးရှုံးမှု၊ ပြင်းထန်ရက်စက်သည့် လက်တုန့်ပြန်မှုများ၊ ကမ္ဘာကြီးက လက်ခံမည်မဟုတ်ကြောင်း စသည်တို့ကို တရားလွှတ်တော်ရှေ့နေ ဦးကြီးမြင့်က ပြောထားသည်။
[embedyt] https://www.youtube.com/watch?v=U0m_YE6fZTo[/embedyt]
” စစ်ကောင်စီက ကျွန်တော်တို့ကို အမြစ်ဖြတ်ဖို့ မနှစ်ကတည်းက ကြိုးစားနေခဲ့တာ၊ သူတို့တွေ ထိထိရောက်ရောက်ဘာမှ မလုပ်နိုင်ဘူး၊ ကျွန်တော်တို့ တစ်နေ့ထက်တစ်နေ့ နေရာတွေ ထပ်တိုးပြီး တပ်တွေဖြန့်ထားနိုင်လာပါပြီ။ မကြာခင်လိုချင်တဲ့ အောင်ပွဲမျိုးကိုလည်း ယူဆောင်ဖို့ ကြိုးစားနေပါတယ်”
*****************************
အမျိုးသားညီညွတ်ရေးအစိုးရ (NUG) ကာကွယ်ရေးဝန်းကြီးဌာနလက်အောက် တပ်မဟာ (၇)၊ တပ်ရင်း ၇၀၃၊ ဒု-တပ်ရင်းမှူး ဗိုလ်မှူးသန့်ဇင်အောင်ကို နွေဦးတော်လှန်ရေးနှင့်ပတ်သက်ပြီး စစ်ရေး နိုင်ငံရေး အခြေအနေများကို Red News Agency သတင်းဌာနက မေးမြန်းထားတာ ဖြစ်ပါတယ်။
RNA ။ ဗိုလ်မှူးအနေနဲ့ စစ်အာဏာရှင်ကို လက်နက်ကိုင်တိုက်မှရမယ်ဆိုတဲ့ ယုံကြည်ချက်အပြည့်ရှိပါ့သလားခင်ဗျာ၊ လက်နက်ကိုင်တိုက်ပွဲက ဘယ်လောက်ရှည်ကြာနိုင်မလဲ လက်နက်ကိုင်တိုက်ပွဲရဲ့ အဆုံးသတ်က ဘယ်လိုဖြစ်မလဲ သိချင်ပါတယ်ခင်ဗျာ။
TZA ။ တော်လှန်ရေးတစ်ခုမှာ စစ်ရေးနဲ့ နိုင်ငံရေးမျှခြေရှိပါတယ်။ ဒီနှစ်ခုက ဆုံမှတ်ရောက်သွားရင် တော်လှန်ရေးက အောင်ကို အောင်ပါတယ်။ လက်နက်ကိုင်တိုက်ပွဲက ဘယ်လောက်ရှည်ကြာမလဲဆိုတာ ပြည်သူလူထုပါဝင်မှုအပေါ်မှာ အများကြီး မူတည်ပါတယ်။ ပြည်သူလူထုကိုယ်တိုင်က လက်နက်ကိုင်တော်လှန်ကို ရွေးချယ်ခဲ့တာ။ အခုချိန်ထိလည်း ပြည်သူလူထုကြီး တောင့်ခံပြီး အာဏာရှင်ကို တွန်းလှန်နေဆဲပါ။ ဒါကြောင့် ဒီတော်လှန်ရေးက နိုင်ကို နိုင်ရမယ်။
RNA_မတ်၂၂၊၂၀၂၂ခုနှစ်။
စစ်အာဏာရှင်စနစ်ကို လက်နက်ကိုင် တိုက်ပွဲဆင်နွှဲနေသည့် ကရင်ပြည်နယ်တနေရာမှာ NUG ကာကွယ်ရေးဝန်ကြီးဌာန တောင်ပိုင်းတိုင်းစစ်ဌာနချုပ်လက်အောက် ကျားဖြူတပ်ခွဲ (၁) မှ PDFရဲဘော် မောင်ထက်လင်း (ခ) စစ်နိုင် (ဆေးတပ်သား)သည် မတ်လ (၁၉) ရက်နေ့က ကျဆုံးခဲ့ကြောင်း ကျားဖြူတပ်ခွဲ (၁) သတင်းနှင့်ပြန်ကြားရေးအဖွဲ့က ယနေ့ ထုတ်ပြန်ထားသည်။
Red News Agency
RNA_မတ်၂၂၊၂၀၂၂ခုနှစ်။
နိုင်ငံရေးမတည်ငြိမ်ဖြစ်နေသည့်ကာလ အများ
ပြည်သူ စိတ်နှလုံးမသာမယာ ဖြစ်နေသည့် ယခုလိုကာလတွင်း လက်နက်နှင့် အုပ်ချုပ်နေရသည့် စစ် ကောင်စီက ရန်ကုန်တွင် သင်္ကြန်ကျင်းပရန် စီစဥ်နေသည်။
ကိုဗစ်ကြောင့် စီးပွားရေးလုပ်ငန်းများ ထိခိုက်မှုဖြစ်ပြီး စီးပွားရေးကျင်းနေချိန် ၊ပြည်သူ လူထု အလုပ်အကိုင်မဲ့ ဖြစ်နေချိန်တွင် စစ်ကောင်စီ အာဏာလုခဲ့သည့်အတွက် လူထုမှာ ကိုဗစ်ဘေးကော၊ ကိုစစ်ဘေးကော နေ့စဥ် ရင်ဆိုင်နေရပြီး နေ့စဥ် သောကရောက်နေကြရပြီး၊ မလုံခြုံမှုနှင့် စိုးရိမ်ထိန့်လန့်မှုများ နေ့စဥ် ကြုံတွေ့ခံရနေကြရသည်။
ထိုအခြေအနေတွင် စစ်ကောင်စီက နဂိုပုံမှန်အခြေအနေ ပြန်ရောက်ပြီပြသရန်၊ အုပ်ချုပ်ရေး အာဏာသက်ရောက်ပြီဆိုသော အဖြစ်ကို ပြသရန် သင်္ကြန်ပွဲကျင်းပနိုင်ရေးပြင်ဆင်မှုများ ပြုလုပ်နေကြောင်း သိရသည်။ (more…)