Editor

09 Apr

စစ်ကောင်စီပြုလုပ်မည့် သင်္ကြန် ပြည်သူများ ဆန့်ကျင်စေရန် ဗဟိုမဏ္ဍပ်ကို အသံမိုင်းခွဲ သတိပေး

Editorသတင်းတော်လှန်သင်္ကြန်, နွေဦးတော်လှန်ရေး, ပေါင်းတည်, ပဲခူးတိုင်း, ပြည်ခရိုင်, သင်္ကြန်ပွဲတော်

RNA_ဧပြီ(၉)၊၂၀၂၃ ခုနှစ်။ ပြည်သူများ ပျော်ရွှင်‌နေပြီး စည်ကားသိုက်မြိုက်စွာ ပါဝင်ဆင်နွှဲနေသည်ဟု အကြောင်းပြရန် စစ်ကောင်စီ ပြုလုပ်မည် သင်္ကြန်ပွဲတော်တွင် ပြည်သူများ ပူးပေါင်းပါဝင်မှု မပြုလုပ်ကြရန်နှင့် ဆန့်ကျင်သပိတ်မှောက်ရန် ဗဟိုမဏ္ဍပ်ကို အသံမိုင်းခွဲ သတိပေးလိုက်ကြောင်း Bago Region PDF ကထုတ်ပြန်ထားသည်။ ပဲခူးတိုင်း၊ ပြည်ခရိုင်၊ ပေါင်းတည်မြို့နယ်တွင် အကြမ်း ဖက်စစ်ကောင်စီက ၎င်းတို့၏အကျိုးစီးပွားအတွက် ဟန်ပြကျင်းပမည့် သင်္ကြန်ပွဲ‌တော်အား သပိ‌တ်မှောက်ဆန့်ကျင်ကြရန် တိုက်တွန်းသည့်အနေဖြင့် ပေါင်းတည်မြို့နယ်ပကဖ (နွေဦးအဖွဲ့)က ဗဟိုမဏ္ဍပ်ကို ယနေ့ နံနက် (၅) နာရီခန့်က အသံမိုင်းခွဲ၍ သတိပေးထားသည်။ (more…)

08 Apr

စစ်ကောင်စီတပ် ဂိတ်စခန်း တိုက်ခိုက်ခံရပြီး (၇) ဦးသေ

Editorရုပ်သံ, သတင်းABSDF, KIA, KPDF, Red News Agency, ကျောက်မဲ, စစ်ကောင်စီတပ်ကျဆုံး, နွေဦးတော်လှန်ရေး, ပြင်ဦးလွင်, မိုးကုတ်, မိုးမိတ်, ရှမ်းမြောက်, ရှမ်းမြောက်ဒေသ မဟာမိတ်တပ်ပေါင်းစု

RNA_ဧပြီ(၈)၊၂၀၂၃ ခုနှစ်။ မန္တလေးတိုင်း၊ မိုးကုတ်မြို့နယ်၊ မိုးကုတ်- ပြင်ဦးလွင် - ကျောက်မဲ ဆက်သွယ်ရေး လမ်းမပေါ်ရှိ စစ်ကောင်စီတပ်နှင့် ရဲများအထိုင်ချသည့် လယ်ကြီးဂိတ်စခန်းကို KIA နှင့် ပူးပေါင်းများဟာမိတ်များ သွားရောက် တိုက်ခိုက်ရာ စစ်ကောင်စီတပ်နှင့်ရဲ (၇) ဦးသေဆုံးပြီး (၇) ဦးထက်မနည်း ဒဏ်ရာရရှိသွားကြောင်း သိရသည်။ KIA၊ K- PDF ( Kachin Region )၊ PDF( NUG )၊ ကျောင်းသားတပ်မတော်( A.B.S.D.F )၊ ရှမ်းမြောက်ဒေသ မဟာမိတ်တပ်ပေါင်းစုတို့မှ ပူးပေါင်းစစ်ဆင်ရေးအဖြစ် ဧပြီလ (၇) ရက်နေ့ နံနက် (၇) နာရီ (၄၀) မိနစ်ဝန်းကျင်က လယ်ကြီး…

08 Apr

ယနေ့ ရွှေကုက္ကို တိုက်ပွဲတွင် ရန်ကုန် အနောက်ပိုင်းတက္ကသိုလ်ကျောင်းသား စောသန့်အေဗယ် ကျဆုံး

Editorသတင်းLion Battalion Commando, Myanmar Student Christian Movement, ကရင်ပြည်နယ်, နွေဦးတော်လှန်ရေး, မြဝတီမြို့နယ်, ရန်ကုန်တက္ကသိုလ်, ရဲဘော်စောသန့်အေဗယ်, ရွှေကုက္ကို, အနောက်ပိုင်းတက္ကသိုလ်

RNA_ဧပြီ(၈)၊၂၀၂၃ ခုနှစ်။ ကရင်ပြည်နယ်၊ မြဝတီမြို့နယ်၊ စစ်ကောင်စီတပ်နှင့် BGF ထိန်းချုပ်နယ်မြေ ရွှေကုက္ကို မြို့သစ်ကို တော်လှန်ရေး အင်အားစုများ ယနေ့ဝင်တိုက်ခိုက်ရာ နှစ်ဖက်အကျအဆုံးရှိပြီး တော်လှန်ရေးတပ်ဖွဲ့ဖက်မှ ရန်ကုန် အနောက်ပိုင်းတက္ကသိုလ် ကျောင်းသား ရဲဘော်စောသန့်အေဗယ် ကျဆုံးသည့်အထဲ ပါဝင်ခဲ့ကြောင်း သိရသည်။ "ဒီနေ့ ရွှေကုက္ကို ဝင်တိုက်ကျတယ်၊ နှစ်ဖက်အကျအဆုံးရှိတယ်၊ စစ်ကောင်စီဘက်က အသေတော့ များတယ်၊ မနက်ပိုင်းမှာပဲ ရဲဘော်စောသန့်အေဗယ်တို့ရှေ့ လက်နက်ကြီးကျတာ အဲမှာတင် နှစ်ယောက် အနည်းဆုံးကျသွားတယ်လို့ သိရတယ်၊ ကျနော်တို့နဲ့ လုပ်ဖော်ကိုင်ဘက် ရဲဘော်ပါ တော်တော်စိတ်မကောင်း ဖြစ်ရတယ်ဗျာ " ဟု ရဲဘော်စောသန့်အေဗယ်၏ မိတ်ဆွေ ရဲဘော်တဦးက Red News Agency ကိုပြောသည်။ (more…)

08 Apr

ဒီးမော့ဆို အရှေ့ခြမ်း တိုက်ပွဲ (၂) ရက်အတွင်း စစ်ကောင်စီတပ်မှ (၁၀) ဦးကျော်သေဆုံး

Editorကြေငြာချက်, သတင်းKarenni, Karinni Army, KNDF, ကယားပြည်နယ်, စစ်ကောင်စီတပ်ကျဆုံး, တိုက်ပွဲပြင်းထန်, ဒီမော့ဆို

RNA_ဧပြီ(၈)၊၂၀၂၃ ခုနှစ်။ ကရင်နီပြည်နယ် ၊ ဒီးမော့ဆိုအရှေ့ဖက်ခြမ်းရှိ တနီးလာလဲကျေးရွာ၏ အရှေ့ဖက် တောင်ပေါ် တစ်ကြောတွင် စစ်ကြောင်းထိုးလှုပ်ရှားနေသော စစ်ကောင်စီတပ်ဖွဲ့နှင့် ကရင်နီတပ်မတော် (KA)၊ KNDF ပူးပေါင်းတပ်များအကြား ဧပြီလ (၄)ရက်နှင့် (၅)ရက်နေ့ တိုက်ပွဲတွင် စစ်ကောင်စီတပ်မှ (၁၀) ဦးကျော်သေဆုံးပြီး၊ လက်နက်ခဲယမ်းများကို သိမ်းဆည်းရမိကြောင်း သိရသည်။ "ထိတွေ့တိုက်ပွဲအတွင်း စစ်ကောင်စီဖက်မှ (၁၀)ဦးကျော်သေဆုံးကာ ထိခိုက်ဒဏ်ရာရရှိသူများပြားပြီး စစ်ကောင်စီ၏ စစ်ကြောင်းထိုးနေသော တပ်ရင်းများထဲမှ ခမရ (၅၁၇) တပ်ရင်း အမှတ်တံဆိပ်ပါ MA-1 သေနတ် (၂)လက် ၊ MA-3 သေနတ် (၁)လက် နှင့် ကျည်ဆံများ ၊ ဆက်စပ် ခဲယမ်းမီးကျောက်များ၊ အသုံးအဆောင်ပစ္စည်း အချို့တို့…

08 Apr

ရှရှား၊ တရုတ်နှင့် မြောက်ကိုရီယားနိုင်ငံတို့မှ စစ်လက်နက်ထုတ်လုပ်ရေးပညာရှင်များရောက်ရှိနေချိန် ရှော့တိုက်ဒုံးဖြင့် ပစ်ခတ်တိုက်ခိုက်

Editorသတင်းKey of Revolution, People's Revolution Alliance ( PRA - Magway), မကွေးတိုင်, မကွေးတောင်ပိုင်းပြည်သူ့ကာကွယ်ရေးတပ်ဖွဲ့ (SMPDF), မင်းလှမြို့နယ်, အထက်မင်းလှပြည်သူ့ကာကွယ်ရေးတပ်ဖွဲ့ (အထက်မင်းလှ ပ.က.ဖ), အရှိုချင်းကာကွယ်ရေးတပ်

RNA_ဧပြီ(၈)၊၂၀၂၃ ခုနှစ်။ မကွေးတိုင်း၊ မင်းလှမြို့နယ်၊ အမှတ် (၁၀) ကာကွယ်ရေးပစ္စည်းစက်ရုံတွင် ရှရှား၊ တရုတ်နှင့် မြောက်ကိုရီယားနိုင်ငံတို့မှ စစ်လက်နက်ထုတ်လုပ်ရေးပညာရှင်များရောက်ရှိနေချိန် ရှော့တိုက်ဒုံးဖြင့် ပစ်ခတ်တိုက်ခိုက်ခဲ့ကြောင်း People's Revolution Alliance (PRA-Magway) ကယနေ့ ထုတ်ပြန်ထားသည်။ မင်းလှမြို့နယ်၊ အမှတ် (၁၀) ကာကွယ်ရေးပစ္စည်းစက်ရုံကို ၁၀၇ မမ ရှော့တိုက်ဒုံး (၂) လုံးဖြင့် People's Revolution Alliance (PRA-Magway)၊ အထက်မင်းလှပြည်သူ့ကာကွယ်ရေးတပ်ဖွဲ့ (အထက်မင်းလှ ပ.က.ဖ)၊ မကွေးတောင်ပိုင်းပြည်သူ့ကာကွယ်ရေးတပ်ဖွဲ့ (SMPDF)နှင့် အရှိုချင်းကာကွယ်ရေးတပ်၊ Key of Revolution ပြောက်ကျားတပ်တို့ ပူးပေါင်းပါဝင်ပြီး ယမန်နေ့က ပစ်ခတ်တိုက်ခိုက်ခဲ့ကြောင်း၊ ပစ်ခတ်မှုအတွင်း စက်ရုံအဆောက်အဦ မီးလောင်ပျက်စီးခဲ့ပြီး…

08 Apr

ကယား (ကရင်နီ)တော်လှန်ရေးတပ်ပေါင်းစု ရှေ့လုပ်ငန်းစဉ်များကို ဥက္ကဌပြောကြား

Editorရုပ်သံ, သတင်းKarenni Revolution Union - KRU, ကယားပြည်နယ်, ကရင်နီပြည်, တပ်ပေါင်းစု, နွေဦးတော်လှန်ရေး

RNA_ဧပြီ(၈)၊၂၀၂၃ ခုနှစ်။ ကယား(ကရင်နီ)တော်လှန်ရေးတပ်ပေါင်းစု- Karenni Revolution Union - KRU ၏ ဖြတ်သန်းခဲ့ပုံ အဆင့်ဆင့် ၊ တပ်ရင်းဖွဲ့စည်းဖြစ်ပုံနှင့် ရှေ့လုပ်ငန်းစဉ်များကို KRU တပ်ပေါင်းစု ဥက္ကဌ ဦးကျော်ထက်မှ ယနေ့ ပြောကြားထားသည်။ Karenni Revolution Union (KRU) သည် ၂၀၂၃ ခုနှစ် ဧပြီလ (၇) ရက်နေ့က တပ်တည်ထောင်ခြင်း (၁) နှစ်ပြည့်မြောက်ခဲ့ပြီဖြစ်ကြောင်း၊ ကွဲပြားနေသော တော်လှန်ရေး အင်အားစု များကို ပေါင်းစည်း၍ တစ်သွေးတစ်သံ တစ်မိန့်တည်းအောက်တွင် စစ်ရေးများဖော်ဆောင်ရန်နှင့် လက်နက်အင်အား လူအင်အား ပိုမိုတောင့်တင်းနိုင်ရေးရည်ရွယ်ကာ ဖွဲ့စည်းတည်ထောင်ခြင်းဖြစ်ကြောင်း၊ ထပ်မံ၍ တပ်ပေါင်းစု အသွင်‌သဏ္ဍန်မှ KRU တပ်ရင်းသဏ္ဍန်…

07 Apr

သိက္ခာတော်ရ ဒေါက်တာခလမ်ဆမ်ဆွန်ကို စစ်ကောင်စီက ထောင်ဒဏ် (၆) နှစ်ချမှတ်

Editorသတင်းGood Friday, ကချင်နှစ်ခြင်းခရစ်ယာန်အဖွဲ့ချုပ်(KBC), ကချင်ပြည်နယ်, မြစ်ကြီးနား, သိက္ခာတော်ရ ဆရာတော်ဒေါက်တာခလမ်ဆမ်ဆွန်

RNA_ဧပြီ(၇)၊၂၀၂၃ ခုနှစ်။ မြစ်ကြီးနားထောင်တွင် မတရားဖမ်းဆီးချုပ်နှေင်ခံထားရသည့် ကချင်နှစ်ခြင်းခရစ်ယာအဖွဲ့ချုပ် - KBC အကြံပေး သိက္ခာတော်ရ ဆရာတော် ဒေါက်တာ ခလမ်ဆမ်ဆွန်ကို စစ်ကောင်စီလက်အောက်ခံတရားရုံးမှ ယနေ့ ထောင်ဒဏ် (၆) နှစ် ချမှတ်လိုက်ကြောင်း မိသားစုဝင်များနှင့် နီးစပ်သူထံမှ သိရသည်။ အမိန့်ချမှတ်ခဲ့သော ယနေ့သည် ခရစ်ယာန်ဘာသာဝင်များအတွက် နေ့ထူးနေ့မြတ်ဖြစ်သည့် မဟာသောကြာကြီး (Good Friday) နေ့ဖြစ်ကြောင်း၊ သခင်ခရစ်တော်ကို မတရား ကားစင်တင်ခံရန် အမိန့်ချသည့်နေ့မှာသိက္ခာ တော်ရဆရာတော် ဒေါက်တာခလမ်ဆမ်ဆွန်ကို ထောင်ဒဏ်ချမှတ်သည်မှာ စစ်ကောင်စီ၏ ဘာသာရေးနှင့်လူမျိုးရေး အငြိုးအတေးဖြစ်ကြောင်း ခရစ်ယာန်ဘာသာဝင်တဦးက ပြောသည်။ (more…)

07 Apr

ကြမ်းဖက်ဖြိုခွင်းခံရမှုအတွင်း ကိုယ်အင်္ဂါချို့ယွင်းခဲ့ရသည့် ကိုလျှံဖြိုးအောင် ထောင်မှပြန်လွတ်

Editorသတင်းဆန္ဒပြမှုမကွေး, နွေဦးတော်လှန်ရေး, မကွေးတိုင်, မတ်လ ၂၇ ရက်

RNA_ဧပြီ(၇)၊၂၀၂၃ ခုနှစ်။ စစ်တပ်အာဏာသိမ်းမှုကို ဆန့်ကျင်သည့် ငြိမ်းချမ်းစွာဆန္ဒပြစဉ် အကြမ်းဖက်ဖြိုခွင်းခံရမှုအတွင်း ကိုယ်အင်္ဂါ ချို့ယွင်းခဲ့ရသည့် မကွေး နည်းပညာတက္ကသိုလ်၊ မြို့ပြ အင်ဂျင်နီယာဘာသာရပ်၊ ဒုတိယနှစ်ကျောင်းသား ကိုလျှံဖြိုးအောင် ယနေ့ မကွေးထောင်မှ ပြန်လည်လွတ်မြောက်လာပြီဖြစ်ကြောင်း သိရသည်။ စစ်အာဏာသိမ်းမှုကို ငြိမ်းချမ်းစွာဆန္ဒပြစဉ်အကြမ်းဖက် ဖြိုခွင်းမှုအတွင်း တစ်နိုင်ငံလုံး အတိုင်းအတာဖြင့် (၁၀၀) ဝန်းကျင်အထိ သေဆုံးခဲ့ရသည့် ၂၀၂၁ ခုနှစ် မတ် ၂၇ ရက်က မကွေးမြို့တွင် ကိုလျံဖြိုးအောင် ဒဏ်ရာရရှိကာ မျက်လုံးတဖက်နှင့် ညာဘက်လက် ဆုံးရှုံးခဲ့ရပြီး ခြေထောက်တွင်လည်း ဒဏ်ရာများ ရရှိခဲ့သည်။ (more…)

07 Apr

လက်နက်ကြီးများထုတ်လုပ်ကာ မဟာမိတ်များနှင့် မျှဝေပြီး တိုက်ပွဲဝင်နေသည့် Golden Eagle Defence Force

Editorရုပ်သံ, သတင်း, အင်တာဗျူးGolden Eagle Defence Force, PDF, Red News Agency, စစ်ကိုင်းတိုင်း, နွေဦးတော်လှန်ရေး

RNA_ဧပြီ(၇)၊၂၀၂၃ ခုနှစ်။ သေနတ်အစစ်များရှားပါးနေသည့် စစ်ကိုင်းတိုင်းအတွင်းမှ ပြည်သူ့ကာကွယ်ရေးတပ်ဖွဲ့များသည် လက်လုပ် လက်နက်ကြီးများကို အားကိုးအားထားပြုတိုက်ခိုက်နေရသည့်အတွက် လက်နက်ကြီးများ ထုတ်လုပ်နေသည့် Golden Eagle Defence Force ခေါင်းဆောင် ကိုသိမ်းငှက်ကို Red News Agency က မေးမြန်းထားသည်။ စစ်ကိုင်းတိုင်းအခြေစိုက် တော်လှန်ရေးတပ်ဖွဲ့တစ်ခုဖြစ်သည့် Golden Eagle Defence Force တပ်ဖွဲ့သည် လက်နက်ကြီးများ ထုတ်လုပ်ကာ စစ်ကောင်စီတပ်ကို မဟာမိတ်များနှင့်ပူးပေါင်းပြီး တိုက်ခိုက်နေကြကြောင်း၊ မဟာမိတ်များနှင့်အတူ တိုက်ပွဲများတွင် အနီးကပ် ပစ်ခတ်မှုများထက် မိုင်းဆွဲခြင်း၊ လက်လုပ်နက်ကြီးများဖြင့် ပစ်ခတ်ခြင်းများကိုသာ အဓိကထားတိုက်ခိုက်နေရကြောင်း၊ လက်နက်အစစ်များလည်း လိုအပ်နေကြောင်း သိရသည်။ (more…)

07 Apr

ဆယ်ဇင်း‌ကျေးရွာအနီးတိုက်ပွဲတွင် PDF ရဲဘော် ၁ ဦးနှင့် KIAရဲဘော် ၂ ဦးကျဆုံး

Editorသတင်းKIA, PDF, ဆယ်ဇင်းကျေးရွာ, နွေဦးတော်လှန်ရေး, ဖားကန့်မြို့နယ်

RNA_ဖားကန့်၊ဧပြီ(၇)၊၂၀၂၃ ခုနှစ်။ ကချင်ပြည်နယ်၊ ဖားကန့်မြို့နယ်၊ ဆယ်ဇင်းကျေးရွာနှင့် စစ်ကိုင်းတိုင်းဒေသကြီး၊ မြေမြင့်ရွာအနီး အကြမ်းဖက် စစ်ကောင်စီတပ်နှင့် တိုက်ပွဲအတွင်း PDF ရဲဘော် ၁ ဦးနှင့် KIA ရဲဘော် ၂ ဦးကျဆုံးခဲ့ရကြောင်း သိရသည်။ ဆယ်ဇင်းကျေးရွာနှင့် မြေမြင့်ကျေးရွာအနီးတွင် စစ်ကောင်စီတပ်နှင့် လက်အောက်ခံများကို KIA နှင့် PDF တို့ ပူးပေါင်းပြီး ဧပြီလ (၆) ရက်နေ့က တိုက်ပွဲပြင်းထန်ခဲ့ကြောင်း၊ ကျဆုံးခဲ့ရသည့် PDF ရဲဘော် (ကိုရဲ) သည် ဖားကန့်၌ နွေဦးတော်လှန်ရေးအတွက် လက်နက်ကိုင်လမ်းစဉ်ကို စတင်ရာတွင် အစောဆုံးအုပ်စုထဲတွင် တက်ကြွစွာပါဝင်ခဲ့သူတစ်ဦးဖြစ်ကြောင်း တော်လှန်ရေးသတင်းရင်းမြစ်မျာထံမှ သိရသည်။ (more…)