အောင်ဘာလေထီ တစ်လ ၁ ကြိမ် ထီဖွင့်စနစ်အစား နှစ်လ ၁ ကြိမ် ထီဖွင့်စနစ် ပြောင်းလဲ

နေပြည်တော်၊ မေ ၁၂ ရက်။

အောင်ဘာလေထီ ထိုးသူမရှိ၍ ယခင် တစ်လလျှင် ၁ ကြိမ်ဖွင့်လှစ်နေရာမှာ ယခုအခါ နှစ်လလျှင် ၁ ကြိမ် ဖွင့်လှစ်သည့် စနစ်သို့ ပြောင်းလဲထားကြောင်း တရားဝင်သတင်းထုတ်ပြန်ထားသည်။

စစ်အာဏာရှင် ယန္တယားလည်ပတလ်မှုမရှိအောင် ပြည်သူများကလည်း ပူးပေါင်းဆောင်ရွက်မှုမလုပ်ရာတွင် ထီထိုးခြင်း၊ ဘဏ်များတွင် ငွေမအပ်ခြင်း၊ စစ်ကောင်စီ ရုံးများနှင့် အဆက်အဆံမလုပ်ခြင်း စသည်တို့ပြုလုပ်ကာ အာဏာသိမ်း စစ်ကောင်စီကို ဆန့်ပျင်နေကြသည်။

၂၇ ကြိမ်မြောက် ထီဖွင့်လှစ်ရက်ကို မေလ ၁ ရက်နေ့အစား ဇွန်လ ၁ ရက်နေ့တွင်လည်းကောင်း၊ ၂၈ ကြိမ်မြောက် ထီဖွင့်လှစ်ရက်ကို ဇွန်လ ၁ ရက်နေ့အစား ဇူလိုင်လ ၁ ရက်နေ့ တွင်လည်းကောင်း အသီးသီး ပြောင်း လဲ ဖွင့်လှစ်မည်ဟု ကြေညာချက်ထုတ်ပြန်ထားသည်။

အာဏာသိမ်းစစ်ကောင်စီ ယန္တယားသည် ယခင်အစိုးရလက်ထက်လို တည်ငြိမ်အောင်ထိန်းနိုင်စွမ်းမရှိကြောင်း၊ အာဏာသိမ်းအပြီး ရက် ၁၀၀ ကျော်အထိ အုပ်ချုပ်ရေး၊ စီးပွားရေး၊ ကျန်းမာရေး၊ ပညာရေးစသည်တို့မှာ ပိုမိုဆိုးရွားလာကြောင်း၊ မြန်မာပြည်သူများမှာ စစ်အာဏာရှင် လက်အောက်မနေလိုသည့်အတွက် နည်းမျိုးစုံဖြင့် စစ်အာဏာရှင် ဒေါက်တိုင်များကို ဖြိုချနေကြသည်။

Red News Agency