RNA- အောက်တိုဘာ ၁၅ ရက်၊ ၂၀၂၁ ခုနှစ်။
တပ်မတော်၏ ဂုဏ်သိက္ခာကျဆင်းမှုကို ကယ်တင်သည့်အနေဖြင့် တပ်မတော်က နိုင်ငံရေးတွင်ပါဝင်နေမှုမှ နှုတ်ထွက်ကြောင်း ကြေငြာရန် ယနေ့ ( အောက်တိုဘာလ ၁၅ ရက်) နံနက်ပိုင်းက KNU က ကြေညာချက်ထုတ်ကာ တောင်းဆိုလိုက်သည်။
ကရင်အမျိုးသားအစည်းအရုံး – KNU သည် ရေရှည်တည်တံ့ခိုင်မြဲသော ငြိမ်းချမ်းရေး တည်ဆောက်ရေးမျှော်မှန်းကာ NCA ( တနိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် – Nationwide Ceasefire Agreement) လက်မှတ်ရေးထိုးခဲ့သည်မှာ ယနေ့ (၆) နှစ်ပြည့်နေ့တွင် အထက်ပါအတိုင်း ထုတ်ပြန်ကြေညာခဲ့သည်။
လက်ရှိ ဆိုးဝါးနေသည့် နိုင်ငံရေးအခြေအနေအား ကယ်တင်နိုင်ရန်အတွက် စစ်အာဏာသိမ်းပြီးနောက်ပိုင်း ဖမ်းဆီးခံထားရသူများအားလုံးကို ခြွင်းချက်မရှိ အမြန်ဆုံးလွှတ်ပေးရန်၊ နိုင်ငံတဝှမ်းဖြန့်ကျက်ထားသည့် ရဲနှင့်စစ်ဘက်ဆိုင်ရာတပ်ဖွဲ့များ သက်ဆိုင်ရာ အခြေစိုက်စခန်းများသို့ ပြန်လည်ရုပ်သိမ်းရန်နှင့် တနိုင်ငံလုံး အပစ်အခတ်ရပ်စဲကြောင်း ကြေငြာရန်၊ တပ်မတော်၏ ဂုဏ်သိက္ခာ ကျဆင်းမှုကို ကယ်တင်သည့်အနေဖြင့် တပ်မတော်မှ ဖက်ဒရယ်ဒီမိုကရေစီနိုင်ငံထူထောင်ရေး ကတိကဝတ်ပြုမှုကို တရားဝင်ကြေငြာချက်ထုတ်ပြန်ရန်နှင့် နိုင်ငံရေးတွင် ပါဝသ်နေမှုမှ နှုတ်ထွက်ကြောင်း ကြေငြာရန် စသည့်အချက်များကို KNU က ထုတ်ပြန်တောင်းဆိုလိုက်သည်။
မြန်မာနိုင်ငံတွင် ငြိမ်းချမ်းသောလူ့ဘောင် တည်ဆောက်မည်ဆိုပါက ဘာသာရေးနှင့် လူမျိုးရေးဆိုင်ရာ စုံလင်ကွဲပြားမှုနှင့် နက်ရှိုင်းစွာဖြဂ့် လွဲမှားစွာ တည်ဆောင်ခြင်း ခံခဲ့ရသော လူမျိုးကြီးဝါဒနှင့် စစ်အာဏာရှင်စနစ်အပါအဝင် အာဏာရှင်စနစ်အမျိုးမျိုးကို ဖက်ဒရယ်နိုင်ငံထူထောင်ပြီး ဒီမိုကရေစီစနစ်ကျင့်စဉ်များလက်တွေ့ကျင့်သုံးရမည်ဟု KNU က ထုတ်ပြန်ထားသည်။
Red News Agency