RNA_မတ်(၂၉)၊၂၀၂၄ ခုနှစ်။
ရခိုင်ပြည်နယ် အမ်းမြို့နယ်နှင့် မကွေးတိုင်း ငဖဲမြို့နယ်အတွင်း အကြမ်းဖက် စစ်ကောင်စီတပ်ကို ရက္ခိုင့်တပ်တော် – AA နှင့် မဟာမိတ် ပူးပေါင်းတပ်ဖွဲ့များက တိုက်ခိုက်ကြရာ စစ်ကောင်စီတပ်မှ ၂၅ ဦးကျော် သေဆုံးကြောင်း သိရသည်။
အနောက်ပိုင်းတိုင်းစစ်ဌာနချုပ် တည်ရှိရာ ရက္ခိုင်ပြည်၊ အမ်းမြို့နယ်၊ လုံးကျေးရွာ၏ အနောက်ဘက် မီတာ (၁၄၀၀) ခန့်အကွာတွင် ရက္ခိုင့်တပ်တော် နှင့် အကြမ်းဖက်စစ်ကောင်စီတို့ မတ်လ ၂၆ ရက်နေ့တိုက်ပွဲ၌ စစ်ကောင်စီတပ်မှ (၁၅) ဦးခန့် သေဆုံးကြောင်း AAကထုတ်ပြန်ထားသည်။
RNA_ဖေဖော်ဝါရီ(၁၉)၊၂၀၂၄ ခုနှစ်။
“ကျွန်တော်အမြင်ပြောရမယ်ဆိုရင် စကစရဲ့ဘဝက ဆုပ်လဲစူး စားလဲရူးဆိုတဲ့ ဘဝရောက်နေပြီ။ သေချာတခုကတော့ ဒီကောင်စစ်ရှုံးနေပြီ စစ်ရှုံးတဲ့ အရသာကို သူတို့ခံစားဖူးပြီ စစ်ရှုံးတဲ့အရသာ သိပ်ကိုကြောက်စရာကောင်းပါတယ်” စသဖြင့် အညာရဲ့တော်လှန်ရေးအခြေအနေနှင့် လက်တလောအနေအထားများကို Myingyan Black Tiger တပ်ဖွဲ့ခေါင်းဆောင် ဗိုလ်မိုက်ခဲက ပြောကြားထားသည်။
[embedyt] https://www.youtube.com/watch?v=8rwS5ebkSbM[/embedyt]
Red News Agency
RNA_ဖေဖော်ဝါရီ(၉)၊၂၀၂၄ခုနှစ်။
YDF ရဲဘော်နှစ်ဦးကို အကြမ်းဖက်စစ်ကောင်စီက မီးရှို့သတ်ဖြတ်ခဲ့သော်လည်း စစ်ကောင်စီနှင့်အတူ လော်ဘီများက ဖုံးကွယ် (ငြင်းဆို) ရန်ကြိုးစားနေသည့်အတွက် ဗမာ့ရေးရာနှင့် ပဋိပက္ခလေ့လာရေးအဖွဲ့ – BACS က အချက်အလက်များနှင့်တကွ ထုတ်ဖော်ထားသည်။
မကွေးတိုင်း၊ ဂန့်ဂေါနယ်၊ မြောက်ခင်ရန်းရွာ၊ ရွာမြောက်ဘက်အထွက်၊ ဆေးရုံရှေ့က ကုက္ကိုလ်ပင်မှာ YDF ရဲဘော် (၂) ဦးဖြစ်သည့် ရဲဘော် ဖိုးတေနှင့် ရဲဘော် သားထောင်တို့ (၂) ဦးကို စစ်ကောင်စီတပ်နှင့်လက်အောက်ခံ (ပျူ) များက ၂၀၂၃ ခုနှစ်၊ နိုဝင်ဘာလ(၇) ရက်နေ့က နှိပ်စက်ပြီး အရှင်လတ်လတ် မီးရှို့သတ်ဖြတ်ခဲ့ခြင်းဖြစ်သည်။
မီးရှို့သတ်ဖြတ်သည့် ရုပ်သံကြည့်ရန် >>>> နှလုံးရောဂါရှိသူများ၊ အသက်ငယ်သူများနှင့် ကျန်းမာရေးမကောင်းသူများ အရှင်လတ်လတ်မီးရှို့နေခြင်းဖြစ်သည့် အကြည့်ကြပါရန် အထူး မေတ္တာရပ်ခံအပ်ပါသည်။
RNA_ဇန်နဝါရီ(၁၉)၊၂၀၂၄ခုနှစ်။
မကွေးတိုင်း၊ ရေစကြိုမြို့အတွင်း စစ်ကောင်စီတပ်သားများ စခန်းချထားသည့် စုပေါင်းရုံး (ထွေအုပ်ရုံး) နှင့် ငြိမ်းဇာနည် ( စစ်မှုထမ်းဟောင်းရုံး) တပ်စခန်းတို့ကို စုစုစည်းစည်းနှင့် ပူးပေါင်းတိုက်ခိုက်နိုင်ခဲ့သည်ဟု Myingyan Black Tiger (MBT) မှ ဗိုလ်မိုက်ခဲက Red News Agency ကိုပြောကြားထားသည်။
[embedyt] https://www.youtube.com/watch?v=IVlFzqYQtS0[/embedyt]
Myingyan Black Tiger (MBT)နှင့် ညီနောင်မဟာမိတ်များမှ ၂၀၂၄ ခုနှစ်၊ ဇန်နဝါရီလ ၁၇ရက် နံနက် ၆နာရီ ၁၀မိနစ်မှ စတင်ကာ စစ်ကောင်စီလက်အောက်ခံများ တပ်စွဲထားသည့် ထွေအုပ်ရုံးနှင့် စစ်မှုထမ်းဟောင်းရုံးတို့ကို တပြိုင်တည်း ဝင်ရောက်စီးနင်းတိုက်ခိုက်ခဲ့ကြောင်း၊ ယင်းတိုက်ပွဲအတွင်း စစ်ကောင်စီလက်အောက်ခံများ ကျဆုံး ဒဏ်ရာရရှိမှုရှိကြောင်း သိရသည်။
ယင်းစစ်ဆင်ရေးအတွင်း NY Local PDF၊ Bright Stars Group (LPDF)၊ Royal Eagle People Defence Force၊ ဗိုလ်ခြောက်ဆယ် ပြောက်ကြားတပ်၊ ညောင်ဦးခရိုင် ရင်း- ၁၊TPGပြောက်ကြားတပ်ဖွဲ့၊ Popa Production & Guerilla Force (PPGF၊ သွေးသောက်တပ်ဖွဲ့စသည်တို့ ပူးပေါင်းခဲ့ကြောင်း သိရသည်။
Red News Agency
RAN_ဒီဇင်ဘာ(၂)၊၂၀၂၃ခုနှစ်။
“လက်နက်ခဲယမ်းနည်းပါးနေတဲ့ မပြည့်စုံတဲ့လက်လုပ်တွေနဲ့ တိုက်နေရတဲ့အညာဒေသမှာလည်း ကျွန်တော်တို့ နိုင်တဲ့ဘက်က ကျွန်တော်တို့ လုပ်ဆောင်နိုင်တာထက်ပိုပြီးတော့ အစွမ်းကုန် ကျွန်တော်တို့ ကြိုးစားပြီးတော့ ဒီစကစတပ်သားတွေကို အမြစ်ပြတ်တိုက်ထုတ်တော့မှာဖြစ်ပါတယ်။ ကျွန်တော်တို့ ခုခံစစ်ကနေတဆင့် တန်ပြန်တိုက်စစ် တန်ပြန်တိုက်စစ်ကနေတဆင့် ကျွန်တော်တို့ အခုဆိုရင် စခန်းသိမ်းတိုက်ပွဲတွေ ဒီကောင်တွေကို တန်ပြန်ထိုးစစ်မဲ့ ထိုးစစ်ဆင်တိုက်ပွဲတွေ ကျွန်တော်တို့ အညာမှာ မကြာခင် စတော့မှာ ဖြစ်ပါတယ်” ဟု Myingyan Black Tiger (MBT) အဖွဲ့ခေါင်းဆောင် ဗိုလ်မိုက်ခဲက ပြောကြားထားသည်။
[embedyt] https://www.youtube.com/watch?v=HVMrDNeCLLo[/embedyt]
#RedNewsAgency