Red News Agency

Tag: နွေဦးတော်လှန်ရေး

စစ်ကောင်စီတပ် စစ်ကြောင်းကို PDF များတိုက်ခိုက်ပါက ရွာသားများကို မီးရှို့သတ်မည်ဟုပြော

RNA_ဇန်နဝါရီ ၁၂ ရက်၊ ၂၀၂၂ ခုနှစ်။

မကွေးတိုင်း၊ မြိုင်မြို့နယ်၊ လက်ယက်မကျေးရွာတွင် စစ်ကောင်စီတပ် တပ်စွဲထားပြီး PDF များ မိုင်းခွဲတိုက်ခိုက်ခြင်းအပါအဝင် တိုက်ခိုပ်မှုများ ပြုလုပ်ပါက ကျေးရွာသူ/သားများကို မီးရှို့သတ်မည်ဟု ‌နယ်မြေအတွင်း ပြည်သူများအားလုံးသိရှိအောင် သတင်းစကားပါးထားကြောင်း သိရသည်။

ဓာတ်ပုံ: ပိုင်ငြိမ်း (BNA) မကွေးမြို့အခြေစိုက် နာမည်ဆိုးဖြင့် ကျော်ကြားသည့် တပ်မ (၈၈) တပ်သားများ ၂၀၂၀ ခုနှစ် ဖေဖော်ဝါရီလ ၂၂ ရက်နေ့က ရှေ့တန်းပြန် ဆိုကြိုမှုမြင်ကွင်း။ ” ဒီနေ့ထိ စစ်တပ်က ရွာထဲမှာ တချို့ ဘုန်ကြီးကျောင်း၊ စာသင်ကျောင်းလိုနေရာမျိုးတွေမှာ စုထားတယ်၊ ပြေးတဲ့သူတွေလဲ ပြေးကုန်ပြီ အခုက ရွာကိုဝိုင်းထားပြီ၊ ရွာထဲမှာ အကုန် ၂၀၀ ကျော် ၃၀၀ လောက်လို့ ခန့်မှန်းရတယ်၊ ဟိုကောင် စခတွေကတော့ ၁၀၀ ကျော် ၂၀၀ နီးပါးရှိမယ်။ သူတို့ကို တိုက်ရင် ပစ်ရင် ရွာသားတွေကို မီးရှို့မယ်လို့ ပြောထားတာ၊ တနယ်လုံး PDF တွေသိအောင်ထိ စကားပါးထားတာ” ဟု ဒေသခံ တဦးက ပြောသည်။

ဓာတ်ပုံ: ပိုင်ငြိမ်း (BNA) မကွေးမြို့အခြေစိုက် နာမည်ဆိုးဖြင့် ကျော်ကြားသည့် တပ်မ (၈၈) တပ်သားများ ၂၀၂၀ ခုနှစ် ဖေဖော်ဝါရီလ ၂၂ ရက်နေ့က ရှေ့တန်းပြန် ဆိုကြိုမှုမြင်ကွင်း။

မြိုင်မြို့နယ်အတွင်း ဒေသခံ ပြည်သူ့ကာကွယ်ရေးတပ်ဖွဲ့များနှင့် စစ်ကောင်စီတပ်တို့ မကြာခဏတိုက်ပွဲဖြစ်ပွားနေပြီး၊ ပြီးခဲ့သည့် ရက်ပိုင်းက လက်ယက်မ ကျေးရွာ နယ်တဝိုက် တိုက်ပွဲဖြစ်ပွားခဲ့ကြောင်း၊ စစ်ကောင်စီတပ်က ကျေးရွာများရှိနေအိမ်များကို မီးရှို့ဖျက်ဆီးမှုများရှိကြောင်း ဒေသခံထံမှ သိရသည်။

ဓာတ်ပုံ: ပိုင်ငြိမ်း (BNA) မကွေးမြို့အခြေစိုက် နာမည်ဆိုးဖြင့် ကျော်ကြားသည့် တပ်မ (၈၈) တပ်သားများ ၂၀၂၀ ခုနှစ် ဖေဖော်ဝါရီလ ၂၂ ရက်နေ့က ရှေ့တန်းပြန် ဆိုကြိုမှုမြင်ကွင်း။

အာဏာသိမ်း စစ်ကောင်စီတပ်သည် ကရင်နီပြည် (ကယား) ပြည်နယ်နှင့် စစ်ကိုင်းတိုင်းအတွင်းက မြို့နယ်တချို့မှာ ဒေသခံပြည်သုများကို မီးရှို့သတ်သည့် လုပ်ရပ်များ လုပ်ဆောင်နေကြောင်း၊ စစ်ကောင်စီတပ်သားများ အသေအဆုံးများပြီး အထိနာသည့်နေရာများတွင် တိုက်လေယာဉ်များအသုံးပြုပြီး ပစ်ခတ်တိုက်ခိုက်ကြောင်း၊ ချင်းပြည်နယ်တွင်လည်း လူနေအိမ်များကို မီးရှို့ဖျက်ဆီးမှုများရှိကြောင်း ဒေသခံ သတင်းရင်းမြစ်များထံက သိရသည်။

ဓာတ်ပုံ: ပိုင်ငြိမ်း (BNA) မကွေးမြို့အခြေစိုက် နာမည်ဆိုးဖြင့် ကျော်ကြားသည့် တပ်မ (၈၈) တပ်သားများ ၂၀၂၀ ခုနှစ် ဖေဖော်ဝါရီလ ၂၂ ရက်နေ့က ရှေ့တန်းပြန် ဆိုကြိုမှုမြင်ကွင်း။

ဓာတ်ပုံ: ပိုင်ငြိမ်း (BNA) မကွေးမြို့အခြေစိုက် နာမည်ဆိုးဖြင့် ကျော်ကြားသည့် တပ်မ (၈၈) တပ်သားများ ၂၀၂၀ ခုနှစ် ဖေဖော်ဝါရီလ ၂၂ ရက်နေ့က ရှေ့တန်းပြန် ဆိုကြိုမှုမြင်ကွင်း။

Red News Agency

January 12, 2022
၁၁ လအတွင်း ချင်းတိုင်းရင်းသား ၁၆၀ ကျော် သေဆုံးခဲ့

RNA_ဇန်နဝါရီ ၈ ရက်၊ ၂၀၂၂ ခုနှစ်။

၂၀၂၁ ခုနှစ်၊ ဖေဖော်ဝါရီလ ၁ ရက်နေ့မှ ဒီဇင်ဘာလ ၃၁ရက်နေ့အထိ၊ ၁၁ လအတွင်း စစ်ကောင်စီ စစ်တပ်မှ အာဏာသိမ်းပြီးနောက် ချင်းတိုင်းရင်းသား ၁၆၀ ကျော် သေဆုံးရကြောင်း ချင်းရေးရာအဖွဲ့ချုပ်(ICA)က ဇန်နဝါရီ ၆ ရက်နေ့က သတင်းထုတ်ပြန်ထားသည်။

သေဆုံးသူများတွင် အမျိုးသမီး (၁၃) ဦး အပါအဝင် အရပ်သားပြည်သူ (၈၇) ဦးနှင့် ချင်းတော်လှန်ရေးတပ်ဖွဲ့များမှ (၇၆) ဦး အထိ ရှိပြီး၊ ထိုအထဲတွင် စစ်ကောင်စီ၏ မီးရှို့သတ်ဖြတ်မှုကြောင့် သေဆုံးသူ (၇) ဦး၊ အလောင်းပြန် မရသည့် အရပ်သား (၈) ဦး နှင့် မိုင်းထိ၍ သေဆုံးသူ အရပ်သား (၃) ဦးထိ ပါဝင်ပါသည်။

(more…)

January 8, 2022
ပြည်သူတိုင်း PDF တပ်သားလို့ ခံယူစေချင်

ပြည်သူတိုင်း PDF တပ်သားလို့ ခံယူထားစေချင်ကြောင်း မြောင် အမျိုးသမီးပြောက်ကျားစစ်သည်တော်များအဖွဲ့က အမရာနှင့်ဟီရာတို့က ပြောကြား

RNA_ဇန်နဝါရီ ၆ ရက်၊ ၂၀၂၂ ခုနှစ်။

“နွေဦးတော်လှန်ရေးမှာ PDF တွေ တိုက်ပွဲဝင်ပါလိမ့်မယ်ဆိုတဲ့ အနေအထားမျိုးနဲ့ မသွားချင်ဘူး၊ ပြည်သူတိုင်း ပြည်သူတိုင်းက ကိုယ့်ကိုယ်ကို ငါတို့သည် PDF တပ်သားပါဆိုတာမျိုးနဲ့ ခံယူထားစေချင်တယ်။ အုံနဲ့ကျင်းနဲ့ တော်လှန်ရေးပွဲကြီးကို ဆင်နွှဲကြတဲ့အခါမှာ ကိုယ်ကျရာ အခန်းကဏ္ဍကနေမှ အင်တိုက်အားတိုက်နဲ့ ပူးပေါင်းပါဝင်ပေးကြဖို့ ပြည်သူ တစ်ယောက်ချင်းစီ တယောက်ချင်းစီတိုင်းကို မေတ္တာရပ်ခံချင်ပါတယ်” လို့ မြောင် အမျိုးသမီးပြောက်ကျား စစ်သည်တော်များအဖွဲ့က အမရာ နှင့် ဟီရာတို့က ပြည်သူများကို ပြောကြားထားသည်။

Red News Agency

January 6, 2022
စစ်အာဏာရှင်ကို အရှိန်တိုးမြင့်တိုက်ခိုက်သွားမည့် ပေါက် PDF

RNA_ဇန်နဝါရီ ၄ ရက်၊ ၂၀၂၂ ခုနှစ်။

အာဏာသိမ်းစစ်ကောင်စီတပ်နှင့် အပေါင်းအပါများကို လက်နက်ကိုင် တိုက်ခိုက်နေသည့် မကွေးတိုင်း၊ ပေါက်မြို့နယ် ပြည်သူ့ကာကွယ်ရေးတပ် (PPDF)က ၂၀၂၂ ခုနှစ်မှာ အရှိန်တိုးမြှင့်လုပ်ဆောင်သွားဖို့ရှိကြောင်း PPDF ခေါင်းဆောင် ဒေါ်လွင်လွင်မြင့်က ပြောကြားထားသည်။ [embedyt] https://www.youtube.com/watch?v=hhQEukQPKa0[/embedyt]

Red News Agency

January 4, 2022
NUG အစီအစဉ်ဖြင့် စစ်ကိုင်းတိုင်းမှာ အခြေခံပညာ ကျောင်းတွေဖွင့်ဖို့ပြင်နေ

RNA_ဇန်နဝါရီ ၃ ရက်၊ ၂၀၂၂ ခုနှစ်။

နွေ‌ဦးတော်လှန်ရေးကာလ ခုခံစစ် ပြင်းထန်ခဲ့သည့် စစ်ကိုင်းတိုင်းတွင် NUG အစီအစဉ်ဖြင့် အခြေခံပညာ စာသင်ကျောင်းများ ဖွင့်လှစ်ဖို့ ပြင်ဆင်နေကြောင်း သိရသည်။

စစ်ကိုင်းတိုင်း၊ ဒီပဲယင်း၊ ယင်းမာပင်၊ ပုလဲ၊ ကနီ၊ ကလေး ၊ မြောင်စသည့် မြို့နယ်များတွင် စစ်ကောင်စီတပ်ကို ဒေသခံပြည်သူ့ကာကွယ်ရေးတပ်ဖွဲ့များက ပြင်းပြင်ထန်ထန် တိုက်ခိုက်သည့်အတွက် စစ်အုပ်ချုပ်ရေးမှာ နေရာတိုင်း မသက်ရောက်တော့ကြောင်း၊ ယခင်က ဆိုင်ကယ်ဖြင့် (၁) နာရီ ခရီးကြာသည့် နေရာကို စစ်ကောင်စီတပ် စစ်ကြောင်းများ (၃) ကြောင်းခွဲကာ ၄ ရက်ခရီး သွားနေရကြောင်း၊ ဒေသခံ ပြည်သူ့ကာကွယ်ရေး တပ်ဖွဲ့များမှာ ကျေးရွာအလိုက်၊ မြို့နယ်အလိုက်စသည့် အဖွဲ့အစည်းများစွာရှိကြောင်း သိရသည်။

နွေဦးတော်လှန်ရေးကာလ စစ်ကိုင်းတိုင်းသည် အခြားတိုင်းများနှင့်ယှဉ်ပါက လက်နက်ကိုင်တော်လှန်ရေးကို အင်အားအများအပြားဖြင့် အောင်မြင်စွာ တိုက်နိုင်သည့် အနေအထားဖြစ်ကြောင်း၊ ပြည်သူ့ကာကွယ် ရေးတပ်ဖွဲ့များကလည်း လက်လုပ်သေနတ်များမှာ အဆင့်မြင့်မြင့်တီထွင်လာနိုင်ကြောင်း၊ စစ်ကောင်စီတပ်က လေကြောင်းဖြင့် တိုက်ခိုက်ခြင်း၊ ရိက္ခာပို့ခြင်း၊ မသာသယ်ခြင်း၊ လူပို့ခြင်းများ ပြုလုပ်နေရကြောင်း သိရသည်။

ဓာတ်ပုံ: ယနေ့ ကျောင်းဖွင့်ရန် ပြင်ဆင်နေမှု ကးမြင်ကွင်း

Red News Agency

January 3, 2022
ကြားကာလ ဒေသန္တရအုပ်ချုပ်ရေး အမြန်ဆုံး ဖော်ဆောင်နိုင်ရေး အစည်းအဝေးပြုလုပ်

RNA_ဇန်နဝါရီ ၃ ရက်၊ ၂၀၂၂ ခုနှစ်။

အမျိုးသားညီညွတ်ရေးအစိုးရ ( NUG) ကြားကာလ ဒေသန္တရ ပြည်သူ့အုပ်ချုပ်ရေးဖော်ဆောင်မှု အစည်း အဝေး (၁/၂၀၂၂) ကို ဇန်နဝါရီ ၂ ရက်‌နေ့က ပြုလုပ်ခဲ့ပြီး ခိုင်မာသည့် ကြားကာလဒေသန္တရအုပ်ချုပ်ရေးပုံစံတစ်ခုအမြန်ဆုံး ဖော်ဆောင်ရေး ဆွေးနွေးခဲ့ကြကြောင်း သိရသည်။

ကြားကာလ ဒေသန္တရပြည်သူ့အုပ်ချုပ်ရေးသည်
ပိုမိုအရေးပါလာပြီဖြစ်ပြီး တရားရေးဆိုင်ရာကိစ္စရပ်များ စီမံခန့်ခွဲမှု ကိစ္စများနှင့်ပတ်သက်၍ နေ့စဉ်ကြားသိနေရသည့်အတွက် အစိုးရအနေနှင့် ခိုင်မာတဲ့ ကြားကာလဒေသန္တရအုပ်ချုပ်ရေးပုံစံတစ်ခုအမြန်ဆုံး လိုအပ်နေပြီဖြစ်သည်ဟု အစည်းအဝေးတွင် ဒေသန္တရ ပြည်သူ့အုပ်ချုပ်ရေးဖော်ဆောင်မှု ဗဟိုကော်မတီဥက္ကဋ္ဌပြည်ထောင်စုဝန်ကြီးချုပ် မန်းဝင်းခိုင်သန်းက ပြောကြားခဲ့သည်။

ဒေသန္တရပြည်သူ့အုပ်ချုပ်ရေးသည် တရားရေးနှင့် ချိတ်ဆက်လုပ်ရမည့် အလုပ်အများအပြား အများကြီးရှိနေခြင်းကြောင့်အချိတ် အဆက်မိမိ ဆက်လက်အကောင် အထည်ဖော်ရန်လိုအပ်ကြောင်း၊ ပြည်နယ်အတိုင်ပင်ခံကောင်စီများနှင့် တွေ့ဆုံရာတွင် ” လိုအပ်သည့် ကြိုတင်ပြင်ဆင်မှုတွေကို ပြင်ဆင်ပြီးမှသာ စနစ်တကျတွေ့ ဆုံစေချင်တယ်” ဟူ၍ ၎င်းက ပြောကြားထားသည်။

(more…)

January 3, 2022
ရုပ်ရှင်သရုပ်ဆောင် အိန္ဒြာကျော်ဇင်၊ အဆိုတော်ပိုပိုနှင့် Beauty Blogger ဝင်းမင်းသန်း တို့ကို အင်းစိန်ထောင်သီးသန့်ပြောင်းထား

RNA_ဇန်နဝါရီ ၃ ရက်၊ ၂၀၂၂ ခုနှစ်။

နွေဦးတော်လှန်ရေးတွင် ပြည်သူနှင့်အတူ ပါဝင်ခဲ့သည့် ရုပ်ရှင်သရုပ်ဆောင် အိန္ဒြာကျော်ဇင်၊ အဆိုတော်ပိုပိုနှင့် Beauty Blogger ဝင်းမင်းသန်းတို့ (၃) ဦးကို ထောင်ဒဏ်အသီးသီးချမှတ်ပြီးနောက် အင်းစိန်အကျဉ်းထောင် VIP များသာထားရှိသည့် ၅ တိုက် (ခ) စက်ချုပ် မှာ အတူတူထားရှိကြောင်း သိရသည်။

သီးသန့်အချုပ်ဆောင်တွင် ထားရှိစဉ် ၂၀၂၁ ခုနှစ်၊ ဒီဇင်ဘာလ ၃၀ ရက်နေ့က အိန္ဒြာကျော်ဇင်၊ အဆိုတော်ပိုပို၊ အခြားသရုပ် ဆောင်နှင့်အဆိုတော်တချို့ကို နိုင်ငံတော်အကြည်ညို ပျက်စေမှု ၅၀၅(က)ဖြင့် ထောင်ဒဏ် (၃) နှစ်စီ ကျခံခဲ့ကြရကြောင်း၊ Beauty Blogger ဝင်းမင်းသန်းကို ၅၀၅(က)နှင့် မတရားအသင်းဆက်သွယ်မှု ဥပဒေ ၁၇(၁)တို့ဖြင့် နှစ်မှုပေါင်း (၃) နှစ်ချမှတ်ကြောင်း သိရသည်။

” အိန္ဒြာကျော်ဇင်၊ ပိုပို၊ မဝင်းမင်းသန်းတို့က အခု VIP အဆောင်ပြောလို့ရတယ် လုံးခြင်းအိမ်လေးတွေနဲ့ ၅ တိုက်မှာ ရောက်နေတယ် ကြားပါတယ်၊ ဒေါ်သန်းမြင့်အောင်တို့လည်း အဲဒီမှာရှိတယ်၊ အရင်က အမေစုက အင်းစိန်မှာခဏထားတဲ့ နေရာပေါ့၊ သူတို့ကျန်းမာရေးတွေကောင်းပါတယ်၊ ထောင်ဆိုတော့ အကုန်တော့ဘယ်အဆင်ပြေမလဲ ဒါပေမဲ့ သူတို့ကအေးဆေးနေကြရပါတယ်” ဟု အင်းစိန်အကျဉ်းထောင်နှင့် နီးစပ်သူထံမှသိရသည်။

အင်းစိန်အကျဉ်းထောင်တွင် နိုင်ငံရေးမှုနှင့်ကျလာသူများကို လူ့အခွင့်အရေးချိုးဖောက်မှု အများဆုံးလုပ်နေသည်ပထောင်ဖြစ်ပြီး ဗကသ အဖွဲ့ဝင်တဦးကို ဝန်ထမ်းနှင့် လက်ပါးစေများ၏ ရိုက်နှက်မှုကြောင့် ဒဏ်ရာအပြင်းအထန်ရထားပြီး၊ ကျောင်းသားသမဂ္ဂအဖွဲ့ဝင် အမျိုးသမီးတဦးလည်း အရေးပေါ်ဆေးကုသမှု ခံယူနေရကြောင်း၊ ၂၀၂၁ ခုနှစ် ဒီဇင်ဘာလ ၁၀ ရက်နေ့က အင်းစိန်ထောင် သီးသန့်အဆောင်ရှိ မတရားဖမ်းဆီးခံထားရသူ ၈၉ ဦး ဆန္ဒပြခဲ့သည့်အတွက် အငြိုးအတေးထားကာ ဖိနှိပ်ချုပ်ချယ်မှုများ ပိုလုပ်နေကြောင်း သိရသည်။

Red News Agency

January 3, 2022
NUG ရုပ်သံတင်ဆက်သူ ကိုအောင်နေမျိးကို ဖမ်းဆီးမရလို့ မိသားစုဝင်တွေကို ဓားစာခံအဖြစ်ဖမ်းဆီး

RNA_ဇန်နဝါရီ ၁ ရက်၊ ၂၀၂၂ ခုနှစ်။

အမျိုးသားညီညွတ်ရေးအစိုးရ NUG၏ PVTV ရုပ်သံအစီစဉ် ” တပ်ပျက်လုလု ဖိုးတက်ပု” သရော်စာကဏ္ဍ တင်ဆက်သူ ကိုအောင်နေမျိုး၏ ကျန်းမာရေးမကောင်းသည့် ဖခင်အပါအဝင် မိသားစု (၅) ဦး ဓားစာခံအဖြစ် ဖမ်းဆီးခံထားရသည်။ စစ်ကောင်စီတပ်က ကိုအောင်နေမျိုးကို ဖမ်းဆီးမရသည့်အတွက် ဓားစာခံအဖြစ် လေဖြတ်နေသည့် ဖခင်၊ မိခင်၊ အစ်မ နှစ်ယောက်နှင့် တူမ တို့ကို ၂၀၂၁ ခုနှစ် ဒီဇင်ဘာလ ၁၈ ရက်နေ့ဖမ်းဆီးသွားကြောင်း၊ မိသားစုဝင်များ အဖမ်းခံရသည့်ကိစ္စနှင့် ပတ်သက်ပြီး လူမဆန်သည့် လုပ်ရပ်ဖြစ်ကြောင်း ကိုအောင်နေမျိုးက ပြောကြားထားသည်။ [embedyt] https://www.youtube.com/watch?v=Nkw_p9JCSlo[/embedyt]Red News Agency

January 1, 2022
“အရေးတော်ပုံ အောင်ရမည်” ဟု ကြွေးကြော်ကာ ၂၀၂၂ ခုနှစ် နှစ်သစ်ကို ကြိုဆို

RNA_ဇန်နဝါရီ ၁ ရက်၊ ၂၀၂၂ ခုနှစ်။ ပြည်သူ့အစိုးရထံမှ မင်းအောင်လှိုင်ဦးဆောင်သည့်စစ်တပ်က အကြမ်းဖက် အာဏာသိမ်းခဲ့သည့်အတွက် ပြည်သူများ နွေဦးတော်လှန်ရေး ဆင်နွှဲနေကြပြီး ယနေ့ည ၁၂ နာရီတွင် ” အရေးတော်ပုံ အောင်ရမည်” ဟု (၃) ကြိမ် အကျယ်လောင်ဆုံးသံပြိုင်ကြွေးကြော်ကာ ပြည်သူလူထုက ၂၀၂၂ ခုနှစ် နှစ်သစ်ကို ဆိုခဲ့ကြသည်။ [embedyt] https://www.youtube.com/watch?v=_Xv8Uf47kmw[/embedyt]၂၀၂၁ ခုနှစ် ဖေဖော်ဝါရီလ ၁ ရက်နေ့ကစပြီး ၂၀၂၀ ရွေးကောက်ပွဲကို အသိအမှတ်မပြုဟုဆိုကာ ပြည်သူ့အစိုးရ ခေါင်းဆောင်များ၊ အရပ်ဖက်အဖွဲ့စည်းနှင့် ထင်ရှားသည့် ပုဂ္ဂိုလ်များကို အာဏာသိမ်းမှုနှင့်အတူ ဖမ်းဆီးလိုက်သည့်အတွက် ပြည်သူတရပ်လုံးက စစ်အာဏာရှင်တော်လှန်ရေး ( နွေဦးတော်လှန်ရေး) ငြိမ်းချမ်းစွာဆန္ဒပြမှုမှစတင်ကာ လက်နက်ဆွဲကိုင် တော်လှန်သည့် အခြေအနေထိ စစ်အာဏာရှင် အမြစ်ဖြတ်ပြီး ဖက်ဒရယ်ဒီမိုကရေစီတည်ဆောက်ရေး ချီတက်နေကြသည်။

စစ်တပ်အာဏာသိမ်းသည့် (၁၁) လ အတွင်း ၂၀၂၁ ခုနှစ် ဒီဇင်ဘာလ ၃၁ ရက်နေ့အထိ ကောက်ယူထားသည့် စာရင်းအရ ပြည်သူ ( ၁၃၈၄ ) ဦးကျဆုံးခဲ့ရပြီး၊ (၈၃၃၈) ဦး ဖမ်းဆီးခံထားရကြောင်း၊ မြေပြင်အခြေအနေမှာ ယခုစာရင်းထက် ပိုနိုင်ကြောင်း AAPP က ယနေ့ ထုတ်ပြန်ထားသည်။

Red News Agency

January 1, 2022
၂၀၂၁ ခုနှစ် နောက်ဆုံးရက်ရန်ကုန်မြို့ ညနေခင်း၊ ၂၀၂၂ ခုနှစ်မှာ ပြည်သူများ စစ်အာဏာရှင်ဘေးမှ ကင်းဝေးကြပါစေ

RNA_ဒီဇင်ဘာ ၃၁ ရက်၊ ၂၀၂၁ ခုနှစ်။

စစ်အာဏာရှင်လက်အောက်မှာ ပြည်သူတွေဟာ တော်လှန်ရေး ဆင်နွှဲနေရင်း ၂၀၂၁ ခုနှစ် နောက်ဆုံးရက် ညနေခင်းမှာ ရန်ကုန်မြို့လမ်းမတွေပေါ်မှာ သွားလာလှုပ်ရှားမှု နည်းပါးနေတာ တွေ့မြင်ရသည်။

စစ်တပ်အာဏာသိမ်းပြီး ပြည်သူတွေ ၂၀၂၁ ခုနှစ် တနှစ်လုံးနီးပါး ဝမ်းနည်းပူဆွေးမှုတွေ မျိုးစုံနှင့် ကြုံတွေ့ခဲ့ကြရပြီး ခုခံစစ်နှင့်အတူ စစ်အာဏာရှင် အမြစ်ပြတ်ရေး အရှိန်အဟုန် မြှင့်ဆောင်ရွက်နေကြသည့် ပြည်သူ့ကာကွယ်ရေးတပ်ဖွဲ့များ၊ တိုင်းရင်းသားလက်နက်ကိုင် တော်လှန်ရေးအဖွဲ့အစည်းများနှင့် ပြည်သူများ ၂၀၂၂ ခုနှစ်တွင် တော်လှန်ရေးကြီးအောင်မြင်ပါစေဟု Red News Agency က ဆုမွန်ကောင်း တောင်းလိုက်ပါသည်။

၂၀၂၁ ခုနှစ် ဖေဖော်ဝါရီလကတည်းက စတင်လိုက်သည့် နွေဦးတော်လှန်ရေးနှင့် ခေတ်အဆက်ဆက် ဖက်ဒရယ်ဒီမိုကရေစီရှိရေး၊ တန်းတူညီမျှမှုနှင့်လူ့အခွင့်အရေးများအတွက် မပြီးပြတ်သေးသည့် တော်လှန်ရေးကြီး ၂၀၂၂ ခုနှစ်အတွင်းမှာ အောင်မြင်စေကြောင်း Red News Agency သတင်းဌာနဝိုင်းတော်သားများက ဆုမွန်ကောင်း တောင်းလိုက်ပါသည်။

မြန်မာနိုင်ငံသူနိုင်ငံသားများအားလုံးနှင့် ကမ္ဘာ့နိုင်ငံသားများအားလုံး စစ်အာဏာရှင်ဘေးမှ ကင်းဝေးကြပါစေ။

Red News Agency

December 31, 2021