Independent Journalism for Justice and Human Rights.
RNA_ဇွန်(၁၇)၊၂၀၂၅ခုနှစ်။
အညာဒေသအတွင်း စစ်ရေးသတင်းများနှင့်ပတ်သက်ပြီး သတိထားရမည့်အချက်များအပါအဝင် အညာဒေသအခြေအနေများနှင့် အညာဒေသတော်လှန်ရေးရဲဘော်များ သတ္တိကောင်းကြောင်းစသည်တို့ကို ကရင်ပြည်နယ်တိုက်ပွဲများတွင် အင်တိုက်အားတိုက် ပါဝင်နေသော ကျားဖြူစစ်ကြောင်းမှ ဗိုလ်မှူးကျော်ဟိန်းကပြောပြထားသည်။
Red News Agency ၏ Youtube Channel ကို Subscribe လုပ်ရန် မေတ္တာရပ်ခံပါသည်။ https://www.youtube.com/@rednewsmm/?sub_confirmation=1
#RedNewsAgency #REDNEWS #RNA
“ဗိုလ်ဒါဘော ဦးဆောင်သည့် ကော်ဘရာစစ်ကြောင်း၊ Lion Battlion စစ်ကြောင်းဖြစ်ပြီး PDF စစ်ကြောင်းများဖြစ်တဲ့ ကျားဖြူ၊ SOF၊ တောင်ညို၊ ကျားသစ်နက်စသည့် စစ်ကြောင်းများသည် Social Media များပေါ်မှ ပြည်သူများရဲ့ အချစ်တော် စစ်ကြောင်းများ”
**********************************
ရန်နိုင်
နွေဦးတော်လှန်ရေးကာလအတွင်းမှာ လက်နက်ကိုင်တိုက်ပွဲဝင်နေကြတဲ့ ဒေသအသီးသီးမှ တော်လှန်ရေးရဲဘော်များ ဆိုသည်က မတရားမှုကို မကျေနပ်ကျလွန်း၍သာ သူပုန်ထသည့်နည်းလမ်းကို ရွေးချယ်ခဲ့ခြင်းဖြစ်ပြီး အာဏာရှင်စနစ်တခုကို အမြစ်ပြတ်အောင် ချေမှုန်းခြင်သည့် စိတ်တခုတည်းနဲ့ တိုက်ပွဲဝင်နေကြခြင်းလည်းဖြစ်သည်။ နှစ် ၈၀ နီးပါး ပြည်သူ့ဘဏ္ဍများစွာဖြင့် လက်နက်အင်အား အပြည့်အစုံတပ်ဆင်ကာ ပြည်ပရန်ကိုတိုက်ထုတ်ဖို့ တည်ဆောက်ထားသည် စစ်တပ်ကို အံတုဖို့ဆို သည်မှာ လွယ်ကူလှသည်တော့မဟုတ်ပေ။
နီးစပ်ရာလက်နက်ကိုင်အဖွဲ့ဝင်များဆီမှာ စစ်ပညာသင်ကြားပြီး အခြေစိုက်စခန်းများ တည်ဆောက်ကာ အကြမ်းဖက်စစ်တပ်၏ စခန်းငယ်များကို တိုက်ပွဲများဖော်ဆောင်ကြရသည်။ ထိုမှတဆင့် စစ်ဆင်ရေးအားကောင်းလာခဲ့ပြီး စိုးမိုးနယ်မြေများဖန်တီး နိုင်ခဲ့ကြသည်။ မြန်မာနိုင်ငံတောင်ပိုင်း ကရင်ပြည်နယ်တွင်အခြေပြုသည့် KNU/KNLA တပ်ဖွဲ့ဝင်များ ဦးဆောင်မှုဖြင့် နယ်မြေအသီးသီးမှာ စစ်ကြောင်းများဖွဲ့စည်းကာ စစ်ကောင်စီတပ်စခန်းများကို ပူးပေါင်း တိုက်ခဲ့နေကြသည်။ ဖွဲ့စည်းထားသည့် PDF စစ်ကြောင်း အားလုံးသည် ကာကွယ်ရေး ဝန်ကြီးဌာန၊ အမျိုးသားညီညွတ်ရေးအစိုးရ Ministry of Defence (MOD) ကို ကိုယ်စားပြုထားပါသည်။
အကြောင်းအမျိုးမျိုးကြောင့် လက်နက်ကိုင်ရပေမယ့် တိုက်ပွဲဝင်အတွေ့ကြုံနည်းပါးသည့်အချိန်မှာ ပြောက်ကျား စနစ်ကိုအခြေခံသည့် တိုက်ပွဲများအသွင်တိုက်ခိုက်ကြရသည်။ လက်နက်အင်အား မပြည့်စုံမှုကြောင့် လက်နက်အင်အား လူအင်အားဖြည့်ဆည်းနိုင်ရန် ပူးပေါင်းစစ်ကြောင်း များအသွင်ဖြင့် တိုက်ပွဲဝင်ကြသည်။ နယ်ခံမဟုတ်သည့် ပူးပေါင်းတပ်များအနေဖြင့် ပူးပေါင်းစစ်ဆင် ရာတွင် ပစ်ပိုင်နယ်မြေ သတ်မှတ်ထားပေမယ့် မထင်မှတ်သည့်နေရာမှ ရန်သူကဝင်လာတတ်တာ ကြုံရသလို၊ နယ်ခံလက်နက်ကိုင်အဖွဲ့များနှင့် အချိတ်အဆက်မမိချိန်များတွင် တပ်နုပ်နောက်ကျသည့်အတွက် ပိတ်ဆို့ချေမှုန်းခံရခြင်းများ ကြုံခဲ့ရကြောင်း တိုက်ပွဲဝင်ရဲဘော် တယောက်မှသူ၏ အတွေ့အကြုံကို ပြောပြခဲ့ဖူးပါသည်။
RNA_အောက်တိုဘာ(၂၈)၊၂၀၂၃ ခုနှစ်။
ကရင်ပြည်နယ်၊ ကော့ကရိတ်မြို့နယ်အတွင်း၊ ချောင်းဆုံ ဘုန်းကြီး ကျောင်းမှာ တပ်စွဲထားသည့် အင်အား ၇၀ ခန့်ရှိ စစ်ကောင်စီတပ်သားများကို ယမန်နေ့ နံနက် ၅ နာရီဝန်းကျင်က ကျားဖြူစစ်ကြောင်း ရဲဘော်များက ဝင်ရောက်စီးနင်းတိုက်ခိုက်ခဲ့ကြောင်း သိရသည်။
“ချောင်းဆုံဘုန်းကြီးကျောင်းမှာ တပ်စွဲထားတဲ့ စစ်ကောင်စီ နေရာကို ကျနော်တို့ ကျားဖြူတပ်ခွဲ ၄ အပါအဝင် ကျားဖြူစစ်ကြောင်းက ညီအစ် ကိုတွေ သိမ်းပိုက်နိုင်ခဲ့ပြီး လက်နက်ခဲယမ်းအချို့လည်း သိမ်းဆည်း နိုင်ခဲ့ပါတယ်။ တိုက်ပွဲဖြစ်ပွားချိန် နံနက် ၁၁ နာရီထိ ကြာမြင့်ခဲ့ပြီး တိုက်ပွဲအတွင်းအကြမ်းဖက်စစ်ကောင်စီက တပ်ကြပ်ကြီး (၁)ဦး သေဆုံးကာ စကစတပ်သားတွေ ထိခိုက်ဒဏ်ရာရရှိခဲ့ပေမယ့် စရင်းအတိအကျကိုတော့ စုံစမ်းနေဆဲဖြစ်ပါတယ်”ဟု Albino Tiger Company 4 – ကျားဖြူတပ်ခွဲ ၄ က ယမန်နေ့က ထုတ်ပြန်ထားသည်။
RNA_မတ်(၂၇)၊၂၀၂၃ ခုနှစ်။
ကရင်ပြည်နယ်၊ မြဝတီမြို့အဝင် ကုန်သွယ်ရေးဇုန်ကို မတ်လ ၂၅ ရက်နေ့က ဝင်ရောက်တိုက်ခိုက်ခဲ့သည့် မှတ်တမ်း ရုပ်သံကို ယနေ့ ကော်ဘရာစစ်ကြောင်းမှ Cobra Ko Shine က ပြည်သူများကို အသိပေးထားသည်။
“မြဝတီကုန်သွယ်ရေးဇုံကို ကျွန်တော်တို့ ဝင်ရောက်ခဲ့ပုံ မှတ်တမ်း၊ ဇော်မဲလုံးပြောသလို ကျွန်တော်တို့ မိုက်မိုက်ကန်းကန်းပါပဲ လူ ၂၀ ကျော်လေးနဲ့ ဝင်ပစ်တာ” ဟု ပြောကြားထားသည်။
[embedyt] https://www.youtube.com/watch?v=jE7MIb3liaE[/embedyt]
RNA_မတ် (၃)၊၂၀၂၃ ခုနှစ်။
ကရင်ပြည်နယ်၊ ကော့ကရိတ်မြို့ ကမိုင်ကုန်းတွင်တပ်စခန်းချထားသည့် စစ်ကောင်စီတပ်ကို အဖိုးဘီဂျီ ဦးဆောင်သည့် ကျားဖြူစစ်ကြောင်းနှင့် မဟာမိတ်တပ်ဖွဲ့တို့မှ ယမန်နေ့က သွားရောက်တိုက်ခိုက်ခဲ့ကြောင်း သိရသည်။
” ကျွန်နော်တို့ မနေ့က ကမိုင်ကုန်း စခန်းကို သွားတိုက်တာ အကျအဆုံးက မသိရသေးဘူး၊ ညဘက်ကြတော့ စကစက လက်နက်ကြီးနဲ့ ရွာတွေဘက်ကို ရမ်းသမ်းပစ်တယ်” ဟု ကျားဖြူစစ်ကြောင်းမှ တိုက်ပွဲတွင်ပါဝင်ခဲ့သူ ရဲဘော်သစ်နောင်နောင်က ပြောသည်။
[embedyt] https://www.youtube.com/watch?v=JIzVeEhhqWU[/embedyt]
ကျားဖြူစစ်ကြောင်းမှ စစ်ကောင်စီတပ် ကော့ကရိတ် ကမိုင်ကုန်းစခန်းအား (၄၅) မိနစ်ဝန်းကျင်တိုက်ခိုက်နေစဉ်အတွင်း မဟာမိတ်တပ်ဖွဲ့တခုဖြစ်သည့် Lion Battalion Commando Special Force ဗျူဟာစစ်ကြောင်းမှ ဒုစစ်ကြောင်းမှူးဦးဆောင်သည့်ရဲဘော်များမှ စစ်ကူရောက်ရှိလာပြီး ပူးပေါင်းတိုက်ခိုက်ခဲ့သည်ဟု သိရသည်။
#RedNewsAgency
RNA_ဖေဖော်ဝါရီ(၂၁)၊၂၀၂၃ ခုနှစ်။
တောင်ပိုင်းတိုင်းစစ်ဒေသ တနေရာတွင် အမေရိကန်မရိန်းတပ်ဖွဲ့ဝင်ဟောင်း သင်တန်းမှူးနှင့် KNU တပ်မဟာ (၆) သင်တန်းဆရာများ သင်ကြားပေးသည့် မြို့ပြပျောက်ကြား အထူးစစ်ဆင်ရေးနှင့် ချေမှုန်းရေး နည်းဗျူဟာသင်တန်းဆင်းပွဲကို ဖေဖော်ဝါရီလ ၂၀ ရက်နေ့ကအောင်မြင်စွာပြီးစီးခဲ့ကြောင်း ကျားဖြူစစ်ကြောင်း ကျားဖြူတပ်ခွဲ (၁) မှ ယနေ့ ထုတ်ပြန်ထားသည်။
[embedyt] https://www.youtube.com/watch?v=blQVKXAlv7c[/embedyt]
#RedNewsAgency
RNA_ဖေဖော်ဝါရီ(၁၇)၊၂၀၂၃ ခုနှစ်။
အမျိုးသားညီညွတ်ရေးအစိုးရ -NUG ၊တောင်ပိုင်းစစ်ဒေသ၊ဒုစစ်ဒေသမှူး (၂) ရဲဘော်စောရှားနှင့် တာဝန်ရှိပုဂ္ဂိုလ်များမှ စစ်ဒေသခွဲအမှတ် ၃၊ပြည်သူ့ကာကွယ် ရေးတပ်မတော် ကျားဖြူစစ်ကြောင်းနှင့် နဂါးဖြူစစ်ကြောင်းတို့မှ တိုက်ပွဲဝင်ရဲဘော်များကို ဖေဖော်ဝါရီလ (၁၆) ရက်နေ့က လက်နက်များ တပ်ဆင်ပေးအပ်ခဲ့ကြောင်း ထုတ်ပြန်ထားသည်။
NUG ကာကွယ်ရေးဝန်ကြီးဌာနမှ Cobra စစ်ကြောင်း၊ ဒေါနစစ်ကြောင်း၊ ကျားသစ်နက်စစ်ကြောင်း၊ တောင်ညိုစစ်ကြောင်း၊ နဂါးနီစစ်ကြောင်း၊ နဂါးဖြူစစ်ကြောင်းနှင့် ကျားဖြူစစ်ကြောင်းတို့ကို ၂၀၂၂ ခုနှစ် ဒီဇင်ဘာလ (၂၆) ရက်နေ့မှစတင်ကာ လက်နက်များတပ်ဆင်ပေးခဲ့ကြောင်း သိရသည်။
RNA_ဖေဖော်ဝါရီ(၁၁)၊၂၀၂၃ ခုနှစ်။
ကရင်ပြည်နယ်၊ကော့ကရိတ်မြို့၊ တံတားဦး၊ ညောင်ပင်အောက် စစ်ကောင်စီတပ် ဂိတ်စခန်းကို ကျားဖြူစစ်ကြောင်းနှင့် မဟာမိတ်ရဲဘော်များ ယနေ့ နံနက် (၅) နာရီ (၃၀) မိနစ်ဝန်းကျင်က တိုက်ခိုက်ရာ စစ်ကောင်စီတပ်မှ အနည်းဆုံး (၆) ဦးသေဆုံးကြောင်း သိရသည်။
” ရန်သူ့ဘက်မှ စစ်ကောင်စီ တပ်ဖွဲ့ဝင် ၆ဦး ထက်မနည်း သေဆုံးပြီး ထိခိုက် သေဆုံးမှုကို ထပ်မံ အတည် မပြုနိုင်သေးပါ။ စစ်ကောင်စီဘက်မှ အတို (၁) လက်၊ MA3 (၂) လက်၊ ကျည်ဘောက် (၄) ခု၊ RPG 7 အသီး (၁) လုံး ကို သိမ်ဆည်း ရရှိခဲ့ပါသည်” ဟု ကျားဖြူစစ်ကြောင်း – Albino Tiger Columnက ထုတ်ပြန်ထားသည်။
