RNA_ဖေဖော်ဝါရီ(၇)၊၂၀၂၅ခုနှစ်။
မကွေးတိုင်း၊ ပွင့်ဖြူမြို့နယ်၊ ကြီးအုံကြီးဝတမံနှင့် သုံးမိုင်ပေါက်တွင် စစ်ကြောင်းထိုးလာသော စစ်ကောင်စီတပ်နှင့် ဒေသတွင်း PDF များ တိုက်ပွဲဖြစ်ပွားခဲ့ရာ စစ်ကောင်စီတပ်မှ (၃၀) ခန့်ထိခိုက်နိုင်သည်ဟု မင်းဘူးခရိုင် အမှတ် (၇) တပ်ရင်း – ပွင့်ဖြူ PDF ထံမှ သိရသည်။
၂၀၂၅ ခုနှစ် ဖေဖော်ဝါရီလ ၁ ရက် မဲဇလီတံတား တိုက်ပွဲအတွင်း အထိနာခဲ့သော စစ်ကောင်စီတပ်သားများသည် ဖေဖော်ဝါရီလ ၃ ရက်နေ့တွင် ပုသိမ်-မုံရွာလမ်း ၃ မိုင်ပေါက်သို့ အင်အား ၁၅၀ ခန့်ဖြင့် စစ်ကြောင်းထိုးဝင်ရောက်လာသည့်အတွက် နေ့လယ် ၂ နာရီကျော်တွင် မိနစ် (၃၀) ခန့် ထိတွေ့မှု ဖြစ်ပွားခဲ့ကြောင်း၊ ဖေဖော်ဝါရီလ ၅ ရက်တွင် လက်နက်ကြီး ပစ်ကူများဖြင့် စစ်ကောင်စီတပ်သည် ကြီးအုံကြီးဝ တမံသို့ စစ်ကြောင်းထိုးဝင်ရောက်လာသည့်အတွက် ညနေ ၄ နာရီ ၃၀ မိနစ်ဝန်းကျင်မှ ၆ နာရီအထိ နှစ်ဖက်တိုက်ပွဲ ဖြစ်ပွားခဲ့သည်ဟု သိရသည်။
